ਗਊਸ਼ਾਲਾ 'ਚ ਧੂਮਧਾਮ ਨਾਲ ਮਨਾਈ ਗੋਪਾਲ ਅਸ਼ਟਮੀ <br/>

ਅ

ਅਜੀਤ ਡੈਸਕ 01-11-2025

ਫ਼ਿਰੋਜ਼ਪੁਰ, 31 ਅਕਤੂਬਰ (ਗੁਰਿੰਦਰ ਸਿੰਘ)- ਸ਼੍ਰੀ ਬਾਲ ਗੋਪਾਲ ਗਊਸ਼ਾਲਾ ਫ਼ਿਰੋਜ਼ਪੁਰ ਵਿਚ ਗੋਪਾਲ ਅਸ਼ਟਮੀ ਦਾ ਸ਼ਾਨਦਾਰ ਤੇ ਭਗਤੀਮਈ ਸਮਾਗਮ ਭਾਰੀ ਧੂਮਧਾਮ ਨਾਲ ਮਨਾਇਆ ਗਿਆ | ਇਸ ਪਵਿੱਤਰ ਮੌਕੇ ਭਗਤੀ ਭਜਨ ਗਰੁੱਪ ਦੇ ਸੰਸਥਾਪਕ ਧਰਮਪਾਲ ਬਾਂਸਲ ਨੇ ਭਜਨ ਗਾ ਕੇ ਸਾਰੇ ਮਾਹੌਲ ਨੂੰ ਭਗਤੀ ਭਾਵਨਾ ਨਾਲ ਭਰ ਦਿੱਤਾ | ਸਮਾਰੋਹ ਵਿਚ ਏ.ਡੀ.ਸੀ ਅਮਿਤ ਸਰੀਨ ਅਤੇ ਅਨੀਰੁੱਧ ਗੁਪਤਾ ਸੀ.ਈ.ਓ. ਡੀ.ਸੀ.ਐਮ. ਗਰੁੱਪ ਆਫ਼ ਸਕੂਲਜ਼ ਵਿਸ਼ੇਸ਼ ਤੌਰ 'ਤੇ ਸ਼ਾਮਿਲ ਹੋਏ | ਉਨ੍ਹਾਂ ਨੇ ਵੀ ਗਊ ਪੂਜਾ ਦੀ ਮਹੱਤਤਾ 'ਤੇ ਚਰਚਾ ਕੀਤੀ | ਸਮਾਗਮ ਵਿਚ ਪਹੁੰਚੇ ਨਗਰ ਕੌਂਸਲ ਪ੍ਰਧਾਨ ਰਿੰਕੂ ਗਰੋਵਰ ਨੇ ਕਿਹਾ ਕਿ ਇਸ ਤਰ੍ਹਾਂ ਦੇ ਧਾਰਮਿਕ ਪ੍ਰੋਗਰਾਮ ਸਮਾਜ ਨੂੰ ਏਕਤਾ ਅਤੇ ਸੰਸਕਿ੍ਤੀ ਨਾਲ ਜੋੜਦੇ ਹਨ | ਸਵਾਮੀ ਡਾ. ਅਨਿਲ ਸ਼ਰਮਾ, ਸਵਾਮੀ ਵਿੱਦਿਆ ਨੰਦ ਵਿਸ਼ੇਸ਼ ਤੌਰ 'ਤੇ ਸ਼ਾਮਿਲ ਰਹੇ | ਇਸ ਮੌਕੇ ਭਗਤੀ ਭਜਨ ਗਰੁੱਪ ਦੇ ਮੈਂਬਰ ਅਸ਼ੋਕ ਗਰਗ, ਕੈਲਾਸ਼ ਸ਼ਰਮਾ, ਮੁਕੇਸ਼ ਗੋਇਲ, ਗੌਰਵ ਅਨਮੋਲ ਤੇ ਰਾਕੇਸ਼ ਪਾਠਕ ਆਦਿ ਸ਼ਾਮਿਲ ਹੋਏ |

ਪਿਛਲੀ ਖ਼ਬਰ ਮਾਤਾ ਸਾਹਿਬ ਕੌਰ ਸਕੂਲ ਵਿਖੇ ਮਨਾਇਆ ਰਾਸ਼ਟਰੀ ਏਕਤਾ ਦਿਵਸ ਅਗਲੀ ਖ਼ਬਰ ਹਰਸਿਮਰਤ ਕੌਰ ਬਾਦਲ ਨੇ ਭਗਤ ਨਾਮਦੇਵ ਦੇ ਜਨਮ ਦਿਵਸ ਨੂੰ ਸਮਰਪਿਤ ਸਮਾਗਮਾਂ ਵਿਚ ਸ਼ਿਰਕਤ ਕੀਤੀ

ਗਊਸ਼ਾਲਾ 'ਚ ਧੂਮਧਾਮ ਨਾਲ ਮਨਾਈ ਗੋਪਾਲ ਅਸ਼ਟਮੀ <br/>

ਸੰਬੰਧਿਤ ਖ਼ਬਰਾਂ