ਨਵੀਂ ਦਿੱਲੀ, 16 ਜੂਨ- ‘ਆਪ’ ਸੁਪਰੀਮੋ ਅਰਵਿੰਦ ਕੇਜਰੀਵਾਲ ਨੇ ਟਵੀਟ ਕਰ ਕਿਹਾ ਕਿ ਜਦੋਂ ਸਾਡੇ ਬਹੁਤ ਸਾਰੇ ਆਗੂਆਂ 'ਤੇ ਛਾਪਿਆਂ ਦਾ ਕੁਝ ਵੀ ਨਤੀਜਾ ਨਹੀਂ ਨਿਕਲਿਆ, ਤਾਂ ਹੁਣ ਈ.ਡੀ. ਨੇ ਦੇਸ਼ ਭਰ ਵਿਚ ਸਾਡੇ ਬਹੁਤ ਸਾਰੇ ਛੋਟੇ ਵਰਕਰਾਂ 'ਤੇ ਛਾਪੇਮਾਰੀ ਸ਼ੁਰੂ ਕਰ ਦਿੱਤੀ ਹੈ। ਸਾਰੇ ਵਰਕਰੋ, ਮਜ਼ਬੂਤ ਰਹੋ।
ਇਹ ਲੋਕ ਡਰਪੋਕ ਹਨ। ਉਹ ਟਰੰਪ ਦੇ ਸਾਹਮਣੇ ਦੇਸ਼ ਨੂੰ ਜ਼ਲੀਲ ਕਰਦੇ ਹੋਏ ਆਮ ਲੋਕਾਂ 'ਤੇ ਛਾਪੇਮਾਰੀ ਕਰਨਾ ਆਪਣੀ ਮਰਦਾਨਗੀ ਸਮਝਦੇ ਹਨ। ਵੈਸੇ, ਜੇ ਤੁਸੀਂ ਦੇਸ਼ ਦਾ ਕਾਲਾ ਧਨ ਲੱਭਣਾ ਚਾਹੁੰਦੇ ਹੋ, ਤਾਂ ਇਹ ਦੋ ਲੋਕਾਂ ਦੇ ਘਰਾਂ ਵਿਚ ਮਿਲੇਗਾ, ਜੋ ਹਰ ਰੋਜ਼ ਕਈ ਵਿਧਾਇਕਾਂ ਅਤੇ ਸੰਸਦ ਮੈਂਬਰਾਂ ਨੂੰ ਖਰੀਦਦੇ ਹਨ। ਪਰ ਈ.ਡੀ. ਉਨ੍ਹਾਂ ਦੇ ਕੰਟਰੋਲ ਹੇਠ ਆਉਂਦੀ ਹੈ।
