ਮਾਛੀਵਾੜਾ ਸਾਹਿਬ, 1 ਨਵੰਬਰ (ਮਨੋਜ ਕੁਮਾਰ)-ਪਿਛਲੇ ਦਿਨੀਂ ਬੇਹੱਦ ਸ਼ਰਮਨਾਕ ਘਿਨੌਣੀ ਹਰਕਤ ਜਿਸ ਵਿਚ ਇੱਕ ਨਾਬਾਲਗ ਲੜਕੀ ਨਾਲ ਗੜੀ ਲਾਗੇ ਇੱਕ ਢਾਬੇ ਵਿਚ ਕਿਰਾਏ ਦੇ ਕਮਰੇ ਵਿਚ ਕਿਸੇ ਨੌਜਵਾਨ ਵਲੋਂ ਜ਼ਬਰਦਸਤੀ ਕੀਤੀ ਗਈ ਤੇ ਮਾਮਲਾ ਲੜਕੀ ਦੇ ਪਰਿਵਾਰਕ ਮੈਂਬਰਾਂ ਵਲੋਂ ਪੁਲਿਸ ਦੇ ਧਿਆਨ ਵਿਚ ਲਿਆਉਣ ਤੋਂ ਬਾਦ ਨਾ ਸਿਰਫ਼ ਉਸ ਨੌਜਵਾਨ ਵਿਰੁੱਧ ਮੁਕੱਦਮਾ ਦਰਜ ਹੋਇਆ | ਬਲਕਿ ਜਿਸ ਢਾਬੇ ਦੇ ਕਮਰੇ ਵਿਚ ਇਹ ਘਿਨੌਣਾ ਕਾਰਾ ਹੋਇਆ, ਉਸ ਦਾ ਜ਼ਿਕਰ ਵੀ ਦਰਜ ਐੱਫ. ਆਈ. ਆਰ. ਵਿਚ ਕੀਤਾ ਗਿਆ¢ ਇਸ ਬਾਰੇ ਤਾਜ਼ਾ ਗੱਲਬਾਤ ਦੌਰਾਨ ਥਾਣਾ ਮੁਖੀ ਮਾਛੀਵਾੜਾ ਹਰਵਿੰਦਰ ਸਿੰਘ ਨੇ ਦੱਸਿਆ ਕਿ ਕੋਈ ਵੀ ਢਾਬਾ ਮਾਲਕ ਕਾਨੂੰਨ ਦੀ ਉਲ਼ੰਘਣਾ ਕਰਦਿਆਂ ਫੜਿਆ ਗਿਆ ਤਾਂ ਕਿਸੇ ਵੀ ਸੂਰਤ ਵਿਚ ਬਖਸ਼ਿਆ ਨਹੀਂ ਜਾਵੇਗਾ¢ ਉਨ੍ਹਾਂ ਮੁਕੱਦਮੇ ਵਿਚ ਦਰਜ ਉਸ ਢਾਬਾ ਮਾਲਕ ਦਾ ਜ਼ਿਕਰ ਕਰਦਿਆਂ ਕਿਹਾ ਕਿ ਕਾਨੂੰਨੀ ਕਾਰਵਾਈ ਚੱਲ ਰਹੀ ਹੈ ਤੇ ਉਸ ਢਾਬਾ ਮਾਲਕ ਵਿਰੁੱਧ ਜੋ ਵੀ ਦੋਸ਼ ਸਾਹਮਣੇ ਆਏ ਤਾਂ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ¢
