ਹੜ੍ਹ ਪੀੜਤਾਂ ਲਈ ਸਰਹੱਦੀ ਪਿੰਡਾਂ 'ਚ ਡਟੇ ਸੇਵਾ ਭਾਰਤੀ ਦੇ ਪ੍ਰਧਾਨ ਤਹਿਸੀਲਦਾਰ ਜੇ.ਪੀ. ਸਲਵਾਨ <br/>

ਅ

ਅਜੀਤ ਡੈਸਕ 04-09-2025

ਅੰਮਿ੍ਤਸਰ, 3 ਸਤੰਬਰ (ਰੇਸ਼ਮ ਸਿੰਘ)-ਹੜ੍ਹ ਪੀੜਤਾਂ ਲਈ ਜਿਥੇ ਵੱਖ ਵੱਖ ਸਮਾਜ ਸੇਵੀ ਜਥੇਬੰਦੀਆਂ ਤੇ ਸੰਗਠਨ ਸੇਵਾ 'ਚ ਲਗੇ ਹੋਏ ਹਨ ਉਥੇ ਭਾਰਤ ਪਾਕਿ ਸਰਹੱਦ ਦੇ ਐਨ ਨੇੜੇ ਪਿੰਡਾਂ 'ਚ ਸੇਵਾ ਭਾਰਤੀ ਦੇ ਪ੍ਰਧਾਨ ਤੇ ਸਾਬਕਾ ਤਹਿਸੀਲਦਾਰ ਜੇ.ਪੀ. ਸਲਵਾਨ ਵੀ ਆਪਣੀ ਟੀਮ ਸਮੇਤ ਡਟੇ ਹੋਏ ਹਨ | ਸ੍ਰੀ ਸਲਵਾਨ ਨੇ ਦਸਿਆ ਕਿ ਉਨ੍ਹਾਂ ਵਲੋਂ ਅਜਨਾਲਾ ਤਹਿਸੀਲ ਦੇ ਪਿੰਡਾਂ ਕਮੀਰਪੁਰਾ ਤੇ ਬੱਲ ਲਬੇ ਦਰਿਆ 'ਚ ਸੈਂਕੜੇ ਦੀ ਤਾਦਾਦ 'ਚ ਰਾਸ਼ਨ ਕਿੱਟਾਂ, ਸੁਕੀਆਂ ਰਸਦਾਂ ਪਾਣੀ ਤੇ ਬਣਿਆ ਹੋਇਆ ਲੰਗਰ ਵੀ ਵੰਡਿਆ ਜਾ ਰਿਹਾ ਹੈ | ਇਹ ਦੋਵੇਂ ਪਿੰਡ ਭਾਰਤ ਪਾਕਿ ਸਰਹੱਦ ਦੇ ਬਿਲਕੁਲ ਨਾਲ ਹੋਣ ਕਾਰਨ ਇਨ੍ਹਾਂ ਪਿੰਡਾਂ 'ਚ ਆਮ ਲੋਕ ਬਹੁਤ ਘਟ ਜਾ ਰਹੇ ਹਨ |
ਇਸ ਮੌਕੇ ਸ੍ਰੀ ਸਲਵਾਨ ਤੋਂ ਇਲਾਵਾ ਜਨ: ਸਕੱਤਰ ਦੀਪਕ ਨੰਦਾ, ਸਕੱਤਰ ਨਵਲ ਸ਼ਰਮਾ, ਕਮੀਰਪੁਰਾ ਦੇ ਸਰਪੰਚ ਜਸਜੀਤ ਸਿੰਘ, ਨੰਬਰਦਾਰ ਗੁਰਦੀਪਕ ਸਿੰਘ, ਪਰਮਜੀਤ ਸਲਵਾਨ ਤੇ ਸੰਚਿਤ ਸਲਵਾਨ ਆਦਿ ਵੀ ਹਾਜ਼ਰ ਸਨ |