ਮਾਛੀਵਾੜਾ ਸਾਹਿਬ, 1 ਨਵੰਬਰ (ਮਨੋਜ ਕੁਮਾਰ)-27 ਅਕਤੂਬਰ ਨੂੰ ਛੱਠ ਪੂਜਾ ਦਾ ਸਮਾਗਮ ਹਜ਼ਾਰਾਂ ਸ਼ਰਧਾਲੂਆਂ ਦੇ ਰਿਕਾਰਡ ਇਕੱਠ ਵਿਚ ਗੜੀ ਪੁਲ ਲਾਗੇ ਸਰਹਿੰਦ ਨਹਿਰ ਕਿਨਾਰੇ ਸੰਪੰਨ ਹੋਇਆ ਪਰ ਇਸ ਸਮਾਗਮ ਤੋਂ ਬਾਦ ਲਗਾਤਾਰ ਜਿਸ ਤਰ੍ਹਾਂ ਨਹਿਰ ਵਿਚੋਂ ਲਾਸ਼ਾਂ ਦਾ ਮਿਲਣਾ ਜਾਰੀ ਹੈ, ਉਸ ਨੇ ਨਵੇਂ ਅੰਦੇਸ਼ਿਆਂ ਨੂੰ ਜਨਮ ਦਿੱਤਾ ਹੈ¢ ਸ਼ੁੱਕਰਵਾਰ ਨੂੰ ਜਦੋਂ 20 ਸਾਲਾ ਨੌਜਵਾਨ ਹੀਰਾ ਲਾਲ ਦੀ ਪਹਿਲਾਂ ਨਹਿਰ ਵਿਚ ਤੈਰਦੀ ਲਾਸ਼ ਮਿਲੀ ਤੇ ਫਿਰ ਹੁਣ ਸ਼ਨੀਵਾਰ ਨੂੰ ਪਿੰਡ ਜਲਾਹ ਮਾਜਰਾ ਕੋਲ ਕਰੀਬ 40 ਸਾਲਾ ਵਿਅਕਤੀ ਦੀ ਲਾਸ਼ ਮਿਲੀ ਜਿਸ ਦੀ ਪਹਿਚਾਣ ਹੋਣੀ ਅਜੇ ਬਾਕੀ ਹੈ | ਇਹ ਦੋਵੇਂ ਲਾਸ਼ਾਂ ਬਿਹਾਰੀ ਪਰਿਵਾਰਾਂ ਨਾਲ ਸਬੰਧਿਤ ਹਨ¢ ਇਸ ਤੋਂ ਇਲਾਵਾ ਛੱਠ ਪੂਜਾ ਤੋਂ ਅਗਲੇ ਦਿਨ ਕਿਸੇ ਨਾਬਾਲਗ ਲੜਕੀ ਦੇ ਲਾਪਤਾ ਹੋਣ ਦੀ ਗੱਲ ਸਾਹਮਣੇ ਆਈ¢ ਨਹਿਰ ਵਿਚੋਂ ਇਸ ਤਰ੍ਹਾਂ ਲਾਸ਼ਾਂ ਦਾ ਮਿਲਣਾ ਆਪਣੇ ਆਪ ਵਿਚ ਕਈ ਸਵਾਲ ਪੈਦਾ ਕਰਦਾ ਹੈ ਕਿ ਇਸ ਨੰੂ ਮਹਿਜ਼ ਦੁਰਘਟਨਾ ਕਿਹਾ ਜਾਵੇ ਜਾਂ ਫਿਰ ਸਮਾਗਮ ਦੌਰਾਨ ਕਿਸੇ ਸ਼ਰਾਰਤੀ ਸੋਚ ਦਾ ਨਤੀਜਾ ਕਿ ਕਿਸੇ ਨੇ ਰੰਜਸ਼ ਕਰ ਕੇ ਉਸ ਸਮਾਗਮ ਦੇ ਸ਼ੋਰ ਸ਼ਰਾਬੇ ਵਿਚ ਅੰਜ਼ਾਮ ਦੇ ਦਿੱਤਾ ਹੋਵੇ¢
