ਰਣਜੀਤ ਸਾਗਰ ਡੈਮ 'ਚ ਪਾਣੀ ਦਾ ਪੱਧਰ 527.10 ਮੀਟਰ 'ਤੇ ਪੁੱਜਾ
ਅਜੀਤ ਡੈਸਕ
04-09-2025
ਸ਼ਾਹਪੁਰ ਕੰਢੀ, 3 ਸਤੰਬਰ (ਰਣਜੀਤ ਸਿੰਘ)-ਪਹਾੜਾਂ 'ਚ ਪੈ ਰਹੇ ਲਗਾਤਾਰ ਮੀਂਹ ਅਤੇ ਚੰਮੇਰਾ ਡੈਮ ਤੋਂ ਆ ਰਹੇ ਪਾਣੀ ਕਾਰਨ ਰਣਜੀਤ ਸਾਗਰ ਡੈਮ ਦੀ ਝੀਲ ਦਾ ਪੱਧਰ ਇਕ ਵਾਰ ਫਿਰ 527 ਮੀਟਰ ਪਾਰ ਕਰਕੇ 527.10 ਮੀਟਰ ਤੱਕ ਪਹੁੰਚ ਗਿਆ ਹੈ, ਜੋ ਕਿ ਖ਼ਤਰੇ ਦੇ ਨਿਸ਼ਾਨ ਤੋਂ 80 ਸੈਂਟੀਮੀਟਰ ਘੱਟ ਹੈ | ਚੰਮੇਰਾ ਡੈਮ ਤੋਂ 84825 ਕਿਊਸਿਕ ਪਾਣੀ ਰਣਜੀਤ ਸਾਗਰ ਡੈਮ ਦੀ ਝੀਲ ਅੰਦਰ ਆ ਰਿਹਾ ਹੈ | ਝੀਲ ਦਾ ਪੱਧਰ ਵਧ ਜਾਣ ਕਾਰਨ ਡੈਮ ਦੇ ਸਾਰੇ 7 ਫਲੱਡ ਗੇਟ ਇਕ ਮੀਟਰ ਤੱਕ ਖੋਲ੍ਹ ਦਿੱਤੇ ਗਏ ਹਨ |
