ਵਹੀਕਲਾਂ ਦੀਆਂ ਚਮਕੀਲੀਆਂ ਐਲ. ਈ. ਡੀ. ਹੈੱਡਲਾਈਟਾਂ ਕਾਰਨ ਆਏ ਦਿਨ ਹੋ ਰਹੇ ਹਾਦਸੇ
ਅਜੀਤ ਡੈਸਕ
01-11-2025
ਚਮਕਦਾਰ ਲਾਈਟਾਂ ਨਾਲ ਪ੍ਰਕਿਰਤੀ ਦਾ ਸਤੁੰਲਨ ਵਿਗੜ ਰਿਹਾ-ਜਥੇਦਾਰ ਸੁਰਜੀਤ ਸਿੰਘ ਦੁਭਾਲੀ ਤੇ ਗੁਰਪ੍ਰੀਤ ਗੁੱਜਰ ਰੈਲਮਾਜਰਾ ਨੇ ਕਿਹਾ ਕਿ ਪਿਛਲੇ ਕੁਝ ਸਾਲਾਂ ਵਿਚ ਦੋ ਪਹੀਆਂ ਵਾਹਨਾਂ ਅਤੇ ਚਾਰ ਪਹੀਆਂ ਵਾਹਨਾਂ 'ਤੇ ਚਮਕੀਲੀਆਂ ਐਲ. ਈ. ਡੀ. ਹੈੱਡਲਾਈਟਾਂ ਦੀ ਵਰਤੋਂ ਵਿਚ ਬਹੁਤ ਜ਼ਿਆਦਾ ਵਾਧਾ ਹੋਇਆ ਹੈ | ਇਹ ਲਾਈਟਾਂ ਐਨੀਆਂ ਤਿੱਖੀਆ ਹਨ ਕਿ ਰਾਤ ਦੇ ਸਮੇਂ ਆਉਣ ਵਾਲਿਆਂ ਡਰਾਇਵਰਾਂ ਦੀਆਂ ਅੱਖਾਂ ਚੁੰਧਿਆ ਜਾਂਦੀਆਂ ਹਨ | ਜਿਸ ਨਾਲ ਇਕ ਪਲ ਲਈ ਦਿ੍ਸ਼ਟੀ ਘੱਟ ਜਾਂਦੀ ਹੈ ਤੇ ਅੱਖਾਂ ਅੱਗੇ ਹਨੇਰਾ ਆ ਜਾਂਦਾ ਤੇ ਹਾਦਸੇ ਹੋਣ 'ਤੇ ਜੋਖ਼ਮ ਵੱਧ ਜਾਂਦਾ | ਦੂਜੇ ਪਾਸੇ ਚਮਕਦਾਰ ਲਾਈਟਾਂ ਪ੍ਰਕਿਰਤੀ 'ਤੇ ਨਕਰਾਤਮ ਅਸਰ ਪਾ ਰਹੀਆਂ ਹਨ | ਇਹ ਰਾਤ ਦੇ ਪੰਛੀਆਂ ਤੇ ਕੀੜੇ ਮਕੌੜਿਆਂ ਦੀ ਦਿਸ਼ਾ ਭਾਵਨਾ ਨੂੰ ਵਿਗਾੜੀਆ ਹਨ, ਜਿਸ ਨਾਲ ਪੂਰੇ ਵਾਤਾਵਰਨ ਵਿਚ ਗੜਬੜੀ ਪੈਂਦਾ ਹੋ ਰਹੀ ਹੈ | ਉਨ੍ਹਾਂ ਕਿਹਾ ਕਿ ਪ੍ਰਕਾਸ਼ ਪ੍ਰਦੂਸ਼ਣ ਨੂੰ ਗੰਭੀਰਤਾ ਨਾਲ ਨਹੀਂ ਲਿਆ ਜਾ ਰਿਹਾ ਪਰ ਇਹ ਆਉਣ ਵਾਲੇ ਸਮੇਂ ਵਿਚ ਵੱਡਾ ਸੰਕਟ ਬਣ ਸਕਦਾ ਹੈ | ਉਨ੍ਹਾਂ ਕਿਹਾ ਕਿ ਸਰਕਾਰ ਨੂੰ ਤੁਰੰਤ ਇਸ ਸੰਬੰਧੀ ਇਕ ਠੋਸ ਰਾਸ਼ਟਰੀ ਨੀਤੀ ਬਣਾਉਣੀ ਚਾਹੀਦਾ ਹੈ | ਉਨ੍ਹਾਂ ਕਿਹਾ ਕਿ ਸੜਕ ਆਵਾਜਾਈ ਮੰਤਰਾਲਾ, ਵਾਤਾਵਰਨ ਮੰਤਰਾਲਾ ਤੇ ਕੇਂਦਰੀ ਪ੍ਰਦੂਸ਼ਣ ਕੰਟਰੋਲ ਬੋਰਡ ਮਿਲ ਕੇ ਐਲ. ਈ. ਡੀ. ਲਾਈਟਾਂ ਦੀ ਤੀਬਰਤਾ ਤੇ ਰੰਗ ਤਾਪਮਾਨ ਦੀ ਸਪੱਸ਼ਟ ਮਰਿਆਦਾ ਨੂੰ ਪੱਕਾ ਕਰਨ |
