ਪਠਾਨਕੋਟ, 27 ਦਸੰਬਰ (ਸੰਧੂ)-ਪਠਾਨਕੋਟ ਵਿਚ ਲੋੜਵੰਦਾਂ ਅਤੇ ਬੇਸਹਾਰਾ ਲੋਕਾਂ ਦੀ ਸੇਵਾ ਲਈ ਇਕ ਨਵੀਂ ਸਮਾਜਿਕ ਸੰਸਥਾ ਸਫ਼ਰ (ਏਕ ਜ਼ਰੀਆ) ਦਾ ਗਠਨ ਕੀਤਾ ਗਿਆ | ਸ਼ਹਿਰ ਦੇ ਪ੍ਰਮੁੱਖ ਨਾਗਰਿਕਾਂ ਅਤੇ ਨੌਜਵਾਨਾਂ ਨੇ ਸੰਗਠਨ ਦੇ ਗਠਨ ਵਿਚ ਉਤਸ਼ਾਹ ਨਾਲ ਹਿੱਸਾ ਲਿਆ | ਸੰਗਠਨ ਵਿਚ ਸ਼ਾਮਿਲ ਹੋਣ ਅਤੇ ਇਸ ਦੀਆਂ ਗਤੀਵਿਧੀਆਂ ਵਿਚ ਹਿੱਸਾ ਲੈਣ ਦੀ ਆਪਣੀ ਵਚਨਬੱਧਤਾ ਦਾ ਭਰੋਸਾ ਦਿੱਤਾ | ਸਿੱਖਿਆ ਸ਼ਾਸਤਰੀ ਪਿ੍ੰਸੀਪਲ ਮੁਕੇਸ਼ ਗੁਪਤਾ ਦੀ ਅਗਵਾਈ ਹੇਠ ਮੈਂਬਰਾਂ ਨੇ ਸੰਗਠਨ ਨੂੰ ਮਜ਼ਬੂਤ ਕਰਨ ਅਤੇ ਨਵੇਂ ਸਮਾਜ ਸੇਵਾ ਪ੍ਰੋਜੈਕਟਾਂ ਨੂੰ ਵਿਕਸਤ ਕਰਨ ਦੇ ਤਰੀਕੇ ਬਾਰੇ ਚਰਚਾ ਕੀਤੀ | ਮੀਟਿੰਗ ਦੌਰਾਨ ਮੈਂਬਰਾਂ ਨੇ ਸਮਾਜਿਕ ਕਾਰਜਾਂ, ਲੋੜਵੰਦਾਂ ਤੱਕ ਪਹੁੰਚਣ ਅਤੇ ਹੋਰ ਪਹਿਲ ਕਦਮੀਆਂ ਬਾਰੇ ਸੁਝਾਅ ਪੇਸ਼ ਕੀਤੇ | ਸੰਗਠਨ ਦੀ ਸ਼ੁਰੂਆਤ ਲਈ ਨਵੇਂ ਪ੍ਰੋਜੈਕਟਾਂ ਦੀ ਸਿਰਜਣਾ 'ਤੇ ਸਹਿਮਤੀ ਬਣ ਗਈ | ਇਸ ਮੌਕੇ ਪਿ੍ੰਸੀਪਲ ਮੁਕੇਸ਼ ਗੁਪਤਾ, ਕਿਰਨਦੀਪ ਸਿੰਘ ਕੇਡੀ ਅਤੇ ਅਭਿਨਵ ਮਹਾਜਨ ਨੇ ਕਿਹਾ ਕਿ ਸ਼ਹਿਰ ਦੀਆਂ ਪ੍ਰਮੁੱਖ ਸ਼ਖ਼ਸੀਅਤਾਂ ਅਤੇ ਨੌਜਵਾਨਾਂ ਦੁਆਰਾ ਬਣਾਈ ਇਸ ਸੰਸਥਾ ਦਾ ਮੁੱਖ ਉਦੇਸ਼ ਅਤੇ ਟੀਚਾ ਸਮਾਜ ਦੇ ਕਮਜ਼ੋਰ ਵਰਗਾਂ ਦੀ ਸਹਾਇਤਾ ਕਰਨਾ ਹੈ | ਇਹ ਸੰਸਥਾ ਵੱਖ-ਵੱਖ ਪ੍ਰੋਜੈਕਟਾਂ ਰਾਹੀਂ ਗ਼ਰੀਬਾਂ, ਬੇਸਹਾਰਾ ਅਤੇ ਲੋੜਵੰਦਾਂ ਨੂੰ ਸਹਾਇਤਾ ਪ੍ਰਦਾਨ ਕਰੇਗੀ | ਇਸ ਮੌਕੇ ਅਤੁਲ ਨਈਅਰ, ਕਿਰਨਦੀਪ ਸਿੰਘ ਕੇਡੀ, ਅਭਿਨਵ ਮਹਾਜਨ, ਸੰਜੀਵ ਮਹਾਜਨ, ਰਵਿੰਦਰ ਸ਼ਰਮਾ, ਅਜੇ ਸਲਗਾਨੀਆ, ਅਰਜੁਨ ਅਵਸਥੀ, ਸੁਮਿਤ ਅੰਬਾ, ਪੰਕਜ ਵੇਸ਼, ਰਾਜਨ ਮਹਾਜਨ, ਕਮਲਦੀਪ ਸਿੰਘ ਕੇਡੀ, ਸੰਦੀਪ ਕੁਮਾਰ, ਰੋਹਿਤ ਸਰਨਾ, ਯੋਗੇਸ਼, ਸਤਨਾਮ ਸਿੰਘ ਜੌਂਟੀ ਆਦਿ ਮੌਜੂਦ ਸਨ |
