ਸਾਲਾਨਾ ਜਾਗਰਣ 26 ਨੂੰ

ਢਿਲਵਾਂ, 16 ਸਤੰਬਰ (ਗੋਬਿੰਦ ਸੁਖੀਜਾ)-ਵੈਸ਼ਨੋ ਮੰਡਲੀ ਢਿਲਵਾਂ ਵਲੋਂ ਸਮੂਹ ਨਗਰ ਨਿਵਾਸੀਆਂ ਦੇ ਸਹਿਯੋਗ ਨਾਲ ਮਾਤਾ ਰਾਣੀ ਦਾ ਸਾਲਾਨਾ ਜਾਗਰਣ 26 ਸਤੰਬਰ ਨੂੰ ਕਿਸ਼ੋਰੀ ਵਾਲਾ ਚੌਕ ਢਿਲਵਾਂ ਵਿਖੇ ਕਰਵਾਇਆ ਜਾ ਰਿਹਾ ਹੈ | ਵੈਸ਼ਨੋ ਭਜਨ ਮੰਡਲੀ ਦੇ ਰਾਜਨ ਸ਼ਰਮਾ, ਜਤਿੰਦਰ ਸ਼ਰਮਾ ਨੇ ਦੱਸਿਆ ਕਿ ਮਹਾਕਾਲ ਤਾਂਡਵ ਗਰੁੱਪ, ਆਸ਼ੂ ਸਿਕੰਦਰ, ਕੁਮਾਰ ਜਤਿਨ ਮਾਤਾ ਜੀ ਦੀਆਂ ਭੇਟਾਂ ਗਾ ਕੇ ਹਾਜ਼ਰ ਸੰਗਤਾਂ ਨੂੰ ਨਿਹਾਲ ਕਰਨਗੇ, ਮਾਤਾ ਜੀ ਦਾ ਲੰਗਰ ਭੰਡਾਰਾ ਅਟੁੱਟ ਵਰਤੇਗਾ | ਨੌਜਵਾਨ ਦੀ ਕੁੱਟਮਾਰ ਕਰਨ ਸੰਬੰਧੀ ਪੰਜ ਖਿਲਾਫ਼ ਕੇਸ ਦਰਜ ਫਗਵਾੜਾ, 16 ਸਤੰਬਰ (ਚਾਨਾ)-ਇੱਕ ਨੌਜਵਾਨ ਦੀ ਰਸਤੇ ’ਚ ਘੇਰ ਕੇ ਕੁੱਟਮਾਰ ਕਰਨ ਦੇ ਸੰਬੰਧ ‘ਚ ਸਿਟੀ ਪੁਲਿਸ ਨੇ ਪੰਜ ਨੌਜਵਾਨਾਂ ਖਿਲਾਫ਼ ਵੱਖ-ਵੱਖ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਹੈ | ਸ਼ਿਕਾਇਤ ਕਰਤਾ ਅਮਨ ਚੌਹਾਨ ਪੁੱਤਰ ਬਹੀਆ ਲਾਲ ਵਾਸੀ ਵਰਿੰਦਰ ਨਗਰ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ’ਚ ਦੱਸਿਆ ਕਿ ਉਹ ਆਪਣੇ ਦੋਸਤਾਂ ਨਾਲ ਮੋਟਰਸਾਈਕਲ ’ਤੇ ਜਾ ਰਿਹਾ ਸੀ ਤਾਂ ਇੱਕ ਮੋਟਰਸਾਈਕਲ ’ਤੇ ਨੌਜਵਾਨ ਆਏ ਤੇ ਉਸ ਦੀ ਕੁੱਟਮਾਰ ਕੀਤੀ | ਜਿਸ ਸੰਬੰਧ ’ਚ ਪੁਲਿਸ ਨੇ ਵਿਸ਼ਾਲ ਵਾਸੀ ਗੁਰੂ ਨਾਨਕ ਨਗਰ, ਸ਼ਮੀ ਖਾਨ ਵਾਸੀ ਕੌਂਲਸਰ ਮੁਹੱਲਾ, ਸਿਮਰ ਵਾਸੀ ਰਤਨਪੁਰਾ, ਸਾਹਿਲ, ਰਾਮ ਵਾਸੀਆਨ ਬਾਬਾ ਗਧੀਆ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ |