ਮੁੱਲਾਂਪੁਰ ਗਰੀਬਦਾਸ, 3 ਸਤੰਬਰ (ਦਿਲਬਰ ਸਿੰਘ ਖੈਰਪੁਰ)-ਪਿਛਲੇ ਦਿਨਾਂ ਤੋਂ ਲਗਾਤਾਰ ਹੋ ਰਹੀ ਭਾਰੀ ਬਾਰਿਸ਼ ਕਾਰਨ ਇਲਾਕੇ 'ਚ ਕਈ ਦੁਰਘਟਨਾਵਾਂ ਵੇਖਣ ਨੂੰ ਸਾਹਮਣੇ ਆਈਆਂ ਹਨ | ਨਿਊ ਚੰਡੀਗੜ੍ਹ ਦੇ ਕਸਬਾ ਮੁੱਲਾਂਪੁਰ ਗਰੀਬਦਾਸ ਵਿਖੇ ਰਤਵਾੜਾ ਸਾਹਿਬ ਰੋਡ ਨੇੜੇ ਭਾਰੀ ਮੀਂਹ ਦੌਰਾਨ ਕੰਧ ਡਿੱਗਣ ਨਾਲ ਖੜੀ ਗੱਡੀ ਨੁਕਸਾਨੀ ਗਈ | ਗੱਡੀ ਦਾ ਪਿਛਲਾ ਸ਼ੀਸਾ ਟੁੱਟ ਗਿਆ ਤੇ ਗੱਡੀ ਬੁਰੀ ਤਰ੍ਹਾਂ ਨੁਕਸਾਨੀ ਗਈ | ਦਵਿੰਦਰ ਸਿੰਘ ਨੇ ਦੱਸਿਆ ਕਿ ਉਹ ਆਪਣੇ ਸੌਹਰੇ ਘਰ ਆਇਆ ਹੋਇਆ ਸੀ, ਬੱਚੇ ਨੂੰ ਦਵਾਈ ਦੁਆਉਣ ਲਈ ਘਰੋਂ ਜਾਣ ਲੱਗਿਆ ਸੀ ਕਿ ਬਾਹਰੋਂ ਇੱਕ ਜੋਰਦਾਰ ਆਵਾਜ਼ ਆਈ | ਜਦੋਂ ਵੇਖਣ ਗਏ ਤਾਂ ਕੰਧ ਡਿੱਗਣ ਕਾਰਨ ਗੱਡੀ ਦਾ ਬੁਰੀ ਤਰ੍ਹਾਂ ਨੁਕਸਾਨ ਹੋਇਆ ਵੇਖਣ ਨੂੰ ਮਿਲਿਆ |
