ਬਹਿਰਾਮ, 4 ਸਤੰਬਰ (ਨਛੱਤਰ ਸਿੰਘ ਬਹਿਰਾਮ)-ਬੱਸ ਅੱਡਾ ਬਹਿਰਾਮ ਕਾਫ਼ੀ ਪਿੰਡਾਂ ਨੂੰ ਲੱਗਦਾ ਹੈ | ਜਿੱਥੋਂ ਰੋਜ਼ਾਨਾ ਲੋਕ ਬੱਸਾਂ ਰਾਹੀਂ ਵੱਖ-ਵੱਖ ਸ਼ਹਿਰਾਂ, ਪਿੰਡਾਂ ਨੂੰ ਜਾਂਦੇ ਹਨ | ਹੈਰਾਨੀ ਦੀ ਗੱਲ ਹੈ ਕਿ ਉਕਤ ਅੱਡੇ ਵਿੱਚ ਸਵਾਰੀਆਂ ਦੀ ਸਹੂਲਤ ਲਈ ਕੋਈ ਸ਼ੈੱਡ ਆਦਿ ਨਹੀਂ ਹੈ | ਸਵਾਰੀਆਂ ਨੂੰ ਧੁੱਪ ਅਤੇ ਮੀਂਹ ਵਿੱਚ ਸੜਕ ਕਿਨਾਰੇ ਹੀ ਬੱਸਾਂ ਦਾ ਇੰਤਜ਼ਾਰ ਕਰਨਾ ਪੈਂਦਾ ਹੈ | ਇੱਥੇ ਇਹ ਵੀ ਜ਼ਿਕਰਯੋਗ ਹੈ ਕਿ ਸੜਕ ਵਿਭਾਗ ਵੱਲੋਂ ਤਕਰੀਬਨ ਇੱਕ ਕਿੱਲੋਮੀਟਰ ਦੂਰ ਸਵਾਰੀਆਂ ਦੇ ਆਉਣ ਜਾਣ ਵਾਸਤੇ ਬੱਸ ਅੱਡਾ ਬਣਾਇਆ ਹੈ | ਜਿੱਥੇ ਅੱਜ ਤੱਕ ਕੋਈ ਬੱਸ ਰੁਕ ਦੀ ਜਾਂ ਸਵਾਰੀਆਂ ਚੜ੍ਹਾਉਂਦੀ ਨਹੀਂ ਦੇਖੀ | ਹੋਰ ਤਾਂ ਹੋਰ ਜਿਨ੍ਹੇ ਵੀ ਰੋਡ 'ਤੇ ਪਿੰਡ ਹਨ ਕਿਸੇ ਵੀ ਪਿੰਡ ਵਿੱਚ ਢੁਕਵੀਂ ਥਾਂ ਬੱਸ ਅੱਡਾ ਨਹੀਂ ਬਣਾਇਆ ਗਿਆ | ਲੋਕਾਂ ਨੇ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਕਿ ਧੁੱਪ ਅਤੇ ਮੀਂਹ ਤੋਂ ਬਚਾਅ ਲਈ ਇੱਥੇ ਸ਼ੈੱਡਾਂ ਬਣਾਈਆਂ ਜਾਣ ਤਾਂ ਜੋ ਸਵਾਰੀਆਂ ਇੱਥੇ ਬੈਠਕੇ ਬੱਸਾਂ ਦਾ ਇੰਤਜ਼ਾਰ ਕਰ ਸਕਣ |
