ਧਾਰਕਲਾਂ, 1 ਜੂਨ (ਨਰੇਸ਼ ਪਠਾਨੀਆ)-ਪਿੰਡ ਭੰਗੂੜੀ ਵਿਖੇ ਸਮਾਜ ਸੇਵਾ ਸੰਗਠਨ ਬਲਾਕ ਧਾਰਕਲਾਂ ਵਲੋਂ ਲੋਕਾਂ ਦੀ ਭਲਾਈ ਲਈ ਵਿਸ਼ੇਸ਼ ਕੈਂਪ ਦਾ ਆਯੋਜਨ ਕੀਤਾ ਗਿਆ | ਸਮਾਜ ਸੇਵਕ ਮਾਸਟਰ ਵਿਜੇ ਕੁਮਾਰ ਸ਼ਰਮਾ ਅਤੇ ਸਰਪੰਚ ਪੰਮੀ ਪਠਾਨੀਆ ਨੇ ਦੱਸਿਆ ਕਿ ਕੈਂਪ ਦੌਰਾਨ ਲਗਪਗ 25 ਲੋਕਾਂ ਨੇ ਕੈਂਪ ਦਾ ਲਾਭ ਪ੍ਰਾਪਤ ਕੀਤਾ | ਕੈਂਪ ਦੌਰਾਨ ਲੋਕਾਂ ਨੇ ਵੋਟਰ ਕਾਰਡ ਦਰੁਸਤੀ, ਆਧਾਰ ਕਾਰਡ ਦੀ ਦਰੁਸਤੀ ਲਈ ਫਾਰਮ ਭਰਨਾ, ਲੋਕਾਂ ਦੀਆਂ ਬੰਦ ਪਈਆਂ ਪੈਨਸ਼ਨਾਂ ਦੀ ਬਹਾਲੀ ਲਈ ਦਰਖਾਸਤ ਦੇਣਾ, ਅੰਗਹੀਣ ਪੈਨਸ਼ਨ ਲਗਵਾਉਣ ਲਈ ਅਪਲਾਈ ਕਰਨਾ ਮੁੱਖ ਕੰਮ ਸਨ | ਇਸ ਤੋਂ ਇਲਾਵਾ ਲੋੜਵੰਦ ਲੋਕਾਂ ਨੇ ਹੋਰ ਵੀ ਆਪਣੇ ਆਨਲਾਈਨ ਕੰਮ ਕਰਵਾਏ | ਇਸ ਕੈਂਪ ਵਿਚ ਪਿੰਡ ਭੰਗੂੜੀ, ਪਲਾਹ, ਲੰਜੇਰਾ ਅਤੇ ਬਾੜ ਸੁਡਾਲ ਆਦਿ ਦੇ ਲੋਕਾਂ ਨੇ ਲਾਭ ਪ੍ਰਾਪਤ ਕੀਤਾ | ਕੈਂਪ ਵਿਚ ਸਰਪੰਚ ਪਲਾਹ, ਪਿ੍ਆ ਦੇਵੀ ਦੇ ਪਤੀ ਸਮਾਜ ਸੇਵਕ ਵਰਿੰਦਰ ਸਿੰਘ, ਸਮਾਜ ਸੇਵਕ ਮਾਸਟਰ ਸਤੀਸ਼ ਕੁਮਾਰ, ਵਾਰਡ ਮੈਂਬਰ ਭੰਗੂੜੀ ਰਵਿੰਦਰ ਸਿੰਘ, ਜਯੋਤੀ ਠਾਕੁਰ, ਕਾਂਤਾ ਦੇਵੀ, ਬਾਬੀ ਪਠਾਨੀਆ, ਨੀਲਮ ਪਠਾਨੀਆ, ਸੌਰਵ ਰਸੋਤਰਾ ਆਦਿ ਨੇ ਆਪਣੀਆਂ ਸੇਵਾਵਾਂ ਦਿੱਤੀਆਂ |
