ਬੈਂਕਾਕ, 21 ਨਵੰਬਰ (ਇੰਟ.)-74ਵੇਂ ਮਿਸ ਯੂਨੀਵਰਸ ਸੁੰਦਰਤਾ ਮੁਕਾਬਲੇ 'ਚ ਮੈਕਸੀਕੋ ਦੀ ਫਾਤਿਮਾ ਬੋਸ਼ 130 ਦੇਸ਼ਾਂ ਦੀਆਂ ਸੁੰਦਰੀਆਂ ਨੂੰ ਪਛਾੜ ਕੇ 2025 ਦੀ ਜੇਤੂ ਬਣੀ | ਜਦੋਂ ਕਿ ਭਾਰਤੀ ਲੋਕ ਰਾਜਸਥਾਨ ਦੀ ਮਨਿਕਾ ਵਿਸ਼ਵਕਰਮਾ ਦਾ ਖਿਤਾਬ ਜਿੱਤਣ ਲਈ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਸਨ, ਪਰ ਅਜਿਹਾ ਨਹੀਂ ਹੋਇਆ | ਮਨਿਕਾ ਚੋਟੀ ਦੇ 12 'ਚ ਵੀ ਜਗ੍ਹਾ ਬਣਾਉਣ ਵਿਚ ਅਸਫਲ ਰਹੀ | ਇਸ ਨਾਲ ਭਾਰਤ ਦਾ ਚੌਥੀ ਵਾਰ ਮਿਸ ਯੂਨੀਵਰਸ ਦਾ ਖਿਤਾਬ ਜਿੱਤਣ ਦਾ ਸੁਪਨਾ ਟੁੱਟ ਗਿਆ | ਪਹਿਲੀ ਰਨਰ-ਅੱਪ ਮੇਜ਼ਬਾਨ ਦੇਸ਼ ਥਾਈਲੈਂਡ ਦੀ ਪ੍ਰਵੀਨਾ ਸਿੰਘ ਸੀ | ਦੂਜੀ ਰਨਰ-ਅੱਪ ਵੈਨੇਜ਼ੁਏਲਾ ਦੀ ਸਟੈਫਨੀ ਅਬੇਸਾਲੀ ਸੀ ਤੇ ਤੀਜੀ ਰਨਰ-ਅੱਪ ਫਿਲੀਪੀਨਜ਼ ਦੀ ਮਾ. ਏਹਤੀਸਾ ਮਨਾਲੋ ਸੀ |
