22-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 07-09-2025

ਬਾਲ ਵਿਕਾਸ ਵਿਭਾਗ ਦੀ ਟੀਮ ਨੇ 15 ਸਾਲਾ ਨਾਬਾਲਗਾ ਦਾ 41 ਸਾਲਾ ਵਿਅਕਤੀ ਨਾਲ ਹੋ ਰਿਹਾ ਵਿਆਹ ਰੋਕਿਆ <br/>

Ad Position 21
No active advertisement
ਘਟਨਾ ਬਾਰੇ ਜਾਣਕਾਰੀ ਦਿੰਦੇ ਹੋਏ ਬਾਲ ਵਿਕਾਸ ਵਿਭਾਗ ਦੇ ਮੁਲਾਜ਼ਮ, ਥਾਣਾ ਮੁਖੀ ਪਰਮਜੀਤ ਅਤੇ ਗਗਨ ਚੁੱਘ | ਤਸਵੀਰ : ਤੇਜਿੰਦਰ ਸਿੰਘ ਖ਼ਾਲਸਾ <br/> 07-09-2025
ਅਬੋਹਰ, 6 ਸਤੰਬਰ (ਤੇਜਿੰਦਰ ਸਿੰਘ ਖ਼ਾਲਸਾ)- ਅਰੋੜਾ ਵਿਕਾਸ ਮੰਚ ਦੇ ਪ੍ਰਧਾਨ ਗਗਨ ਚੁੱਘ ਦੀਆਂ ਕੋਸ਼ਿਸ਼ਾਂ ਸਦਕਾ ਬਾਲ ਵਿਕਾਸ ਵਿਭਾਗ ਵਲੋਂ ਥਾਣਾ ਸਿਟੀ 1 ਦੀ ਪੁਲਿਸ ਦੀ ਮਦਦ ਨਾਲ ਇਕ 15 ਸਾਲਾਂ ਨਾਬਾਲਗ ਲੜਕੀ ਦਾ ਵਿਆਹ 41 ਸਾਲ ਦੇ ਵਿਅਕਤੀ ਨਾਲ ਹੋਣ ਤੋਂ ਰੋਕਿਆ ਗਿਆ | ਇਸ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਗਗਨ ਚੁੱਘ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਅਬੋਹਰ ਦੀ ਜੰਮੂ ਬਸਤੀ ਵਿਖੇ ਇਕ ਨਾਬਾਲਗ ਦੇ ਵਿਆਹ ਹੋਣ ਦੀ ਸੂਚਨਾ ਮਿਲੀ ਸੀ, ਜਿਸ ਤਹਿਤ ਉਨ੍ਹਾਂ ਤੁਰੰਤ ਨਗਰ ਥਾਣਾ ਨੰਬਰ 1 ਦੇ ਇੰਚਾਰਜ ਪਰਮਜੀਤ ਕੰਬੋਜ ਨੂੰ ਫ਼ੋਨ ਕਰਕੇ ਇਸ ਵਿਆਹ ਬਾਰੇ ਜਾਣਕਾਰੀ ਦਿੱਤੀ ਅਤੇ ਹੈਲਪ ਲਾਈਨ ਨੰਬਰ 'ਤੇ ਵੀ ਸੰਪਰਕ ਕੀਤਾ | ਗਗਨ ਚੁੱਘ ਨੇ ਦੱਸਿਆ ਕਿ ਐੱਸ.ਐੱਚ.ਓ. ਪਰਮਜੀਤ ਕੰਬੋਜ ਨੇ ਤੁਰੰਤ ਪੁਲਿਸ ਟੀਮ ਨੂੰ ਵਿਆਹ ਵਾਲੀ ਥਾਂ 'ਤੇ ਭੇਜਿਆ ਤੇ ਚਾਈਲਡ ਕੇਅਰ ਤੋਂ ਭੁਪਿੰਦਰ ਸਿੰਘ ਵੀ ਨਾਲ ਸ਼ਾਮਲ ਹੋਏ | ਲੜਕੀ ਦੇ ਘਰ ਜਾਣ ਤੋਂ ਬਾਅਦ ਲੜਕੀ ਨੂੰ ਪੁੱਛਣ 'ਤੇ ਉਸ ਨੇ ਵਿਆਹ ਲਈ ਅਸਹਿਮਤੀ ਪ੍ਰਗਟ ਕੀਤੀ ਤਾਂ ਪੁਲਿਸ ਤੇ ਚਾਈਲਡ ਕੇਅਰ ਨੇ ਤੁਰੰਤ ਵਿਆਹ ਰੋਕ ਦਿੱਤਾ ਤੇ 15 ਸਾਲ ਦੀ ਲੜਕੀ ਦੀ ਜਾਨ ਬਰਬਾਦ ਹੋਣ ਤੋਂ ਬਚਾ ਲਈ | ਥਾਣਾ ਮੁਖੀ ਪਰਮਜੀਤ ਨੇ ਦੱਸਿਆ ਕਿ ਉਕਤ ਪਰਿਵਾਰ ਮੁਤਾਬਿਕ ਹਾਲੇ ਮੰਗਣੀ ਕੀਤੀ ਜਾ ਰਹੀ ਸੀ ਜਦ ਕਿ ਵਿਆਹ ਬਾਲਗ ਹੋਣ ਉਪਰੰਤ ਕੀਤਾ ਜਾਣਾ ਸੀ ਜਿਸ ਤਹਿਤ ਬਾਲ ਵਿਕਾਸ ਵਿਭਾਗ ਵਲੋਂ ਕਾਗਜ਼ੀ ਕਾਰਵਾਈ ਕਰਕੇ ਪਰਿਵਾਰ ਨੂੰ ਚੇਤਾਵਨੀ ਦਿੱਤੀ ਗਈ | ਗਗਨ ਚੁੱਘ ਨੇ ਬਾਲ ਵਿਕਾਸ ਵਿਭਾਗ ਤੇ ਥਾਣਾ ਪੁਲਿਸ ਸਟਾਫ਼ ਦਾ ਧੰਨਵਾਦ ਕੀਤਾ ਹੈ | ਗਗਨ ਚੁੱਘ ਨੇ ਕਿਹਾ ਕਿ ਉਹ ਕੱਲ੍ਹ ਲੜਕੀ ਦੇ ਪਰਿਵਾਰ ਦੇ ਘਰ ਜਾ ਕੇ ਉਨ੍ਹਾਂ ਨੂੰ ਮਨਾਉਣਗੇ ਤੇ ਲੜਕੀ ਦਾ ਉਨ੍ਹਾਂ ਦੇ ਸੰਸਥਾਨ ਬੰਬੈ ਇੰਸਟੀਚਿਊਟ 'ਚ ਮੁਫ਼ਤ ਕੋਰਸ ਕਰਵਾਇਆ ਜਾਵੇਗਾ ਤੇ ਆਤਮ ਨਿਰਭਰ ਬਣਾਇਆ ਜਾਵੇਗਾ | ਗਗਨ ਚੁੱਘ ਨੇ ਮਾਪਿਆਂ ਨੂੰ ਅਪੀਲ ਕੀਤੀ ਕਿ ਪਹਿਲਾਂ ਆਪਣੀਆਂ ਧੀਆਂ ਨੂੰ ਆਤਮ ਨਿਰਭਰ ਬਣਾਉਣ ਤੇ ਫਿਰ ਉਨ੍ਹਾਂ ਦੇ ਵਿਆਹ ਬਾਰੇ ਸੋਚਣ |

Ad Position 22
No active advertisement
ਪਿਛਲੀ ਖ਼ਬਰ ਅਬੋਹਰ ਰੌਕਰਸ ਨੇ ਹੜ੍ਹ ਪੀੜਤਾਂ ਲਈ ਚੱਲ ਰਹੇ ਮਹਾਂ ਅਭਿਆਨ ਸੇਵਾ 'ਚ ਪਾਇਆ ਯੋਗਦਾਨ <br/> ਅਗਲੀ ਖ਼ਬਰ ਕੈਬਨਿਟ ਮੰਤਰੀ ਤਰੁਨਪ੍ਰੀਤ ਸਿੰਘ ਸੌਂਦ ਵਲੋਂ ਸਰਹੱਦੀ ਪਿੰਡਾਂ ਦਾ ਦੌਰਾ <br/>
Ad Position 24