ਹਾਜੀਪੁਰ, 23 ਦਸੰਬਰ (ਜੋਗਿੰਦਰ ਸਿੰਘ)- ਥਾਣਾ ਹਾਜੀਪੁਰ ਦੀ ਪੁਲਿਸ ਨੇ ਟਿੱਪਰ ਚਾਲਕ ਵਲੋਂ ਸਕੂਟਰੀ ਸਵਾਰ ਪਿਉ-ਧੀ ਨੂੰ ਗ਼ਲਤ ਸਾਈਡ 'ਤੇ ਆ ਕੇ ਟੱਕਰ ਮਾਰ ਕੇ ਜ਼ਖਮੀ ਕਰ ਦੇਣ ਕਾਰਨ ਮਾਮਲਾ ਦਰਜ ਕੀਤਾ ਹੈ | ਇਸ ਸਬੰਧੀ ਮਿਲੀ ਜਾਣਕਾਰੀ ਅਨੁਸਾਰ ਪੁਲਿਸ ਨੂੰ ਦਿੱਤੇ ਬਿਆਨ ਵਿਚ ਕਮਲ ਕੁਮਾਰ ਪੁੱਤਰ ਰਾਮਦਾਸ ਵਾਸੀ ਨੰਗਲ ਬਿਹਾਲਾਂ ਥਾਣਾ ਹਾਜੀਪੁਰ ਨੇ ਦੱਸਿਆ ਕਿ ਉਹ ਬੀਤੀ 28 ਨਵੰਬਰ 2025 ਨੂੰ ਸਵੇਰੇ 7 ਵਜੇ ਦੇ ਕਰੀਬ ਆਪਣੀ ਸਕੂਟਰੀ ਜਪੀਟਰ ਨੰਬਰ ਪੀ.ਬੀ. 07 ਏ. ਜੈਡ 4232 'ਤੇ ਸਵਾਰ ਹੋ ਕੇ ਆਪਣੀ ਲੜਕੀ ਗੋਮਰਾ ਨੂੰ ਸਰਵਹਿੱਤਕਾਰੀ ਸਕੂਲ ਹਾਜੀਪੁਰ ਵਿਖੇ ਛੱਡਣ ਆ ਰਿਹਾ ਸੀ | ਜਦੋਂ ਉਹ ਪਿੰਡ ਰਣਸੋਤਾ ਕਰੀਬ ਪੁੱਜਾ ਤਾਂ ਪਿੱਛਿਓਾ ਆ ਰਹੇ ਟਿੱਪਰ ਨੰਬਰ ਐਚ. ਪੀ. 20 ਐਚ 7073 ਜਿਸ ਦੇ ਡਰਾਈਵਰ ਨੇ ਬਿਨਾ ਹਾਰਨ ਦਿੱਤੇ ਗ਼ਲਤ ਸਾਈਡ ਤੋਂ ਆ ਕੇ ਸਾਡੇ 'ਚ ਟੱਕਰ ਮਾਰੀ ਜਿਸ ਕਰਕੇ ਉਹ ਗੰਭੀਰ ਜ਼ਖਮੀ ਹੋ ਗਈ | ਹਾਜੀਪੁਰ ਪੁਲਿਸ ਨੇ ਉਕਤ ਬਿਆਨ 'ਤੇ ਟਿੱਪਰ ਚਾਲਕ 'ਤੇ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ |
