ਵਡਾਲਾ ਗ੍ਰੰਥੀਆਂ, 4 ਸਤੰਬਰ (ਗੁਰਪ੍ਰਤਾਪ ਸਿੰਘ ਕਾਹਲੋਂ)-ਪਿਛਲੇ ਦਿਨਾਂ ਤੋਂ ਮਾਝੇ ਖੇਤਰ 'ਚ ਹੜ੍ਹਾਂ ਨਾਲ ਹੋਈ ਭਾਰੀ ਤਬਾਹੀ ਕਰਕੇ ਲੋਕਾਂ ਦੀ ਮਦਦ ਲਈ ਉੱਘੇ ਨੌਜਵਾਨ ਆਗੂ ਸਰਬਜੀਤ ਸਿੰਘ ਕਾਹਲੋਂ ਪਿੰਡ ਲੌਂਗੋਵਾਲ ਕਲਾਂ, ਪਰਮਵੀਰ ਸਿੰਘ ਧੁੱਪਸੜੀ, ਰਜਿੰਦਰ ਸਿੰਘ ਲੱਖੋਰਾਹ ਆਦਿ ਦੀ ਅਗਵਾਈ ਵਿਚ ਟਰੈਕਟਰ-ਟਰਾਲੀਆਂ ਤੇ ਹੋਰ ਸਾਧਨਾਂ ਰਾਹੀਂ ਰਸਦਾਂ ਤੇ ਪਸ਼ੂਆਂ ਲਈ ਚਾਰਾ ਆਦਿ ਲੈ ਕੇ ਕਾਫਲਾ ਰਵਾਨਾ ਹੋਇਆ | ਇਸ ਸਬੰਧੀ ਉਨ੍ਹਾਂ ਦੱਸਿਆ ਕਿ ਐਨ.ਆਰ.ਆਈ. ਲਖਵਿੰਦਰ ਸਿੰਘ ਇਟਲੀ, ਹਰਜੀਤ ਸਿੰਘ ਇਟਲੀ, ਅਨਮੋਲ ਬਾਜਵਾ, ਗੁਰਪ੍ਰੀਤ ਸਿੰਘ, ਜਗਪ੍ਰੀਤ ਸਿੰਘ ਸੀ.ਏ. ਸਮੇਤ ਵੱਡੀ ਗਿਣਤੀ 'ਚ ਸਹਿਯੋਗੀਆਂ ਨਾਲ ਮਿਲ ਕੇ ਹੜ ਪੀੜਤਾਂ ਨੂੰ ਇਹ ਸਾਰਾ ਸਾਮਾਨ ਡਾ. ਜੀਵਨਜੋਤ ਸਿੰਘ ਦੇ ਨਾਲ ਮਿਲ ਕੇ ਵੰਡਿਆ ਗਿਆ | ਉਨ੍ਹਾਂ ਦੱਸਿਆ ਕਿ ਹੁਣ ਆਉਂਦੇ ਕੁਝ ਦਿਨਾਂ ਤੱਕ ਫਿਰ ਸਾਮਾਨ ਲਿਜਾਇਆ ਜਾ ਰਿਹਾ ਹੈ, ਜਿਸ 'ਚ ਜੇ.ਐਸ. ਕਾਹਲੋਂ ਫਿਲਿੰਗ ਸਟੇਸ਼ਨ ਮਮਰਾਏ ਵਲੋਂ ਕਿਸਾਨਾਂ ਨੂੰ ਡੀਜ਼ਲ ਵੀ ਮੁਹੱਈਆ ਕਰਵਾਇਆ ਜਾਵੇਗਾ |
