ਫੁੱਲਾਂਵਾਲ, 1 ਨਵੰਬਰ (ਮਨਜੀਤ ਸਿੰਘ ਦੁੱਗਰੀ)-ਹੀਰੋ ਡੀ.ਐਮ.ਸੀ. ਹਾਰਟ ਇੰਸਟੀਚਿਊਟ, ਲੁਧਿਆਣਾ ਵਲੋਂ ''ਰੁੱਖ ਲਗਾਓ, ਧਰਤੀ ਬਚਾਓ'' ਥੀਮ ਹੇਠ ਪਹਿਲਕਦਮੀ ਕਰਦਿਆਂ ਬੀ.ਸੀ.ਐਮ. ਆਰੀਆ ਸਕੂਲ, ਲਲਤੋਂ ਵਿਖੇ ਇਕ ਪ੍ਰੇਰਨਾਦਾਇਕ ਜਾਗਰੂਕਤਾ ਸੈਸ਼ਨ ਅਤੇ ਰੁੱਖ ਲਗਾਉਣ ਦਾ ਆਗਾਜ਼ ਕਰਦਿਆਂ ਹਰੀ-ਭਰੀ ਮੁਹਿੰਮ ਦੀ ਸ਼ੁਰੂਆਤ ਕੀਤੀ | ਡਾ. ਸ਼ੀਬਾ ਟੱਕਰ, ਪੋ੍ਰਫ਼ੈਸਰ ਕਾਰਡੀਓਲੋਜੀ ਵਿਭਾਗ, ਹੀਰੋ ਡੀ.ਐਮ.ਸੀ. ਹਾਰਟ ਇੰਸਟੀਚਿਊਟ ਨੇ ਮੁੱਖ ਮਹਿਮਾਨ ਵਜੋਂ ਸ਼ਮੂਲੀਅਤ ਕਰਦਿਆਂ ਆਪਣੇ ਸੰਬੋਧਨ ਵਿਚ ਕਿਹਾ ਕਿ ਸਿਹਤਮੰਦ ਦਿਲ ਲਈ ਸਿਹਤਮੰਦ ਵਾਤਾਵਰਣ ਬਹੁਤ ਜ਼ਰੂਰੀ ਹੈ | ਇਸ ਤੋਂ ਇਲਾਵਾ ਡਾ. ਏਕਤਾ ਬਾਂਸਲ (ਪ੍ਰੋਫ਼ੈਸਰ ਅਤੇ ਮੁਖੀ, ਬਾਇਓ ਕੈਮਿਸਟਰੀ ਵਿਭਾਗ, ਡੀ.ਐਮ.ਸੀ.ਐਚ.), ਡਾ. ਨੰਦਿਤਾ ਮੈਣੀ ਜਿੰਦਲ (ਐਸੋਸੀਏਟ ਪ੍ਰੋਫੈਸਰ, ਡੀ.ਐਮ.ਸੀ.ਐਚ), ਡਾ. ਪ੍ਰਕਾਸ਼ ਸਿੰਘ (ਡਿਪਟੀ ਡਾਇਰੈਕਟਰ, ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਵਿਭਾਗ, ਪੰਜਾਬ) ਵਿਸ਼ਵਨਾਥ ਮੌਰੀਆ, ਲੱਕੀ ਮੌਰੀਆ ਅਤੇ ਵਿਜੇ ਕੇ. ਮੌਰੀਆ, ਮੌਨਿਕਾ ਵਿਜ, ਓ.ਪੀ.ਡੀ. ਕੋਆਰਡੀਨੇਟਰ, ਹੀਰੋ ਡੀ.ਐਮ.ਸੀ ਹਾਰਟ ਇੰਸਟੀਚਿਊਟ, ਬੰਸੀ ਲਾਲ ਮੌਰੀਆ, ਸੇਵਾਮੁਕਤ ਐਡਵੋਕੇਟ ਭਾਵਨਾ ਮੌਰੀਆ ਸਮਾਜ ਸੇਵਿਕਾ ਸ਼ਾਮਿਲ ਸਨ | ਪਿ੍ੰਸੀਪਲ ਕਿ੍ਤਿਕਾ ਸੇਠ ਨੇ ਹੀਰੋ ਡੀ.ਐਮ.ਸੀ. ਹਾਰਟ ਇੰਸਟੀਚਿਊਟ ਦਾ ਇਸ ਅਰਥਪੂਰਨ ਸਹਿਯੋਗ ਲਈ ਧੰਨਵਾਦ ਕੀਤਾ |ਐਐ
