ਜ਼ੀਰਕਪੁਰ, 4 ਸਤੰਬਰ (ਮਨਿੰਦਰ ਸਿੰਘ)-ਭਾਜਪਾ ਆਗੂ ਤੇ ਸਮਾਜਸੇਵੀ ਸੰਜੀਵ ਖੰਨਾ ਨੇ ਬੁੱਧਵਾਰ ਨੂੰ ਜ਼ੀਰਕਪੁਰ ਦੇ ਢਕੌਲੀ ਤੇ ਪੀਰ ਮੁਛੱਲਾ ਖੇਤਰ ਵਿਚ ਵੱਖ-ਵੱਖ ਥਾਵਾਂ 'ਤੇ ਲੰਗਰ ਸੇਵਾ ਦਾ ਆਯੋਜਨ ਕੀਤਾ | ਇਸ ਦੌਰਾਨ ਸੈਂਕੜੇ ਸਥਾਨਕ ਨਿਵਾਸੀ, ਮਜ਼ਦੂਰ ਤੇ ਰਾਹਗੀਰ ਭੋਜਨ ਕਰਨ ਪਹੁੰਚੇ | ਇਸ ਮੌਕੇ ਖੰਨਾ ਨੇ ਕਿਹਾ ਕਿ ਲਗਾਤਾਰ ਪੈ ਰਹੀ ਭਾਰੀ ਬਰਸਾਤ ਕਾਰਨ ਕਈ ਪਰਿਵਾਰ ਰੋਜ਼ਾਨਾ ਦਾ ਖਾਣਾ ਜੁਟਾਉਣ ਵਿਚ ਅਸਮਰੱਥ ਹੋ ਜਾਂਦੇ ਹਨ | ਅਜਿਹੇ ਸਮੇਂ ਵਿਚ ਲੰਗਰ ਸੇਵਾ ਲੋਕਾਂ ਨੂੰ ਵੱਡੀ ਰਾਹਤ ਦਿੰਦੀ ਹੈ | ਉਨ੍ਹਾਂ ਕਿਹਾ ਕਿ ਖੇਤਰ ਦਾ ਕੋਈ ਵੀ ਜ਼ਰੂਰਤਮੰਦ ਭੁੱਖਾ ਨਹੀਂ ਸੌਣਾ ਚਾਹੀਦਾ | ਇਸ ਲੰਗਰ ਸੇਵਾ 'ਚ ਸੰਜੀਵ ਖੰਨਾ ਤੇ ਉਨ੍ਹਾਂ ਦੀ ਪਤਨੀ ਰੇਣੂ ਖੰਨਾ ਨੇ ਆਪਣੀ ਟੀਮ ਨਾਲ ਮਿਲ ਕੇ ਖੁਦ ਲੰਗਰ ਤਿਆਰ ਕੀਤਾ | ਲੰਗਰ ਸੇਵਾ ਵਿਚ ਭਾਜਪਾ ਵਰਕਰਾਂ ਨੇ ਵੀ ਵੱਡੇ ਉਤਸ਼ਾਹ ਨਾਲ ਹਿੱਸਾ ਲਿਆ | ਇਸ ਮੌਕੇ ਲੰਗਰ ਛਕਣ ਵਾਲੇ ਲੋਕਾਂ ਨੇ ਸੰਜੀਵ ਖੰਨਾ ਦੀ ਇਸ ਪਹਿਲ ਦੀ ਖੂਬ ਸਰਾਹਨਾ ਕੀਤੀ | ਖੰਨਾ ਨੇ ਭਰੋਸਾ ਦਵਾਇਆ ਕਿ ਉਹ ਭਵਿੱਖ ਵਿਚ ਵੀ ਜ਼ਰੂਰਤ ਪੈਣ 'ਤੇ ਅਜਿਹੇ ਸੇਵਾ ਕਾਰਜ ਜਾਰੀ ਰੱਖਣਗੇ |
