ਮਲੋਟ, 17 ਨਵੰਬਰ (ਪਾਟਿਲ)-ਪ੍ਰੀਕਸ਼ਤ ਸਿੰਘ ਬਰਾੜ ਜੋਕਿ ਮਾਲਵਾ ਕਾਲਜ ਬਠਿੰਡਾ (ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ) ਵਿਚ ਬੀ.ਏ. ਭਾਗ ਤੀਜਾ ਦਾ ਵਿਦਿਆਰਥੀ ਹੈ, ਨੇ ਇੰਟਰਨੈਸ਼ਨਲ ਯੂਨੀਵਰਸਿਟੀ ਸਪੋਰਟਸ ਫੈਡਰੇਸ਼ਨ ਵਲੋਂ ਨਵੀਂ ਦਿੱਲੀ ਵਿਖੇ ਹੋਈ ਵਰਲਡ ਯੂਨੀਵਰਸਿਟੀ ਚੈਂਪੀਅਨਸ਼ਪਿ ਸ਼ੂਟਿੰਗ ਦੇ 50 ਮੀਟਰ 3 ਪੁਜ਼ੀਸ਼ਨ ਰਾਈਫ਼ਲ ਟੀਮ ਈਵੈਂਟ ਵਿਚ ਸੋਨ ਤਗ਼ਮਾ ਜਿ ੱਤਿਆ | ਪਿਛਲੇ ਮਹੀਨੇ ਵੀ ਪ੍ਰੀਕਸ਼ਤ ਸਿੰਘ ਬਰਾੜ ਨੇ 50 ਮੀਟਰ 3 ਪੁਜ਼ੀਸ਼ਨ ਰਾਈਫ਼ਲ ਈਵੈਂਟ ਵਿਚ ਜੂਨੀਅਰ ਵਰਲਡ ਚੈਂਪੀਅਨਸ਼ਿਪ ਸੀ.ਐੱਸ.ਐੱਸ.ਐੱਫ਼. ਇੰਟਰਨੈਸ਼ਨਲ ਇੰਟਰਨੈਸ਼ਨਲ ਸ਼ੂਟਿੰਗ ਸਪੋਰਟਸ ਫੈਡਰੇਸ਼ਨ ਵਲੋਂ ਜੋਕਿ ਲਾਈਮਾ ਸਾਊਥ ਅਮੇਰੀਕਨ ਕੰਟਰੀ ਵਿਖੇ ਹੋਈ, ਵਿਚ ਵੀ ਸੋਨ ਤਗ਼ਮਾ ਜਿੱ ਤਿਆ ਸੀ | ਪ੍ਰੀਕਸ਼ਤ ਸਿੰਘ ਬਰਾੜ ਪਿੰਡ ਤਰਖਾਣਵਾਲਾ ਦਾ ਰਹਿਣ ਵਾਲਾ ਹੈ, ਪਰ ਸ਼ੂਟਿੰਗ ਉਸ ਨੇ ਬਠਿੰਡਾ ਵਿਚ ਸੇਂਟ ਜੇਵੀਅਰ ਸਕੂਲ ਤੋਂ ਸ਼ੁਰੂ ਕੀਤੀ | ਉਸ ਨੇ ਸਕੂਲ, ਜ਼ਿਲ੍ਹਾ, ਸੂਬਾ ਤੇ ਰਾਸ਼ਟਰੀ ਪੱਧਰ 'ਤੇ ਵੀ ਤਗ਼ਮੇ ਹਾਸਿਲ ਕੀਤੇ | ਉਸ ਦੀ ਚੋਣ 2020 'ਚ ਖੇਲੋ ਇੰਡੀਆ 'ਚ ਵੀ ਹੋਈ ਸੀ | 2023 'ਚ ਵੀ ਜਰਮਨੀ 'ਚ ਉਸ ਨੇ ਚੈਂਪੀਅਨਸ਼ਿਪ 'ਚ ਭਾਗ ਲਿਆ | ਪ੍ਰੀਕਸ਼ਤ ਸਿੰਘ ਬਰਾੜ ਨੇ ਪੇਰੂ 'ਚ ਵੀ ਪਿਛਲੇ ਮਹੀਨੇ 50 ਮੀਟਰ 3 ਪੁਜ਼ੀਸ਼ਨ 'ਚ ਟੀਮ ਸੋਨ ਤਗ਼ਮਾ ਜਿੱਤਿਆ ਸੀ | ਉਸ ਦੀ ਇਸ ਪ੍ਰਾਪਤੀ ਨਾਲ ਇਲਾਕੇ 'ਚ ਖ਼ੁਸ਼ੀ ਦੀ ਲਹਿਰ ਹੈ |
