ਕਾਹਨਪੁਰ ਖੂਹੀ, 2 ਸਤੰਬਰ (ਗੁਰਬੀਰ ਸਿੰਘ ਵਾਲੀਆ)-ਇਸ ਵੇਲੇ ਜਿੱਥੇ ਸਮੁੱਚੇ ਪੰਜਾਬ ਉੱਤੇ ਕੁਦਰਤ ਨੇ ਹੜ੍ਹਾਂ ਰਾਹੀਂ ਕਹਿਰ ਢਾਹਿਆ ਹੋਇਆ ਹੈ, ਉੱਥੇ ਹੀ ਇਸ ਅÏਖੀ ਘੜੀ ਵਿਚ ਮਨੁੱਖਤਾ ਦੀ ਸੇਵਾ ਵਿਚ ਵੀ ਪੰਜਾਬੀ ਵੱਖ-ਵੱਖ ਤਰੀਕਿਆਂ ਨਾਲ ਵੱਧ ਚੜ੍ਹ ਕੇ ਯੋਗਦਾਨ ਪਾ ਰਹੇ ਹਨ | ਇਸੇ ਤਹਿਤ ਅੱਜ ਨਜ਼ਦੀਕੀ ਪਿੰਡ ਕਲਵਾਂ ਦੀ ਸਮੂਹ ਸੰਗਤ ਵਲੋਂ ਜਿੱਥੇ ਗੁਰਦੁਆਰਾ ਸਾਹਿਬ ਵਿਖੇ ਸਮੁੱਚੀ ਮਾਨਵਤਾ ਦੀ ਮੌਜੂਦਾ ਹਾਲਾਤ ਤੋਂ ਬਚਾਅ ਅਤੇ ਚੜ੍ਹਦੀਕਲਾ ਲਈ ਅਰਦਾਸ ਕੀਤੀ, ਉੱਥੇ ਹੀ ਸਰਪੰਚ ਗੁਰਜੀਤ ਸਿੰਘ ਗੋਲਡੀ ਦੀ ਅਗਵਾਈ ਹੇਠ ਪਸ਼ੂਆਂ ਲਈ ਚਾਰਾ, ਤੂੜੀ, ਪੀਣ ਵਾਲਾ ਪਾਣੀ ਅਤੇ ਹੋਰ ਖਾਧ ਸਮੱਗਰੀ ਟਰਾਲੀਆਂ ਵਿਚ ਲੱਦ ਕੇ ਗੁਰਦਾਸਪੁਰ ਦੇ ਹੜ੍ਹ ਪ੍ਰਭਾਵਿਤ ਇਲਾਕਿਆਂ ਲਈ ਭੇਜੀ | ਇਸ ਮੌਕੇ ਵੀਰ ਸਿੰਘ ਖ਼ਾਲਸਾ, ਬਾਬਾ ਸੁੱਚਾ ਸਿੰਘ, ਜਸਪ੍ਰੀਤ ਸਿੰਘ ਖ਼ਾਲਸਾ, ਨਿਰਮਲ ਸਿੰਘ ਸੰਧੂ, ਦਿਲਾਵਰ ਸਿੰਘ, ਮਨਮੋਹਨ ਸਿੰਘ, ਸਾਹਿਬ ਸਿੰਘ, ਹਰਜਿੰਦਰ ਸਿੰਘ ਮਿੰਟੂ, ਭੁਪਿੰਦਰ ਸਿੰਘ, ਜੀਤੀ ਸੈਣੀ, ਸ਼ਾਰੀ ਕਲਵਾਂ, ਹਰਵਿੰਦਰ ਸਿੰਘ ਖ਼ਾਲਸਾ, ਦਾਰਾ ਸਿੰਘ ਢਿੱਲੋਂ ਸਮੇਤ ਸਮੂਹ ਪਿੰਡ ਵਾਸੀ ਹਾਜ਼ਰ ਸਨ |
