ਫਗਵਾੜਾ, 10 ਮਈ (ਚਾਨਾ)-ਇਕ ਮਹਿਲਾ ਨੂੰ ਫੇਟ ਮਾਰਨ ਦੇ ਸਬੰਧ 'ਚ ਸਦਰ ਪੁਲਿਸ ਨੇ ਕਾਰ ਚਾਲਕ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ | ਸ਼ਿਕਾਇਤ ਕਰਤਾ ਸੋਨੂੰ ਰਾਮ ਪੁੱਤਰ ਗੁਲਜਾਰੀ ਰਾਮ ਵਾਸੀ ਸਟੇਸ਼ਨ ਮਾਜਰੀ ਸ਼ਾਹਬਾਦ ਹਰਿਆਣਾ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ 'ਚ ਦੱਸਿਆ ਕਿ ਉਸ ਦੀ ਮਾਤਾ ਪਿੰਡ ਚੱਕ ਹਕੀਮ ਤੋਂ ਸੜਕ ਪਾਰ ਕਰਨ ਲੱਗੀ ਸੀ ਤਾਂ ਇੱਕ ਵਿਅਕਤੀ ਨੇ ਉਨ੍ਹਾਂ ਨੂੰ ਫੇਟ ਮਾਰ ਦਿੱਤੀ ਤੇ ਜ਼ਖਮੀ ਕਰ ਦਿੱਤਾ | ਜਿਸ ਸਬੰਧ 'ਚ ਪੁਲਿਸ ਨੇ ਆਰਟੀਕਾ ਕਾਰ ਦੇ ਚਾਲਕ ਰਾਜਵਿੰਦਰ ਸਿੰਘ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ |
