ਕੋਟਫ਼ਤੂਹੀ, 1 ਜੂਨ (ਅਟਵਾਲ)-ਪਿੰਡ ਭਗਤੂਪੁਰ ਵਿਖੇ ਸੰਤ ਬਾਬਾ ਸ਼ਾਮ ਦਾਸ ਦੇ ਧਾਰਮਿਕ ਅਸਥਾਨ 'ਤੇ ਵਿਸ਼ਵ ਮਾਨਵ ਰੂਹਾਨੀ ਕੇਂਦਰ ਸਤਿਸੰਗ ਘਰ (ਨਵਾਂ ਨਗਰ) ਬ੍ਰਾਂਚ ਖੈਰੜ-ਅੱਛਰਵਾਲ ਦੇ ਸਰਪ੍ਰਸਤੀ ਹੇਠ ਡਾਕਟਰ ਸੁਖਵਿੰਦਰ ਸਿੰਘ ਦੀ ਟੀਮ ਨੇ ਮੁਫ਼ਤ ਜਨਰਲ ਰੋਗਾਂ ਦਾ ਮੁਫ਼ਤ ਮੈਡੀਕਲ ਕੈਂਪ ਲਗਾਇਆ | ਇਸ ਕੈਂਪ ਵਿਚ ਡਾਕਟਰਾਂ ਦੀ ਟੀਮ ਵੱਲੋਂ ਲਗਭਗ 108 ਮਰੀਜ਼ਾਂ ਦੀ ਜਾਂਚ ਕੀਤੀ ਗਈ ਅਤੇ ਲੋੜਵੰਦ ਮਰੀਜ਼ਾਂ ਨੂੰ ਮੁਫ਼ਤ ਦਵਾਈਆਂ ਵੀ ਦਿੱਤੀਆਂ ਗਈਆਂ | ਇਸ ਮੌਕੇ ਪ੍ਰਸ਼ੋਤਮ ਲਾਲ ਫਾਰਮਾਸਿਸਟ, ਨਿਤਿਨ ਕੁਮਾਰ, ਹੁਸਨ ਲਾਲ ਕੋਟਫ਼ਤੂਹੀ, ਹਰਮੇਸ਼ ਚੰਦਰ, ਗੁਰਬਖ਼ਸ਼ ਸਿੰਘ, ਅਮਰੀਕ ਸਿੰਘ ਅੱਛਰਵਾਲ, ਪਰਮਜੀਤ ਸਿੰਘ, ਨੰਬਰਦਾਰ ਕੁਲਵਰਨ ਸਿੰਘ ਸਿੱਧੂ, ਦੇਵਰਾਜ, ਜਰਨੈਲ ਸਿੰਘ ਆਦਿ ਹਾਜ਼ਰ ਸਨ |
