ਉੱਤਰਾਖੰਡ : ਟਰੱਕ ਦੇ ਖੱਡ ਵਿਚ ਡਿੱਗਣ ਨਾਲ ਦੋ ਲੋਕਾਂ ਦੀ ਮੌਤ

ਰੁਦਰਪ੍ਰਯਾਗ (ਉੱਤਰਾਖੰਡ), 16 ਜੁਲਾਈ - ਤਰਸਾਲੀ-ਫਾਟਾ ਰੋਡ 'ਤੇ ਇਕ ਟਰੱਕ ਦੇ ਖੱਡ ਵਿਚ ਡਿੱਗਣ ਨਾਲ ਦੋ ਲੋਕਾਂ ਦੀ ਮੌਤ ਹੋ ਗਈ।ਸੂਚਨਾ ਮਿਲਣ 'ਤੇ ਤੇਜ਼ੀ ਨਾਲ ਕਾਰਵਾਈ ਕਰਦੇ ਹੋਏ, ਸਬ-ਇੰਸਪੈਕਟਰ ਆਸ਼ੀਸ਼ ਡਿਮਰੀ ਦੀ ਅਗਵਾਈ ਵਿਚ ਸੋਨਪ੍ਰਯਾਗ ਤੋਂ ਇਕ ਐਸਡੀਆਰਐਫ ਬਚਾਅ ਟੀਮ ਨੂੰ ਜ਼ਰੂਰੀ ਬਚਾਅ ਉਪਕਰਣਾਂ ਨਾਲ ਮੌਕੇ 'ਤੇ ਭੇਜਿਆ ਗਿਆ। ਮੌਕੇ 'ਤੇ, ਐਸਡੀਆਰਐਫ, ਜ਼ਿਲ੍ਹਾ ਪੁਲਿਸ, ਫਾਇਰ ਸਰਵਿਸ ਅਤੇ ਐਨਡੀਆਰਐਫ ਦੁਆਰਾ ਇਕ ਸਾਂਝਾ ਬਚਾਅ ਕਾਰਜ ਚਲਾਇਆ ਗਿਆ। ਰੱਸੀ ਬਚਾਅ ਤਕਨੀਕਾਂ ਦੀ ਵਰਤੋਂ ਕਰਦੇ ਹੋਏ, ਐਸਡੀਆਰਐਫ ਟੀਮ ਤਬਾਹ ਹੋਏ ਟਰੱਕ ਤੱਕ ਪਹੁੰਚਣ ਲਈ ਲਗਭਗ 100 ਮੀਟਰ ਖੱਡ ਵਿੱਚ ਉਤਰੀ।