ਭੁਲੱਥ, 27 ਮਾਰਚ (ਮਨਜੀਤ ਸਿੰਘ ਰਤਨ)-ਸ੍ਰੀ ਰਾਮ ਨੌਮੀ ਦਾ ਤਿਉਹਾਰ ਸ੍ਰੀ ਰਾਮ ਦਰਬਾਰ ਹਨੂੰਮਾਨ ਮੰਦਰ ਭੁਲੱਥ ਵਿਖੇ ਸ਼ਰਧਾ ਭਾਵਨਾ ਨਾਲ ਮਨਾਇਆ | ਇਸ ਪਾਵਨ ਅਵਸਰ ਮੌਕੇ ਸ੍ਰੀ ਰਾਮਾਇਣ ਦੇ ਪਾਠ ਆਰੰਭ ਕਰਵਾਏ ਤੇ ਸ਼ਾਮ ਵਕਤ ਭਗਤ ਪੁਸ਼ਕਰ ਭਈਆ ਸੰਕੀਰਤਨ ਮੰਡਲ ਕਪੂਰਥਲਾ ਵਲੋਂ ਗੁਣਗਾਨ ਕਰਕੇ ਸੰਗਤਾਂ ਨੂੰ ਨਿਹਾਲ ਕੀਤਾ ਗਿਆ | ਨਗਰ ਦੀਆਂ ਸੰਗਤਾਂ ਨੇ ਸੰਤ ਗੋਪਾਲ ਦਾਸ ਦਾ ਅਸ਼ੀਰਵਾਦ ਪ੍ਰਾਪਤ ਕੀਤਾ ਅਤੇ ਰਲ-ਮਿਲ ਪਾਠ ਪੂਜਾ ਕੀਤੀ | ਇਸ ਮੌਕੇ ਗੱਦੀ ਨਸ਼ੀਨ ਸ੍ਰੀ ਲਕਸ਼ਮਣ ਦਾਸ ਵਲੋਂ ਸੰਗਤਾਂ ਨੂੰ ਰਾਮ ਨਾਮ ਦੀ ਕਥਾ ਸਰਵਣ ਕਰਵਾਈ ਗਈ ਤੇ ਸੰਗਤਾਂ ਨੂੰ ਭਗਵਾਨ ਰਾਮ ਜੀ ਦੇ ਉਪਦੇਸ਼, ਸਿੱਖਿਆ 'ਤੇ ਚੱਲਣ ਦੀ ਪ੍ਰੇਰਣਾ ਦਿੱਤੀ | ਇਸ ਦੌਰਾਨ ਸਵੇਰ ਤੋਂ ਸ਼ਾਮ ਤੱਕ ਵੱਖ-ਵੱਖ ਪਕਵਾਨਾਂ ਦੇ ਅਤੁੱਟ ਲੰਗਰ ਵਰਤਾਏ ਗਏ | ਜ਼ਿਕਰਯੋਗ ਕਿ ਸੰਤ ਗੋਪਾਲ ਦਾਸ ਦੀ ਚੌਥੀ ਬਰਸੀ ਸਮਾਗਮ ਵੀ ਮਨਾਇਆ ਗਿਆ ਜਿਸ ਸੰਬੰਧੀ ਸ੍ਰੀ ਰਾਮਾਇਣ ਜੀ ਦੇ ਭੋਗ ਪਾਏ ਗਏ ਤੇ ਭੰਡਾਰਾ ਲਗਾਇਆ ਗਿਆ | ਇਸ ਮੌਕੇ ਸ਼ਾਮ ਲਾਲ ਸ਼ਰਮਾ, ਡਾਇਮੰਡ ਖੁਰਾਣਾ, ਬਲਬੀਰ ਖੁਰਾਣਾ, ਵਿਪਨ ਕੁਮਾਰ ਸੇਠੀ, ਠਾਕੁਰ ਨਰਾਇਣ ਸਿੰਘ, ਅਨਿਲ ਦੱਤਾ, ਸ਼ੁਭਾਸ਼ ਸਹਿਗਲ, ਰਜੇਸ਼ ਵਾਸੂਦੇਵਾ, ਨਰੇਸ਼ ਸ਼ਰਮਾ (ਬਾਵਾ), ਪਵਨ ਕੁਮਾਰ, ਮੰਗਤ ਰਾਮ ਸ਼ਰਮਾ, ਰਕੇਸ਼ ਅਰੋੜਾ, ਬਨਾਰਸੀ ਦਾਸ ਖੁੱਲਰ, ਜਤਿੰਦਰ ਘਈ, ਪਰਮਜੀਤ ਪੁਰੀ, ਭੁਪੇਸ਼ ਸ਼ਰਮਾ, ਸਚਿਨ ਅਰੋੜਾ, ਪ੍ਰਸ਼ੋਤਮ ਲਾਲ, ਚਰਨਜੀਤ ਸ਼ਰਮਾ, ਐਨੀ ਭਾਟੀਆ, ਮਾ. ਗੌਰੀ ਸ਼ੰਕਰ, ਵਕੀਲ ਸਤਪਾਲ ਵਧਾਵਨ, ਰਾਮ ਰਤਨ ਸ਼ਰਮਾ, ਸੋਮ ਮਹਿਰਾ, ਸੋਮ ਦੱਤਾ, ਮੋਹਿਤ ਸ਼ਰਮਾ, ਸੰਜੀਵ ਸ਼ਰਮਾ ਤੇ ਹੋਰ ਹਾਜ਼ਰ ਸਨ |
