ਤਰਨ ਤਾਰਨ, 27 ਸਤੰਬਰ (ਹਰਿੰਦਰ ਸਿੰਘ)- ਪੰਜਾਬ ਵਿਚ ਹੜ੍ਹ ਕਿਵੇਂ ਆਏ, ਕਿਸ ਦੀ ਗਲਤੀ ਨਾਲ ਆਏ ਇਸ 'ਤੇਂ ਚਰਚਾ ਕਰਨ ਦੀ ਬਜਾਏ ਕੇਂਦਰ ਸਰਕਾਰ ਖਾਸ ਕਰਕੇ ਪ੍ਰਧਾਨ ਮੰਤਰੀ ਮੋਦੀ ਸਿਆਸਤ ਨਾ ਕਰਨ ਸਗੋਂ ਜਿਹੜਾ ਪੈਕੇਜ ਆਪਣੀ ਪੰਜਾਬ ਫੇਰੀ ਦੌਰਾਨ ਐਲਾਨ ਕਰਕੇ ਗਏ ਹਨ, ਉਸਦਾ ਇਕ-ਇਕ ਪੈਸਾ ਸੂਬੇ ਨੂੰ ਦੇਣ ਨਹੀਂ ਤਾਂ ਉਨ੍ਹਾਂ ਵਲੋਂ ਪੰਜਾਬ ਨਾਲ ਕੀਤੀ ਜਾ ਰਹੀ ਵਿਤਕਰੇਬਾਜ਼ੀ ਮਹਿੰਗੀ ਪੈ ਸਕਦੀ ਹੈ ਅਤੇ ਭਾਜਪਾ ਦਾ ਪੰਜਾਬ ਵਿਚ ਵਜੂਦ ਖਤਮ ਹੋ ਸਕਦਾ ਹੈ | ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਕਰਦਿਆਂ ਆਮ ਆਦਮੀ ਪਾਰਟੀ ਦੇ ਸੀਨੀਅਰ ਆਗੂ ਤੇ ਪੰਜਾਬ ਰਾਜ ਉਦਯੋਗ ਵਿਕਾਸ ਕਾਰਪੋਰੇਸ਼ਨ ਦੇ ਡਾਇਰੈਕਟਰ ਗੁਰਸੇਵਕ ਸਿੰਘ ਔਲਖ ਨੇ ਕਰਦਿਆਂ ਕਿਹਾ ਕਿ ਹੜ੍ਹਾਂ ਨੇ ਪੰਜਾਬ ਦਾ ਬਹੁਤ ਨੁਕਸਾਨ ਕੀਤਾ ਪਰ ਪ੍ਰਧਾਨ ਮੰਤਰੀ ਪੰਜਾਬੀਆਂ ਦਾ ਪਤਾ ਕਰਨ ਲਈ ਪਹਿਲਾਂ ਤਾਂ ਲੇਟ ਆਏ ਪਰ ਜਦ ਆਏ ਵੀ ਤਾਂ 20 ਹਜ਼ਾਰ ਕਰੋੜ ਦੀ ਜਗ੍ਹਾ ਸਿਰਫ 1600 ਕਰੋੜ ਦੇ ਪੈਕੇਜ ਦਾ ਐਲਾਨ ਕਰਕੇ ਗਏ ਪਰ ਅਜੇ ਤੱਕ ਇਹ ਪੈਸਾ ਵੀ ਪੰਜਾਬ ਤੱਕ ਨਹੀਂ ਪੁੱਜਾ ਸਗੋਂ ਹੜ੍ਹਾਂ ਉੱਪਰ ਹੀ ਰਾਜਨੀਤੀ ਕੀਤੀ ਜਾ ਰਹੀ ਹੈ |
ਪ੍ਰਧਾਨ ਮੰਤਰੀ ਮੋਦੀ ਨੂੰ ਪੰਜਾਬ ਵਾਸੀਆਂ ਨਾਲ ਵਿਤਕਰਾ ਮਹਿੰਗਾ ਪੈ ਸਕਦਾ- ਔਲਖ
ਅਜੀਤ ਡੈਸਕ
28-09-2025