ਅਬੋਹਰ- ਜ਼ਿਲ੍ਹਾ ਮੁਕਤਸਰ ਸਾਹਿਬ ਤਹਿਸੀਲ ਗਿੱਦੜਬਾਹਾ ਦੇ ਪਿੰਡ ਰੁਖਾਲਾ ਵਸਨੀਕ ਨਾਮਵਰ ਸ਼ਖ਼ਸੀਅਤ ਗੁਰਚਰਨ ਸਿੰਘ ਸੰਧੂ ਪੁੱਤਰ (ਸਵ.ਜਰਨੈਲ ਸਿੰਘ ਸੰਧੂ ਅਤੇ ਸਵ.ਬੀਬੀ ਸਦਾ ਕੌਰ) ਦਾ ਜਨਮ 1943 'ਚ ਪਿੰਡ ਗੋਂਦਾਰਾ, ਜ਼ਿਲ੍ਹਾ ਫ਼ਰੀਦਕੋਟ (ਪੰਜਾਬ) ਵਿਚ ਹੋਇਆ | ਸ.ਗੁਰਚਰਨ ਸਿੰਘ ਸੰਧੂ ਨੇ ਆਪਣੀ ਪ੍ਰਾਰੰਭਿਕ ਸਿੱਖਿਆ ਖ਼ਾਲਸਾ ਸਕੂਲ, ਸ੍ਰੀ ਮੁਕਤਸਰ ਸਾਹਿਬ ਤੋਂ ਪ੍ਰਾਪਤ ਕੀਤੀ ਅਤੇ ਉਸ ਤੋਂ ਬਾਅਦ ਖ਼ਾਲਸਾ ਕਾਲਜ, ਅੰਮਿ੍ਤਸਰ ਤੋਂ ਗਰੈਜੂਏਸ਼ਨ ਕੀਤੀ | ਪੜ੍ਹਾਈ ਪੂਰੀ ਕਰਨ ਉਪਰੰਤ ਉਨ੍ਹਾਂ ਦਾ ਵਿਆਹ ਅਮਰਜੀਤ ਕੌਰ ਧੀ ਚੰਦ ਸਿੰਘ ਬਰਾੜ (ਡੀ.ਐੱਸ.ਪੀ. ਰਾਜਸਥਾਨ ਪੁਲਿਸ) ਵਾਸੀ ਪਿੰਡ ਭਾਗਸਰ ਪੰਜਾਬ ਨਾਲ ਹੋਇਆ | ਸ.ਗੁਰਚਰਨ ਸਿੰਘ ਸੰਧੂ ਨੇ ਆਪਣਾ ਜੀਵਨ ਬਹੁਤ ਸਾਦਗੀ ਤੇ ਇਮਾਨਦਾਰੀ ਨਾਲ ਬਿਤਾਇਆ | ਉਹ ਇਕ ਅਧਿਆਤਮਿਕ, ਨਿਮਰ ਤੇ ਵਿਦਵਾਨ ਵਿਅਕਤੀ ਸਨ, ਜਿਨ੍ਹਾਂ ਨੇ ਹਰ ਕਿਸੇ ਨਾਲ ਪਿਆਰ ਤੇ ਇੱਜ਼ਤ ਨਾਲ ਵਤੀਰਾ ਕੀਤਾ | ਉਹ ਪਿੰਡ ਰੁਖਾਲਾ, ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ ਵਿਚ ਵੱਸਦੇ ਸਨ ਤੇ ਉੱਥੇ ਹੀ ਆਪਣਾ ਸਮਾਂ ਖੇਤੀਬਾੜੀ ਤੇ ਪੜ੍ਹਨ-ਲਿਖਣ 'ਚ ਬਿਤਾਇਆ | ਉਹ ਉੱਚ ਵਿਚਾਰਾਂ ਵਾਲੇ, ਗਿਆਨਵਾਨ ਤੇ ਇਲਾਕੇ ਦੇ ਬਹੁਤ ਆਦਰਯੋਗ ਕਿਸਾਨ ਸਨ | ਉਹ ਆਪਣੇ ਪੁੱਤਰ ਸ.ਯਾਦਵਿੰਦਰ ਸਿੰਘ ਸੰਧੂ, ਪੀ.ਪੀ.ਐੱਸ. (ਏ.ਆਈ.ਜੀ, ਪੰਜਾਬ ਪੁਲਿਸ) ਦੇ ਰੂਪ ਵਿਚ ਆਪਣੀਆਂ ਮੂਲਕ ਸਿਖਲਾਈਆਂ ਤੇ ਸੰਸਕਾਰਾਂ ਦੀ ਜੀਵੰਤ ਮਿਸਾਲ ਛੱਡ ਗਏ | ਉਨ੍ਹਾਂ ਦੀ ਯਾਦ ਉਨ੍ਹਾਂ ਦੇ ਪਿਆਰੇ ਪੁੱਤਰ ਵਧੂ ਅਮਨਜੋਤ ਕੌਰ, ਪੋਤਾ ਐਡਵੋਕੇਟ ਅਜੈਵੀਰ ਸਿੰਘ ਸੰਧੂ (ਪੰਜਾਬ ਤੇ ਹਰਿਆਣਾ ਹਾਈ ਕੋਰਟ, ਚੰਡੀਗੜ੍ਹ) ਤੇ ਪੋਤਰੀ ਵਧੂ ਸਾਜਨ ਵਲੋਂ ਹਮੇਸ਼ਾ ਸੰਭਾਲੀ ਜਾਵੇਗੀ, ਜਿਨ੍ਹਾਂ ਨਾਲ ਉਨ੍ਹਾਂ ਦਾ ਬਹੁਤ ਗਹਿਰਾ ਪਿਆਰ ਭਰਿਆ ਨਾਤਾ ਸੀ | ਉਨ੍ਹਾਂ ਦੀ ਯਾਦ ਸੰਧੂ ਪਰਿਵਾਰ, ਸਾਰੇ ਸਨੇਹੀ ਤੇ ਦੋਸਤਾਂ ਦੇ ਦਿਲਾਂ ਵਿਚ ਹਮੇਸ਼ਾ ਜਿਊਾਦੀ ਰਹੇਗੀ | ਉਨ੍ਹਾਂ ਨਮਿਤ ਭੋਗ ਤੇ ਅੰਤਿਮ ਅਰਦਾਸ ਐਤਵਾਰ 19 ਅਕਤੂਬਰ 2025 ਨੂੰ ਪਰਿਵਾਰਿਕ ਨਿਵਾਸ ਸਥਾਨ ਪਿੰਡ ਰੁਖਾਲਾ, ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ ਪੰਜਾਬ ਵਿਖੇ ਦੁਪਹਿਰ 12 ਤੋਂ 1 ਵਜੇ ਤੱਕ ਹੋਵੇਗੀ | -ਤੇਜਿੰਦਰ ਸਿੰਘ ਖ਼ਾਲਸਾ
