ਮਾਨਸਾ

ਪੀ. ਐਮ. ਸ਼੍ਰੀ ਸਰਕਾਰੀ ਹਾਈ ਸਕੂਲ ਜਿਉਂਦ ਵਿਖੇ ਤਿੰਨ ਰੋਜ਼ਾ ਆਰਟ ਵਰਕਸ਼ਾਪ ਲਗਾਈ

ਅ

ਅਜੀਤ ਡੈਸਕ 22-10-2025

ਚਾਉਕੇ, 21 ਅਕਤੂਬਰ (ਮਨਜੀਤ ਸਿੰਘ ਘੜੈਲੀ)-ਪੀ. ਐਮ. ਸ਼੍ਰੀ ਸਕੀਮ ਅਧੀਨ ਸਰਕਾਰ ਦੀਆਂ ਹਦਾਇਤਾਂ ਅਨੁਸਾਰ ਪੀ. ਐਮ. ਸ਼੍ਰੀ ਸਰਕਾਰੀ ਹਾਈ ਸਕੂਲ ਜਿਉਂਦ ਵਿਖੇ ਤਿੰਨ ਰੋਜ਼ਾ ਆਰਟ ਵਰਕਸ਼ਾਪ ਹੈੱਡ ਮਿਸਟ੍ਰੈਸ ਕੁਲਵਿੰਦਰ ਕੌਰ ਸਿੱਧੂ ਦੀ ਅਗਵਾਈ ਹੇਠ ਲਗਾਈ ਗਈ | ਵਰਕਸ਼ਾਪ ਦੇ ਪਹਿਲੇ ਦਿਨ ਬਿੰਦਰ ਕੁਮਾਰ ਨੇ ਵਾਟਰ ਕਲਰ ਦੁਆਰਾ ਬੱਚਿਆਂ ਨੂੰ ਵੱਖ -ਵੱਖ ਕਲਾ ਕਿਰਤਾਂ ਬਣਾਉਣੀਆਂ ਸਿਖਾਈਆਂ | ਦੂਸਰੇ ਦਿਨ ਸੋਨੀਆ ਗਾਂਧੀ ਨੇ ਪੇਪਰ ਕਰਾਫਟਿੰਗ ਦੁਆਰਾ ਵੱਖ-ਵੱਖ ਫੁੱਲ ਅਤੇ ਝੂਮਰ ਬਣਾਉਣ ਦੀ ਸਿਖਲਾਈ ਦਿੱਤੀ | ਤੀਸਰੇ ਦਿਨ ਸੁਰਿੰਦਰ ਸਿੰਘ ਨੇ ਕਲੇਅ ਮਾਡਲਿੰਗ ਦੁਆਰਾ ਤਸਵੀਰਾਂ ਬਣਾਉਣ ਦੀ ਸਿੱਖਿਆ ਦਿੱਤੀ ਅਤੇ ਇਕ ਬੱਚੇ ਦੀ ਕਲੇਅ ਮੂਰਤੀ ਬਣਾਈ ਗਈ ਜੋ ਸਾਰਿਆਂ ਲਈ ਖਿੱਚ ਦਾ ਕੇਂਦਰ ਬਣੀ | ਇਸ ਮੌਕੇ ਮੁੱਖ ਅਧਿਆਪਿਕਾ ਕੁਲਵਿੰਦਰ ਕੌਰ ਸਿੱਧੂ ਦੁਆਰਾ ਆਏ ਰਿਸੋਰਸ ਪਰਸਨ ਦਾ ਧੰਨਵਾਦ ਕੀਤਾ ਅਤੇ ਉਨ੍ਹਾਂ ਨੂੰ ਸਨਮਾਨ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ ਅਤੇ ਬੱਚਿਆਂ ਨੂੰ ਵਧਾਈ ਦਿੱਤੀ | ਵਿਦਿਆਰਥੀਆਂ ਨੂੰ ਗਰੀਨ ਦਿਵਾਲੀ ਮਨਾਉਣ ਅਤੇ ਪੌਦਿਆਂ ਦੀ ਮਹੱਤਤਾ ਬਾਰੇ ਜਾਗਰੂਕ ਕੀਤਾ ਗਿਆ | ਰਿਸੋਰਸ ਪਰਸਨ ਨੂੰ ਪੌਦੇ ਵੀ ਭੇਂਟ ਕੀਤੇ ਗਏ |