ਅੰਮਿ੍ਤਸਰ, 25 ਸਤੰਬਰ (ਰਾਜੇਸ਼ ਕੁਮਾਰ ਸ਼ਰਮਾ)-ਡੀ. ਏ. ਵੀ. ਕਾਲਜ ਦੇ ਨਵਪ੍ਰੀਤ ਸਿੰਘ ਨੇ ਐੱਮ. ਕਾਮ (ਚੌਥੇ ਸਮੈਸਟਰ) 'ਚ 8.57 ਦਾ ਸੀਜੀਪੀਏ ਪ੍ਰਾਪਤ ਕਰਕੇ ਯੂਨੀਵਰਸਿਟੀ ਮੈਰਿਟ ਸੂਚੀ 'ਚ ਪਹਿਲਾ ਸਥਾਨ ਪ੍ਰਾਪਤ ਕੀਤਾ ਹੈ | ਇਹ ਜਾਣਕਾਰੀ ਪਿ੍ੰਸੀਪਲ ਡਾ. ਅਮਰਦੀਪ ਗੁਪਤਾ ਨੇ ਦਿੱਤੀ | ਨਵਪ੍ਰੀਤ ਦਾ ਕਾਲਜ ਪਹੁੰਚਣ 'ਤੇ ਸ਼ਾਨਦਾਰ ਸਵਾਗਤ ਕੀਤਾ ਗਿਆ ਅਤੇ ਡਾ. ਅਮਰਦੀਪ ਨੇ ਉਸਦੀ ਪ੍ਰਾਪਤੀ 'ਤੇ ਉਸਨੂੰ ਵਧਾਈ ਦਿੱਤੀ | ਪਿ੍ੰਸੀਪਲ ਡਾ. ਗੁਪਤਾ ਨੇ ਦੱਸਿਆ ਕਿ ਇਸ ਸਾਲ ਕਾਲਜ ਦੇ ਨਤੀਜੇ ਸ਼ਾਨਦਾਰ ਹਨ | ਕਾਲਜ ਦੇ ਵਿਦਿਆਰਥੀ ਹਰ ਪ੍ਰੀਖਿਆ 'ਚ ਯੂਨੀਵਰਸਿਟੀ ਪੱਧਰ 'ਤੇ ਮੈਰਿਟ ਪੁਜੀਸ਼ਨਾਂ ਪ੍ਰਾਪਤ ਕਰ ਰਹੇ ਹਨ, ਜੋ ਕਿ ਕਾਲਜ ਲਈ ਮਾਣ ਵਾਲੀ ਗੱਲ ਹੈ | ਕਾਮਰਸ ਵਿਭਾਗ ਦੇ ਮੁਖੀ ਪ੍ਰੋ. ਉਲਾਸ ਚੋਪੜਾ ਨੇ ਦੱਸਿਆ ਕਿ ਕਾਲਜ ਦੇ ਕਾਮਰਸ ਵਿਦਿਆਰਥੀ ਮੈਰਿਟ ਪੁਜੀਸ਼ਨਾਂ ਅਤੇ ਪਲੇਸਮੈਂਟ ਦੋਵਾਂ 'ਚ ਮੋਹਰੀ ਹਨ | ਇਸ ਸਾਲ ਪਲੇਸਮੈਂਟ ਲਈ ਕੰਪਨੀਆਂ 'ਚ ਕੰਪਿਊਟਰ ਅਤੇ ਕਾਮਰਸ ਦੇ ਵਿਦਿਆਰਥੀਆਂ ਦੀ ਵੀ ਬਹੁਤ ਮੰਗ ਹੈ | ਇਹੀ ਕਾਰਨ ਹੈ ਕਿ ਕਾਲਜ ਵਿਦਿਆਰਥੀਆਂ ਨੂੰ ਡਿਗਰੀਆਂ ਪ੍ਰਾਪਤ ਕਰਨ ਤੋਂ ਪਹਿਲਾਂ ਹੀ ਨੌਕਰੀਆਂ ਪ੍ਰਦਾਨ ਕਰਨ ਦੇ ਯੋਗ ਹੈ | ਇਸ ਸਾਲ, ਬਹੁਤ ਸਾਰੀਆਂ ਮਲਟੀਨੈਸ਼ਨਲ ਕੰਪਨੀਆਂ ਕਾਲਜ ਦੇ ਵਿਦਿਆਰਥੀਆਂ ਨੂੰ ਨਿਯੁਕਤ ਕਰਨ ਲਈ ਉਤਸੁਕ ਹਨ | ਇਸ ਮੌਕੇ ਪ੍ਰੋ: ਵਿਕਾਸ ਬਹਿਲ, ਪ੍ਰੋ: ਸੁਧੀਰ ਪਾਸੀ, ਡਾ: ਸ਼ਿਫਾਲੀ ਸ਼ਰਮਾ, ਡਾ: ਸ਼ਵੇਤਾ ਕਪੂਰ, ਪ੍ਰੋ: ਤਮਨ ਵਾਲੀਆ ਹਾਜ਼ਰ ਸਨ ਅਤੇ ਨਵਪ੍ਰੀਤ ਦੇ ਉੱਜਵਲ ਭਵਿੱਖ ਦੀ ਕਾਮਨਾ ਕੀਤੀ |
