ਮੋਟਰਸਾਈਕਲ ਸਵਾਰ ਦੋ ਨੌਜਵਾਨਾਂ ਦੀ ਜਾਨਵਰ ਨਾਲ ਟੱਕਰ ਹੋਣ ਕਾਰਨ ਮੌਤ
ਨਕੋਦਰ , 22 ਅਗਸਤ ( ਗੁਰਵਿੰਦਰ ਸਿੰਘ )- ਦੋ ਨੌਜਵਾਨਾਂ ਦੀ ਮੋਟਰਸਾਈਕਲ ਦੇ ਜਾਨਵਰ ਨਾਲ ਟਕਰਾ ਜਾਣ ਕਾਰਨ ਮੌਤ ਹੋ ਗਈ । ਨਕੋਦਰ ਥਾਣਾ ਸਿਟੀ ਮੁਖੀ ( ਐਸ .
ਨਕੋਦਰ , 22 ਅਗਸਤ ( ਗੁਰਵਿੰਦਰ ਸਿੰਘ )- ਦੋ ਨੌਜਵਾਨਾਂ ਦੀ ਮੋਟਰਸਾਈਕਲ ਦੇ ਜਾਨਵਰ ਨਾਲ ਟਕਰਾ ਜਾਣ ਕਾਰਨ ਮੌਤ ਹੋ ਗਈ । ਨਕੋਦਰ ਥਾਣਾ ਸਿਟੀ ਮੁਖੀ ( ਐਸ . ਐਚ . ਓ .) ਹਰਮਿੰਦਰ ਸਿੰਘ ਨੇ ਦੱਸਿਆ ਕਿ ਮ੍ਰਿਤਕਾ ਦੀ ਪਛਾਣ ਪਾਰਸ ਉਰਫ਼ ਮੰਨੀ (19) ਪੁੱਤਰ ਸ਼ਿੰਦਾ ਸਿੰਘ ਵਾਸੀ ਪਿੰਡ ਝੁਗੇ ਕਿਸ਼ੋਰ ਸਿੰਘ , ਮਮਦੋਟ ਥਾਣਾ ਫਿਰੋਜ਼ ਪੁਰ ਅਤੇ ਗੁਰਵਿੰਦਰ ਸਿੰਘ ਉਰਫ਼ ਬੱਬੂ (18) ਪੁੱਤਰ ਜੋਗਿੰਦਰ ਵਾਸੀ ਪਿੰਡ ਸਾਹਨ ਕੇ , ਮਮਦੋਟ ਥਾਣਾ ਫਿਰੋਜ਼ ਪੁਰ ਵਜੋਂ ਹੋਈ ਹੈ । ਫਿਰੋਜ਼ਪੁਰ ਦੇ ਮਮਦੋਟ ਥਾਣਾ ਅਧੀਨ ਪਿੰਡ ਝੁਗੇ ਕਿਸ਼ੋਰ ਸਿੰਘ ਦੇ ਵਸਨੀਕ ਸ਼ਿੰਦਾ ਸਿੰਘ ਨੇ ਪੁਲਿਸ ਨੂੰ ਦੱਸਿਆ ਕਿ ਨੌਜਵਾਨ ਸ਼ੁੱਕਰਵਾਰ ਨੂੰ ਜਲੰਧਰ ਤੋਂ ਘਰ ਵਾਪਸ ਆ ਰਹੇ ਸਨ ਕਿ ਨਕੋਦਰ ਸ਼ਹਿਰ ਨੇੜੇ ਜਲੰਧਰ - ਨਕੋਦਰ ਰੋਡ ‘ ਤੇ ਉਨ੍ਹਾਂ ਦੀ ਮੋਟਰਸਾਈਕਲ ਇੱਕ ਅਵਾਰਾ ਜਾਨਵਰ ਨਾਲ ਟਕਰਾ ਗਈ ਅਤੇ ਮੌਕੇ ‘ ਤੇ ਹੀ ਉਨ੍ਹਾਂ ਦੀ ਮੌਤ ਹੋ ਗਈ । ਐਸ . ਐਚ . ਓ ਨੇ ਕਿਹਾ ਕਿ ਪੁਲਿਸ ਨੇ ਬੀ . ਐਨ . ਐਸ . ਐਸ ਦੀ ਧਾਰਾ 194 ਤਹਿਤ ਕਾਰਵਾਈ ਕਰਦਿਆਂ ਮ੍ਰਿਤਕਾਂ ਦੀਆਂ ਲਾਸ਼ਾਂ ਪਰਿਵਾਰਾਂ ਨੂੰ ਸੌਂਪ ਦਿੱਤੀਆਂ ਹਨ ।
