ਨਵਾਂਸ਼ਹਿਰ, 24 ਸਤੰਬਰ (ਹਰਮਿੰਦਰ ਸਿੰਘ ਪਿੰਟੂ)-ਕਲਾਕਾਰ ਸੰਗੀਤ ਸਭਾ ਰਜਿ: ਨਵਾਂਸ਼ਹਿਰ ਨੇ ਪ੍ਰਧਾਨ ਲਖਵਿੰਦਰ ਸਿੰਘ ਸੂਰਾਪੁਰੀ ਦੀ ਅਗਵਾਈ 'ਚ ਸੰਗੀਤ ਸਮਰਾਟ ਚਰਨਜੀਤ ਆਹੂਜਾ ਦੀ ਮੌਤ 'ਤੇ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਤੇ 2 ਮਿੰਟ ਦਾ ਮੌਨ ਰੱਖ ਕੇ ਉਨ੍ਹਾਂ ਸ਼ਰਧਾਂਜਲੀ ਭੇਟ ਕੀਤੀ | ਪ੍ਰਧਾਨ ਸੂਰਾਪੁਰੀ ਨੇ ਕਿਹਾ ਕਿ ਆਹੂਜਾ ਦੀ ਮੌਤ ਨਾਲ ਸੰਗੀਤਕ ਤੇ ਫਿਲਮ ਖੇਤਰ 'ਚ ਸੋਗ ਦੀ ਲਹਿਰ ਦੌੜ ਗਈ ਹੈ | ਉਨ੍ਹਾਂ ਕਿਹਾ ਇਹ ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ ਹੈ | ਇਸ ਮੌਕੇ ਅਵਤਾਰ ਸਿੰਘ ਯੂ. ਐਸ. ਏ., ਜਸਪਾਲ ਸਿੰਘ ਲੌਂਗੀਆ, ਦਿਲਵਰਜੀਤ ਦਿਲਵਰ, ਲਖਵਿੰਦਰ ਲੱਖਾ, ਬਲਵਿੰਦਰ ਭੰਗਲ, ਸਤਨਾਮ ਲਾਦੀਆਂ, ਗਾਇਕਾ ਰਾਣੀ ਅਰਮਾਨ, ਅਨਮੋਲ ਵਿਰਕ ਆਦਿ ਹਾਜ਼ਰ ਸਨ |
