ਭਾਈ ਗੁਰਇਕਬਾਲ ਸਿੰਘ ਵਲੋਂ ਧਾਰਮਿਕ ਕਾਗਜ਼ਾਂ ਦੇ ਸਸਕਾਰ ਲਈ ਨਵੇਂ ਭੱਠ ਦੀ ਆਰੰਭਤਾ <br/>
ਅਜੀਤ ਡੈਸਕ
30-12-2025
ਅੰਮਿ੍ਤਸਰ, 29 ਦਸੰਬਰ (ਜਸਵੰਤ ਸਿੰਘ ਜੱਸ)-ਬੀਬੀ ਕੌਲਾਂ ਜੀ ਭਲਾਈ ਕੇਂਦਰ ਟਰੱਸਟ ਵਿਖੇ ਧਾਰਮਿਕ ਕਾਗਜ਼ਾਂ, ਧਾਰਮਿਕ ਤਸਵੀਰਾਂ ਵਾਲੇ ਕੈਲੰਡਰਾਂ, ਕੰਘੇ ਵਿਚੋਂ ਨਿਕਲੇ ਕੇਸ ਅਤੇ ਹੋਰ ਧਾਰਮਿਕ ਸਮੱਗਰੀ ਦੇ ਸਸਕਾਰ ਲਈ ਨਵੇਂ ਭੱਠ ਸਾਹਿਬ ਦੀ ਭਾਈ ਗੁਰਇਕਬਾਲ ਸਿੰਘ ਵਲੋਂ ਅਰਦਾਸ ਕਰਕੇ ਆਰੰਭਤਾ ਕੀਤੀ ਗਈ | ਭਾਈ ਗੁਰਇਕਬਾਲ ਸਿੰਘ ਨੇ ਦੱਸਿਆ ਕਿ ਇਹ ਸੇਵਾ ਤਕਰੀਬਨ 20 ਸਾਲ ਤੋਂ ਭਲਾਈ ਕੇਂਦਰ ਵਿਖੇ ਚੱਲ ਰਹੀ ਹੈ ਤੇ ਇਸ ਸੇਵਾ ਨੂੰ ਹਰ ਹਫ਼ਤੇ ਤਕਰੀਬਨ 20 ਤੋਂ 25 ਸੇਵਾਦਾਰ ਸੰਗਤਾਂ ਵਲੋਂ ਧਾਰਮਿਕ ਸਮੱਗਰੀ ਨੂੰ ਸਸਕਾਰ ਕਰਨ ਦੀ ਨਿਭਾਉਂਦੇ ਹਨ | ਉਨ੍ਹਾਂ ਦੱਸਿਆ ਕਿ ਧਾਰਮਿਕ ਸਮੱਗਰੀ ਨੂੰ ਸਸਕਾਰ ਕਰਨ ਮੌਕੇ ਮਰਿਆਦਾ ਦਾ ਪੂਰਾ ਧਿਆਨ ਰੱਖਿਆ ਜਾਂਦਾ ਹੈ ਤੇ ਸਸਕਾਰ ਕਰਨ ਤੋਂ ਪਹਿਲਾਂ ਅਰਦਾਸ ਕੀਤੀ ਜਾਂਦੀ ਹੈ | ਫਿਰ ਇਸ ਵਿਚ ਦੇਸੀ ਘਿਓ ਪਾ ਕੇ ਸਸਕਾਰ ਕੀਤਾ ਜਾਂਦਾ ਹੈ | ਉਨ੍ਹਾਂ ਦੱਸਿਆ ਕਿ ਸੰਗਤਾਂ ਵਲੋਂ ਧਾਰਮਿਕ ਸਮਗਰੀ ਜ਼ਿਆਦਾ ਆਉਣ ਕਰਕੇ ਪਹਿਲਾਂ ਭੱਠ ਸਾਹਿਬ ਛੋਟਾ ਸੀ ਤੇ ਹੁਣ ਵੱਡਾ ਭੱਠ ਸਾਹਿਬ ਤਿਆਰ ਕੀਤਾ ਗਿਆ | ਇਸ ਮੌਕੇ ਠੇਕੇਦਾਰ ਰਵਿੰਦਰ ਸਿੰਘ ਤੇ ਹੋਰ ਸੇਵਾ ਕਰਨ ਵਾਲੇ ਸ਼ਰਧਾਲੂ ਹਾਜ਼ਰ ਸਨ |
