ਫਗਵਾੜਾ, 24 ਮਈ (ਅਸ਼ੋਕ ਕੁਮਾਰ ਵਾਲੀਆ)-ਫਗਵਾੜਾ ਹਲਕੇ ਤੋਂ ਸ਼ੋ੍ਰਮਣੀ ਅਕਾਲੀ ਦਲ ਦੇ ਟਕਸਾਲੀ ਐੱਸ.ਸੀ. ਆਗੂ ਬਿੰਦਰ ਸਿੰਘ ਰਾਵਲਪਿੰਡੀ ਨੇ ਆਖਿਆ ਕਿ ਆਪ ਸਰਕਾਰ 'ਚ ਲਘੂ ਉਦਯੋਗ ਦਾ ਫੇਲ੍ਹ ਹੋਣਾ ਪੰਜਾਬ ਲਈ ਬਰਬਾਦੀ ਦਾ ਕਾਰਨ ਹੈ | ਬਿੰਦਰ ਸਿੰਘ ਰਾਵਲਪਿੰਡੀ ਨੇ ਆਖਿਆ ਕਿ ਆਪ ਸਰਕਾਰ ਨੇ ਲਘੂ ਉਦਯੋਗ ਦੀ ਨੀਤੀ ਵੱਲ ਬਿਲਕੁਲ ਧਿਆਨ ਨਹੀਂ ਦਿੱਤਾ ਜਿਸ ਕਾਰਨ ਫਗਵਾੜਾ 'ਚ ਵੀ ਡੀਜ਼ਲ ਇੰਡਸਟਰੀ ਬਿਲਕੁਲ ਫੇਲ੍ਹ ਹੋ ਚੁੱਕੀ ਹੈ | ਬਿੰਦਰ ਸਿੰਘ ਰਾਵਲਪਿੰਡੀ ਨੇ ਆਖਿਆ ਕਿ ਅਕਾਲੀ ਸਰਕਾਰ ਵੇਲੇ ਇੱਕ ਉਹ ਸਮਾ ਸੀ ਜਦੋਂ ਫਗਵਾੜਾ ਸ਼ਹਿਰ ਦੇ ਕਈ ਘਰਾਂ ਵਿਚ ਡੀਜ਼ਲ ਦੇ ਛੋਟੇ ਛੋਟੇ ਪਾਰਟ ਬਣਾਕੇ ਸਪਲਾਈ ਕੀਤੇ ਜਾਂਦੇ ਸਨ ਜੋ ਕਿ ਇਹ ਕੰਮ ਫਗਵਾੜਾ ਇਲਾਕੇ ਦੀ ਆਰਥਿਕਤਾ ਦੀ ਰੀੜ੍ਹ ਦੀ ਹੱਡੀ ਸੀ | ਸਰਕਾਰ ਦੀਆਂ ਗਲਤ ਨੀਤੀਆਂ ਨੇ ਛੋਟੇ ਵਪਾਰੀਆਂ ਦੀਆਂ ਸਮੱਸਿਆ ਵੱਲ ਬਿਲਕੁਲ ਧਿਆਨ ਨਹੀਂ ਦਿੱਤਾ ਜਿਸ ਕਾਰਨ ਛੋਟੇ ਲਘੂ ਉਦਯੋਗ ਬੰਦ ਹੋ ਗਏ, ਫਗਵਾੜਾ ਆਰਥਿਕ ਮੰਦੀ ਵਿਚ ਆ ਗਿਆ | ਲਘੂ ਉਦਯੋਗ ਦੇ ਜਰੀਏ ਲੋਕਾਂ ਨੂੰ ਕੰਮ ਮਿਲਦਾ ਸੀ ਅਤੇ ਹਰ ਛੋਟੇ ਕਾਰੋਬਾਰੀ ਕੋਲ 10 ਤੋਂ 15 ਬੰਦੇ ਕੰਮ ਕਰਦੇ ਸਨ ਅਤੇ ਫਗਵਾੜਾ ਦਾ ਡੀਜ਼ਲ ਪਾਰਟ ਪੂਰੇ ਦੇਸ ਵਿਚ ਸਪਲਾਈ ਹੁੰਦਾ ਸੀ | ਡੀਜ਼ਲ ਇੰਜਣ ਪਾਰਟ ਬਣਾਉਣਾ ਫਗਵਾੜਾ ਨੂੰ ਹੱਬ ਮੰਨਿਆਂ ਜਾਂਦਾ ਸੀ |
