ਕਪੂਰਥਲਾ / ਫਗਵਾੜਾ

ਸਰਪੰਚ ਬਲਵਿੰਦਰ ਸਿੰਘ ਲੱਡੂ, ਮੈਂਬਰ ਪੰਚਾਇਤ ਤੇ ਹੋਰ ਪਤਵੰਤਿਆਂ ਨੇ ਸਰਕਾਰੀਆ ਹਸਪਤਾਲ ਤਲਵੰਡੀ ਚੌਧਰੀਆਂ ਦੀ ਨੀਂਹ ਰੱਖੀ

ਸਰਕਾਰੀਆ ਹਸਪਤਾਲ ਤਲਵੰਡੀ ਚੌਧਰੀਆਂ ਦੀ ਨੀਂਹ ਰੱਖਦੇ ਹੋਏ ਸਰਪੰਚ ਬਲਵਿੰਦਰ ਸਿੰਘ ਲੱਡੂ, ਮੈਂਬਰ ਪੰਚਾਇਤ ਅਤੇ ਪਤਵੰਤੇ | ਤਸਵੀਰ: ਭੋਲਾ <br/> 19-04-2026

ਤਲਵੰਡੀ ਚੌਧਰੀਆਂ, 18 ਅਪ੍ਰੈਲ (ਪਰਸਨ ਲਾਲ ਭੋਲਾ)-ਗ੍ਰਾਮ ਪੰਚਾਇਤ ਤਲਵੰਡੀ ਚੌਧਰੀਆਂ, ਸਮੂਹ ਨਗਰ ਨਿਵਾਸੀਆਂ ਦੇ ਸਹਿਯੋਗ ਅਤੇ ਸਰਪੰਚ ਬਲਵਿੰਦਰ ਸਿੰਘ ਲੱਡੂ ਦੇ ਨਿੱਜੀ ਯਤਨਾਂ ਸਦਕਾ ਅੱਜ ਸਿਹਤ ਵਿਭਾਗ ਕਪੂਰਥਲਾ ਵਲੋਂ ਕੇਂਦਰ ਸਰਕਾਰ ਦੁਆਰਾ ਮਿਲੀ ਸਰਕਾਰੀ ਗਰਾਂਟ ਨਾਲ ਸਰਕਾਰੀ ਹਸਪਤਾਲ ਤਲਵੰਡੀ ਚੌਧਰੀਆਂ ਦੀ ਨਵੀਂ ਇਮਾਰਤ ਦੀ ਨੀਂਹ ਰੱਖੀ ਗਈ | ਪਾਣੀ ਦੀ ਸਹੂਲਤ ਲਈ ਸਿਹਤ ਵਿਭਾਗ ਵੱਲੋਂ ਬੋਰ ਪਹਿਲਾਂ ਹੀ ਕਰਵਾ ਦਿੱਤਾ ਗਿਆ ਹੈ | 60__1MP__50 ਫੁੱਟ ਇਮਾਰਤ ਦਾ ਏਰੀਆ ਕਵਰ ਕਰਨ ਦੇ ਲਈ ਜੈ ਗੁਰਦੇਵ ਕੰਟਰੈਕਸ਼ਨ ਕੰਪਨੀ ਨਾਲ 33 ਲੱਖ ਵਿਚ ਟੈਂਡਰ ਹੋਇਆ ਹੈ | ਪਰਮਜੀਤ ਸਿੰਘ ਠੇਕੇਦਾਰ ਨੇ ਇਮਾਰਤ ਦੀ ਮਾਰਕਿੰਗ ਕੀਤੀ, ਅਰਦਾਸ ਉਪਰੰਤ ਅੱਜ ਨੀਂਹ ਸਰਪੰਚ ਬਲਵਿੰਦਰ ਸਿੰਘ, ਬਾਬਾ ਸੁਖਜੀਤ ਸਿੰਘ ਜੋਗੀ, ਬਖ਼ਸ਼ੀਸ਼ ਸਿੰਘ ਬਿੱਲਾ ਪ੍ਰਧਾਨ ਕੋਆਪਰੇਟਿਵ ਸੋਸਾਇਟੀ, ਸੂਬੇਦਾਰ ਦਿਲਬੀਰ ਸਿੰਘ ਸੰਧੂ, ਬਾਬਾ ਗੁਰਮੀਤ ਸਿੰਘ, ਮੈਂਬਰ ਪੰਚਾਇਤ ਧੀਰਜ ਸ਼ਰਮਾ, ਦਵਿੰਦਰ ਸਿੰਘ ਓਠੀ, ਰਜਿੰਦਰ ਸਿੰਘ ਭਾਰਜ ਨੇ ਸਾਂਝੇ ਤੌਰ ਤੇ ਰੱਖੀ | ਠੇਕੇਦਾਰ ਪਰਮਜੀਤ ਸਿੰਘ ਨੇ ਦੱਸਿਆ ਕਿ ਇਮਾਰਤ ਵਿਚ ਵੱਖ-ਵੱਖ ਬਲਾਕ ਬਣਾਏ ਜਾਣਗੇ | ਇਸ ਮੌਕੇ ਤੇ ਸਰਪੰਚ ਬਲਵਿੰਦਰ ਸਿੰਘ ਲੱਡੂ ਨੇ ਦੱਸਿਆ ਕਿ ਇਸ ਦੇ ਨਾਲ ਪੈਂਦੇ ਪਿੰਡ ਸ਼ਾਲਾਪੁਰ ਬੇਟ, ਨੂਰਪੁਰ, ਸ਼ਿਵ ਦਿਆਲ ਛੰਨਾ ਫਰੀਦਪੁਰ, ਭੈਣੀ ਹੁੱਸੇ ਖਾਂ ਛੰਨਾ ਸ਼ੇਰ ਸਿੰਘ, ਖਿਜਰਪੁਰ ਪੱਮਣ, ਹੁਸੈਨਪੁਰ ਦੂਲੋਵਾਲ ਆਦਿ ਪਿੰਡਾਂ ਨੂੰ ਪਹਿਲਾਂ ਵੀ ਸਿਹਤ ਸਹੂਲਤਾਂ ਮਿਲਦੀਆਂ ਸਨ | ਇਸ ਹਸਪਤਾਲ ਦੇ ਇਮਾਰਤ ਨਾ ਹੋਣ ਕਾਰਨ ਡਾਕਟਰ ਦੀ ਰੈਗੂਲਰ ਹਾਜ਼ਰੀ ਨਾ ਹੋਣ ਕਾਰਨ 30 ਹਜ਼ਾਰ ਦੀ ਆਬਾਦੀ ਨੂੰ ਝੋਲਾਛਾਪ ਡਾਕਟਰਾਂ ਦੀ ਲੁੱਟ ਦਾ ਸ਼ਿਕਾਰ ਹੋਣਾ ਪੈਂਦਾ ਹੈ | ਸਮੁੱਚੀ ਗ੍ਰਾਮ ਪੰਚਾਇਤ ਅਤੇ ਪਤਵੰਤੇ ਪੰਜਾਬ ਸਰਕਾਰ ਅਤੇ ਸਿਹਤ ਵਿਭਾਗ ਤੋਂ ਮੰਗ ਕਰਦੇ ਹਨ ਕਿ ਇਮਾਰਤ ਦੇ ਨਿਰਮਾਣ ਤੋਂ ਬਾਅਦ ਜਲਦੀ ਡਾਕਟਰ ਸਮੇਤ ਬਾਕੀ ਅਮਲਾ ਪੂਰਾ ਕੀਤਾ ਜਾਵੇ | ਇਸ ਮੌਕੇ ਤੇ ਨੰਬਰਦਾਰ ਪਲਵਿੰਦਰ ਸਿੰਘ ਓਠੀ ਤੇ ਬਲਾਕ ਸੰਮਤੀ ਮੈਂਬਰ, ਮਨਜੀਤ ਸਿੰਘ ਲਾਲੀ, ਹਰਜੀਤ ਸਿੰਘ ਰਾਣਾ, ਸਾਬਕਾ ਸਰਪੰਚ ਹਰਜਿੰਦਰ ਸਿੰਘ ਘੁਮਾਣ, ਇੰਦਰਜੀਤ ਸਿੰਘ ਜੋਸਨ ਜਰਮਨ, ਸਰਬਜੀਤ ਛੱਬਾ, ਲਖਵਿੰਦਰ ਰਤਨਪਾਲ, ਦਰਸ਼ਨ ਸਿੰਘ ਸੰਧੂ ਡਾਇਰੈਕਟਰ, ਜਸਵਿੰਦਰ ਸਿੰਘ ਸੋਨੰੂ, ਮਨਜੀਤ ਸਿੰਘ ਜੱਜੀ, ਸਤਨਾਮ ਸਿੰਘ ਸੱਤਾ, ਲਵ ਸੰਧੂ ਫਰੀਦਪੁਰੀਆ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਸਨ |

ਪਿਛਲੀ ਖ਼ਬਰ ਸੀ-ਪਾਈਟ ਕੈਂਪ 'ਚ ਆਰਮੀ ਅਗਨੀਵੀਰ ਤੇ ਪੁਲਿਸ ਦੀ ਭਰਤੀ ਸੰਬੰਧੀ ਕਲਾਸਾਂ ਸ਼ੁਰੂ-ਕੈਪਟਨ ਅਜੀਤ ਸਿੰਘ ਅਗਲੀ ਖ਼ਬਰ ਪਿੰਡ ਢੱਕ ਪੰਡੋਰੀ ਵਿਖੇ ਡਾ. ਅੰਬੇਡਕਰ ਦੀ 135ਵੀਂ ਜੈਅੰਤੀ ਸੰਬੰਧੀ ਸਮਾਗਮ ਅੱਜ <br/>

ਸਰਪੰਚ ਬਲਵਿੰਦਰ ਸਿੰਘ ਲੱਡੂ, ਮੈਂਬਰ ਪੰਚਾਇਤ ਤੇ ਹੋਰ ਪਤਵੰਤਿਆਂ ਨੇ ਸਰਕਾਰੀਆ ਹਸਪਤਾਲ ਤਲਵੰਡੀ ਚੌਧਰੀਆਂ ਦੀ ਨੀਂਹ ਰੱਖੀ

ਸੰਬੰਧਿਤ ਖ਼ਬਰਾਂ