ਚੰਡੀਗੜ੍ਹ / ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ

ਪੁਲਿਸ ਨੇ ਜ਼ਿਲੇ੍ਹ ਭਰ 'ਚ ਮਾਈਨਿੰਗ ਮਾਫੀਆ ਵਿਰੁੱਧ ਪੂਰਾ ਟਿੱਲ ਲਾ ਕੇ ਅਭਿਆਨ ਚਲਾਇਆ <br/>

ਪੁਲਿਸ ਥਾਣਾ ਮਾਜਰੀ ਵਿਖੇ ਨਾਜਾਇਜ਼ ਮਾਈਨਿੰਗ ਕਾਰੋਬਾਰ ਦੇ ਗੋਰਖਧੰਦੇ 'ਚ ਕੀਤੀ ਕਾਰਵਾਈ ਦੌਰਾਨ ਵੱਡੀ ਗਿਣਤੀ ਕਾਬੂ ਕੀਤੇ ਟਿੱਪਰ | ਤਸਵੀਰ : ਦਿਲਬਰ ਸਿੰਘ ਖੈਰਪੁਰ <br/> 29-12-2025

ਮੁੱਲਾਂਪੁਰ ਗਰੀਬਦਾਸ, 28 ਦਸੰਬਰ (ਦਿਲਬਰ ਸਿੰਘ ਖੈਰਪੁਰ)-ਮੁਹਾਲੀ ਪੁਲਿਸ ਨੇ ਜਿਥੇ ਜ਼ਿਲੇ੍ਹ ਭਰ 'ਚ ਮਾਈਨਿੰਗ ਮਾਫੀਆ ਵਿਰੁੱਧ ਪੂਰਾ ਟਿੱਲ ਲਾ ਕੇ ਅਭਿਆਨ ਚਲਾਇਆ, ਉਥੇ ਬੀਤੇ ਦਿਨੀਂ ਰਾਤ ਭਰ ਕੀਤੀ ਛਾਪੇਮਾਰੀ ਦੌਰਾਨ ਵੱਖ-ਵੱਖ ਥਾਣਿਆਂ 'ਚ ਗ਼ੈਰ-ਕਾਨੂੰਨੀ ਕੰਮ 'ਚ ਲੱਗੇ ਲੋਕਾਂ ਖ਼ਿਲਾਫ਼ ਮਾਮਲੇ ਦਰਜ ਕੀਤੇ ਗਏ | ਦੂਜੇ ਪਾਸੇ ਇਕ ਭਾਜਪਾ ਆਗੂ ਨੇ ਇਸ ਪੁਲਿਸ ਦੀ ਇਸ ਕਾਰਵਾਈ 'ਤੇ ਉਂਗਲ ਉਠਾਉਦਿਆਂ ਇਸ ਨੂੰ ਅੱਖਾਂ 'ਚ ਧੂੜ ਪਾਉਣ ਤੇ ਸੱਚਾਈ ਨੂੰ ਛੁਪਾਉਣ ਦਾ ਡਰਾਮਾ ਕਰਾਰ ਦਿੱਤਾ ਹੈ | ਇਸੇ ਦੌਰਾਨ ਪੁਲਿਸ ਥਾਣਾ ਮਾਜਰੀ ਦੇ ਐਸ. ਐਚ. ਓ. ਯੋਗੇਸ਼ ਕੁਮਾਰ ਨੇ ਭਾਜਪਾ ਆਗੂ ਦੀ ਬਿਆਨਬਾਜ਼ੀ ਨੂੰ ਬੇਬੁਨਿਆਦ ਦੱਸਦਿਆਂ ਕਿਹਾ ਕਿ ਇਹ ਲੋਕ ਸਰਕਾਰੀ ਕਾਰਜਾਂ 'ਚ ਅੜਿੱਕਾ ਬਣ ਕੇ ਆਪਣੀ ਚੌਧਰ ਚਮਕਾਉਣ ਲਈ ਨਿਰੰਤਰ ਇਹੋ ਜਿਹੀ ਘਟੀਆ ਪੱਧਰ ਦੀ ਰਾਜਨੀਤੀ ਕਰਦੇ ਹਨ | ਇਸ ਸੰਬੰਧੀ ਭਾਜਪਾ ਆਗੂ ਵਿਨੀਤ ਜੋਸ਼ੀ ਨੇ ਕਿਹਾ ਕਿ ਜਿਸ ਵੇਲੇ ਐਸ. ਐਸ. ਪੀ. ਮੁਹਾਲੀ ਮਾਜਰੀ ਥਾਣੇ 'ਚ ਮੀਡੀਆ ਨੂੰ ਮਾਈਨਿੰਗ ਖ਼ਿਲਾਫ਼ ਕੀਤੀ ਕਾਰਵਾਈ ਬਾਰੇ ਜਾਣਕਾਰੀ ਦੇ ਰਹੇ ਸਨ, ਉਸੇ ਸਮੇਂ ਥਾਣੇ ਦੇ ਬਾਹਰ ਵੱਡੀ ਗਿਣਤੀ 'ਚ ਸਥਾਨਕ ਲੋਕ ਇਕੱਠੇ ਹੋਏ ਸਨ ਤੇ ਇਨ੍ਹਾਂ ਲੋਕਾਂ ਦਾ ਕਹਿਣਾ ਹੈ ਕਿ ਜਿਨ੍ਹਾਂ ਟਿੱਪਰਾਂ ਨੂੰ ਜ਼ਬਤ ਦਿਖਾਇਆ ਗਿਆ ਹੈ, ਉਹ ਅਸਲ 'ਚ ਰਾਤ ਦੇ ਸਮੇਂ ਪੁਲਿਸ ਵਲੋਂ ਪਾਰਕਿੰਗ ਸਟੈਂਡ ਤੋਂ ਚੁੱਕੇ ਗਏ ਹਨ, ਫਿਰ ਇਕ ਕਰੈਸ਼ਰ 'ਤੇ ਲੈ ਜਾ ਕੇ ਉਨ੍ਹਾਂ 'ਚ ਜ਼ਬਰਦਸਤੀ ਮਾਈਨਿੰਗ ਮਟੀਰੀਅਲ ਭਰਵਾਇਆ ਤੇ ਬਾਅਦ 'ਚ ਮਾਜਰੀ ਥਾਣੇ ਦੇ ਬਾਹਰ ਖੜ੍ਹਾ ਕਰ ਕੇ ਕਾਰਵਾਈ ਦਾ ਡਰਾਮਾ ਰਚਿਆ ਗਿਆ | ਸਥਾਨਕ ਲੋਕਾਂ ਨੇ ਦੋਸ਼ ਲਗਾਇਆ ਕਿ ਜਦੋਂ ਟਿੱਪਰ ਚਾਲਕਾਂ ਨੇ ਵਾਹਨ ਚਲਾਉਣ ਤੋਂ ਇਨਕਾਰ ਕੀਤਾ ਤਾਂ ਉਨ੍ਹਾਂ ਨਾਲ ਮਾਰਕੁੱਟ ਕੀਤੀ ਗਈ | ਇੰਨਾ ਹੀ ਨਹੀਂ, ਕਰੈਸ਼ਰ 'ਤੇ ਸੁੱਤੇ ਮਜ਼ਦੂਰਾਂ ਦੇ ਦਰਵਾਜ਼ੇ ਤੋੜ ਕੇ ਉਨ੍ਹਾਂ ਨੂੰ ਬਾਹਰ ਕੱਢਿਆ ਤੇ ਉਨ੍ਹਾਂ ਨਾਲ ਮਾਰਕੁੱਟ ਕੀਤੀ ਗਈ ਤੇ ਉਨ੍ਹਾਂ ਨੂੰ ਡਰਾਉਂਦਿਆਂ ਟਿੱਪਰਾਂ 'ਚ ਮਟੀਰੀਅਲ ਭਰਵਾਇਆ ਗਿਆ | ਉਨ੍ਹਾਂ ਕਿਹਾ ਕਿ ਪੁਲਿਸ ਪੈਟਰੋਲ ਪੰਪ ਤੇ ਕਰੈਸ਼ਰ ਦੋਹਾਂ ਥਾਵਾਂ ਤੋਂ ਸੀ. ਸੀ. ਟੀ. ਵੀ. ਕੈਮਰਿਆਂ ਦੀ ਡੀ. ਵੀ. ਆਰ. ਜ਼ਬਤ ਕਰ ਕੇ ਲੈ ਗਈ, ਜਿਸ ਨਾਲ ਸ਼ੱਕ ਹੋਰ ਡੂੰਘਾ ਹੋ ਜਾਂਦਾ ਹੈ | ਜੋਸ਼ੀ ਨੇ ਕਿਹਾ ਕਿ ਹੋ ਸਕਦਾ ਹੈ ਕਿ ਹੇਠਲੇ ਪੱਧਰ ਦੇ ਅਧਿਕਾਰੀਆਂ ਨੇ ਜ਼ਿਲੇ ਦੇ ਐਸ. ਐਸ. ਪੀ. ਨੂੰ ਗੁੰਮਰਾਹ ਕੀਤਾ ਹੈ | ਇਨ੍ਹਾਂ ਗੰਭੀਰ ਦੋਸ਼ਾਂ ਦੀ ਜਾਂਚ ਸੀ. ਬੀ. ਆਈ. ਤੋਂ ਕਰਵਾਉਣ ਦੀ ਮੰਗ ਕਰਦਿਆਂ ਭਾਜਪਾ ਆਗੂ ਨੇ ਕਿਹਾ ਕਿ ਪੰਜਾਬ ਪੁਲਿਸ ਜਾਂ ਰਾਜ ਸਰਕਾਰ ਦੀ ਕੋਈ ਵੀ ਏਜੰਸੀ ਸੁਤੰਤਰ ਜਾਂਚ ਕਰਨ ਦੇ ਯੋਗ ਨਹੀਂ ਹੈ | ਇਸ ਮਾਮਲੇ 'ਤੇ ਸਪਸ਼ੱਟੀਕਰਨ ਦਿੰਦਿਆਂ ਮੁੱਲਾਂਪੁਰ ਗਰੀਬਦਾਸ ਡਵੀਜ਼ਨ ਦੇ ਡੀ. ਐਸ. ਪੀ. ਹਰਸਿਮਰਤ ਸਿੰਘ ਨੇ ਆਖਿਆ ਕਿ ਨਾਜਾਇਜ਼ ਮਾਈਨਿੰਗ ਦੇ ਕਾਰੋਬਾਰੀ ਲੋਕ ਪੁਲਿਸ ਕਾਰਵਾਈ ਤੋਂ ਬਾਅਦ ਅਜਿਹੀ ਦੂਸ਼ਣਬਾਜ਼ੀ ਆਮ ਹੀ ਕਰਦੇ ਹਨ | ਉਨ੍ਹਾਂ ਕਿਹਾ ਕਿ ਸਰਕਾਰ ਵਿਰੋਧੀ ਰਾਜਨੀਤਕ ਲੋਕ ਅਜਿਹੇ ਗੈਰ-ਕਾਨੂੰਨੀ ਕੰਮਾਂ 'ਚ ਲਿਪਤ ਲੋਕਾਂ ਦੀ ਮਦਦ ਕਰਕੇ ਆਪਣਾ ਨਾਂਅ ਚਮਕਾਉਣ ਲਈ ਅਜਿਹੇ ਮੌਕਿਆਂ ਦੀ ਤਲਾਸ਼ 'ਚ ਰਹਿੰਦੇ ਹਨ | ਉਨ੍ਹਾਂ ਪੁਲਿਸ ਕਾਰਵਾਈ ਨੂੰ ਸਹੀ ਤੇ ਦਰੁਸਤ ਦੱਸਿਆ |

ਪਿਛਲੀ ਖ਼ਬਰ ਚੰਡੀਗੜ੍ਹ ਪੈ੍ਰੱਸ ਕਲੱਬ ਵਿਖੇ 'ਮੈਂ ਸਾਗਰ ਖਾਰਾ-ਤੁਮ ਨਦੀ ਮੀਠੀ' ਕਾਵਿ ਸੰਗ੍ਰਹਿ ਲੋਕ ਅਰਪਣ <br/> ਅਗਲੀ ਖ਼ਬਰ ਵਿਧਾਇਕ ਕੁਲਵੰਤ ਸਿੰਘ ਨੇ ਗਤਕਾ ਚੈਂਪੀਅਨਸ਼ਿਪ ਦੇ ਜੇਤੂਆਂ ਨੂੰ ਵੰਡੇ ਇਨਾਮ <br/>

ਪੁਲਿਸ ਨੇ ਜ਼ਿਲੇ੍ਹ ਭਰ 'ਚ ਮਾਈਨਿੰਗ ਮਾਫੀਆ ਵਿਰੁੱਧ ਪੂਰਾ ਟਿੱਲ ਲਾ ਕੇ ਅਭਿਆਨ ਚਲਾਇਆ <br/>

ਸੰਬੰਧਿਤ ਖ਼ਬਰਾਂ