ਸ਼ਹਿਰ ਵਿਚ ਕੂੜੇ ਦੇ ਢੇਰਾਂ 'ਤੇ ਪੰਜਾਬ ਸਰਕਾਰ ਦੀਆਂ ਫੋਟੋਆਂ ਲਾ ਕੇ ਕੀਤੀ ਨਾਅਰੇਬਾਜ਼ੀ

ਰਾਜਪੁਰਾ (ਪਟਿਆਲਾ), 26ਜੁਲਾਈ (ਰਣਜੀਤ ਸਿੰਘ) - ਨਗਰ ਕੌਂਸਲ ਰਾਜਪੁਰਾ ਦਫ਼ਤਰ ਦੇ ਬਿਲਕੁਲ ਸਾਹਮਣੇ ਕੂੜੇ ਦੀਆਂ ਚਾਰ ਚਾਰ ਪੰਜ ਪੰਜ ਫੁੱਟ ਢੇਰੀਆਂ ਲੱਗ ਗਈਆਂ ਹਨ ਅਤੇ ਇਸ ਸੜਕ ਉੱਪਰੋਂ ਦੀ ਲੰਘਣਾ ਰਾਹਗੀਰਾਂ ਲਈ ਬਹੁਤ ਵੱਡੀ ਮੁਸੀਬਤ ਬਣਿਆ ਪਿਆ ਹੈ। ਨਗਰ ਕੌਂਸਲ ਦੇ ਸਾਹਮਣੇ ਗੰਦ ਦੀਆਂ ਢੇਰੀਆਂ ਦੇ ਉੱਪਰ ਪੰਜਾਬ ਸਰਕਾਰ ਦੇ ਮੁੱਖ ਮੰਤਰੀ ਅਤੇ ਮੰਤਰੀਆਂ ਦੀਆਂ ਫੋਟੋਆਂ ਲਾ ਕੇ ਨਾਅਰੇਬਾਜ਼ੀ ਕੀਤੀ ਗਈ। ਇਸ ਸੰਬੰਧ ਦੇ ਵਿਚ ਸਫ਼ਾਈ ਸੇਵਕ ਯੂਨੀਅਨ ਦੇ ਪ੍ਰਧਾਨ ਹੰਸ ਰਾਜ ਬਰਵਾੜੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਗੰਦ ਦੀਆਂ ਢੇਰੀਆਂ ਰੇੜੀਆਂ ਵਿਚ ਪਾ ਲਈਆਂ ਹਨ ਅਤੇ ਕੱਲ੍ਹ ਨੂੰ ਸ਼ਹਿਰ ਵਿਚ ਬਹੁਤ ਵੱਡਾ ਐਕਸ਼ਨ ਕੀਤਾ ਜਾਵੇਗਾ ਅਤੇ ਇਹ ਗੰਦ ਦੀਆਂ ਰੇੜੀਆਂ ਕਿਸੇ ਵੀ ਅਫ਼ਸਰ, ਕਿਸੇ ਵੀ ਸਿਆਸੀ ਆਗੂ ਦੇ ਘਰ ਦੇ ਮੂਹਰੇ ਸਿੱਟੀਆਂ ਜਾ ਸਕਦੀਆਂ ਹਨ। ਉਨ੍ਹਾਂ ਕਿਹਾ ਕਿ ਸਰਕਾਰ ਸਾਡੇ ਨਾਲ ਵਾਅਦਾ ਕਰਕੇ ਮੁਕਰ ਗਈ ਹੈ। ਇਸ ਲਈ ਕੱਲ੍ਹ ਤੋਂ ਬਾਅਦ ਕਰੋ ਜਾਂ ਮਰੋ ਦੀ ਨੀਤੀ ਤੇ ਪਹਿਰਾ ਦਿੱਤਾ ਜਾਵੇਗਾ।