ਅੰਮ੍ਰਿਤਸਰ

ਫੋਰ ਐੱਸ ਕਾਲਜ ਆਫ਼ ਕਾਮਰਸ ਫਾਰ ਵੁਮੈਨ ਵਿਖੇ ਉਦਮੀ ਸੋਚ ਵਿਸ਼ੇ 'ਤੇ ਇੰਟਰੈਕਟਿਵ ਸੈਸ਼ਨ <br/>

ਸੰਤ ਸਿੰਘ ਸੁੱਖਾ ਸਿੰਘ ਕਾਲਜ ਆਫ ਕਾਮਰਸ ਫਾਰ ਵੂਮੈਨ ਵਿਖੇ ਕਰਵਾਏ ਇੰਟਰੈਕਟਿਵ ਸੈਸ਼ਨ ਦੌਰਾਨ ਨੀਦਰਲੈਂਡ ਦੇ ਸੀਨੀਅਰ ਐਕਸਪਰਟ ਮਿਸਟਰ ਮਿੱਕ ਵਾਲਵਿਸ਼ ਵਿਦਿਆਰਥਣਾਂ ਨਾਲ ਗੱਲਬਾਤ ਕਰਦੇ ਹੋਏ | ਤਸਵੀਰ : ਨਿਰਮਲ ਸਟੂਡੀਓ <br/> 26-09-2025

ਅੰਮਿ੍ਤਸਰ, 25 ਸਤੰਬਰ (ਜਸਵੰਤ ਸਿੰਘ ਜੱਸ)-ਪੰਜਾਬ ਸਰਕਾਰ ਦੇ ਇੰਟਰਪਿ੍ਨਿਓਰਸ਼ਿਪ ਮਾਈਾਡਸੈੱਟ ਕੱਰੀਕੁੱਲਮ ਅਧੀਨ ਸਥਾਨਕ ਸੰਤ ਸਿੰਘ ਸੁੱਖਾ ਸਿੰਘ ਕਾਲਜ ਆਫ ਕਾਮਰਸ ਫਾਰ ਵੂਮੈਨ ਵਿਖੇ ਵਿਦਿਆਰਥੀਆਂ ਲਈ ਉੱਦਮੀ ਸੋਚ ਵਿਸ਼ੇ 'ਤੇ ਇੰਟਰੈਕਟਿਵ ਸੈਸ਼ਨ ਕਰਵਾਇਆ ਗਿਆ | ਇਸ ਮੌਕੇ ਨੀਦਰਲੈਂਡ ਦੇ ਸੀਨੀਅਰ ਐਕਸਪਰਟ ਮਿ: ਮਿੱਕ ਵਾਲਵਿਸ਼ ਨੇ ''ਟ੍ਰੇਨ ਦ ਟ੍ਰੇਨਰ ਪ੍ਰੋਗਰਾਮ'' ਬਾਰੇ ਵਿਸ਼ੇਸ਼ ਭਾਸ਼ਣ ਦਿੱਤਾ | ਡਾ. ਰਾਜਦੀਪ ਸੋਹਲ, ਕੋਆਰਡੀਨੇਟਰ, ਗੋਲਡਨ ਜੂਬਲੀ ਸੈਂਟਰ ਆਫ ਇੰਟਰੇਪ੍ਰੇਨੇਊਰਸ਼ਿਪ ਗੁਰੂ ਨਾਨਕ ਦੇਵ ਯੂਨੀ: ਦੀ ਅਗਵਾਈ ਵਿਚ ਹੋਏ ਇਸ ਸੈਸ਼ਨ ਦੌਰਾਨ ਮਿਸਟਰ ਵਾਲਵਿਸ਼ ਨੇ ਆਪਣੇ 60 ਸਾਲਾਂ ਦੇ ਤਜਰਬੇ ਸਾਂਝੇ ਕਰਦਿਆਂ ਕਿਹਾ ਕਿ ਛੋਟੇ ਕਾਰੋਬਾਰ ਪੂਰੇ ਖੇਤਰ ਦਾ ਰੂਪ ਬਦਲ ਸਕਦੇ ਹਨ | ਉਨ੍ਹਾਂ ਕਿਹਾ ਕਿ ਸਫ਼ਲਤਾ ਲਈ ਹੁਨਰ, ਮਿਹਨਤ ਅਤੇ ਆਤਮ-ਵਿਸ਼ਵਾਸ ਜ਼ਰੂਰੀ ਹਨ | ਉਨ੍ਹਾਂ ਨੇ ਸੰਚਾਰ ਕੁਸ਼ਲਤਾਵਾਂ, ਟੀਮ ਵਰਕ ਅਤੇ ਨੈਕਸਟ ਜੈਨਰੇਸ਼ਨ ਇੰਕੂਬੇਟਰਜ਼ ਦੀ ਲੋੜ 'ਤੇ ਜ਼ੋਰ ਦਿੰਦਿਆਂ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਅਤੇ ਫੇਸਬੁੱਕ, ਇੰਸਟਾਗ੍ਰਾਮ ਅਤੇ ਲਿੰਕਡਇਨ ਨੂੰ ਆਧੁਨਿਕ ਮਾਰਕੀਟਿੰਗ ਲਈ ਲਾਭਕਾਰੀ ਦੱਸਿਆ | ਇਸ ਸੈਸ਼ਨ ਦੌਰਾਨ 12 ਵਿਦਿਆਰਥਣ ਟੀਮਾਂ ਨੇ ਘਰੇਲੂ ਬੇਕਰੀ, ਹੈਂਡਲੂਮ, ਹਰਬਲ ਉਤਪਾਦ, ਡਿਜ਼ੀਟਲ ਮਾਰਕੀਟਿੰਗ, ਕਨਫੈਕਸ਼ਨਰੀ ਅਤੇ ਸੈਲੂਨ ਵਰਗੇ ਕਾਰੋਬਾਰੀ ਵਿਚਾਰ ਪੇਸ਼ ਕੀਤੇ | ਮਿਸਟਰ ਵਾਲਵਿਸ਼ ਨੇ ਉਨ੍ਹਾਂ ਦੀ ਹੌਸਲਾ ਅਫ਼ਜ਼ਾਈ ਕੀਤੀ ਅਤੇ ਪ੍ਰੋਫੈਸਰਾਂ ਨੂੰ ਵਿਦਿਆਰਥਣਾਂ ਦੀ ਰਹਿਨੁਮਾਈ ਕਰਨ ਲਈ ਉਤਸ਼ਾਹਿਤ ਕੀਤਾ | ਕਾਲਜ ਪਿ੍ੰਸੀਪਲ ਡਾ. ਨਵਦੀਪ ਕੌਰ ਨੇ ਆਏ ਮਹਿਮਾਨਾਂ ਨੂੰ ਸਨਮਾਨਿਤ ਕੀਤਾ |

ਪਿਛਲੀ ਖ਼ਬਰ ਡੀ.ਏ.ਵੀ. ਕਾਲਜ ਦੇ ਨਵਪ੍ਰੀਤ ਸਿੰਘ ਮੈਰਿਟ 'ਚ ਆਏ <br/> ਅਗਲੀ ਖ਼ਬਰ ਅੱਜ ਹੋਵੇਗੀ ਨਗਰ ਨਿਗਮ ਦੀ ਵਿੱਤ ਅਤੇ ਠੇਕਾ ਕਮੇਟੀ ਦੀ ਬੈਠਕ

ਫੋਰ ਐੱਸ ਕਾਲਜ ਆਫ਼ ਕਾਮਰਸ ਫਾਰ ਵੁਮੈਨ ਵਿਖੇ ਉਦਮੀ ਸੋਚ ਵਿਸ਼ੇ 'ਤੇ ਇੰਟਰੈਕਟਿਵ ਸੈਸ਼ਨ <br/>

ਸੰਬੰਧਿਤ ਖ਼ਬਰਾਂ