ਰੂਪਨਗਰ

ਇੰਡੀਆ ਇੰਟਰਨੈਸ਼ਨਲ ਸਾਇੰਸ ਫੈਸਟੀਵਲ ਦੀ ਸ਼ੁਰੂਆਤ

ਅ

ਅਜੀਤ ਡੈਸਕ 23-11-2025

ਚੰਡੀਗੜ੍ਹ, 22 ਨਵੰਬਰ (ਬਲਜਿੰਦਰ ਸਿੰਘ ਹਾਂਡਾ)ਸੀ. ਐਸ. ਆਈ. ਆਰ.-ਸੈਂਟਰਲ ਸਾਇੰਟਿਫਿਕ ਇੰਸਟਰੂਮੈਂਟਸ ਆਰਗੇਨਾਈਜ਼ੇਸ਼ਨ ਚੰਡੀਗੜ੍ਹ ਨੇ 21 ਨਵੰਬਰ 2025 ਨੂੰ 'ਇੰਡੀਆ ਇੰਟਰਨੈਸ਼ਨਲ ਸਾਇੰਸ ਫ਼ੈਸਟੀਵਲ' (ਸੀ. ਐਸ. ਆਈ. ਆਰ-2025) ਦਾ ਕਰਟਨ ਰੇਜ਼ਰ ਕੀਤਾ ਗਿਆ, ਜੋ ਕਿ 6 ਤੋਂ 9 ਦਸੰਬਰ 2025 ਦੌਰਾਨ ਚੰਡੀਗੜ੍ਹ-ਪੰਚਕੂਲਾ ਖੇਤਰ ਵਿਚ ਹੋਣ ਵਾਲੇ ਵਿਗਿਆਨ ਫ਼ੈਸਟੀਵਲ ਸਮਾਰੋਹ ਦੀ ਸ਼ੁਰੂਆਤ ਸੀ | ਸਮਾਗਮ 'ਚ ਮੁੱਖ ਮਹਿਮਾਨ, ਹਰਿਆਣਾ ਦੇ ਰਾਜਪਾਲ ਪ੍ਰੋ. ਅਸ਼ੀਮ ਕੁਮਾਰ ਘੋਸ਼ ਸ਼ਾਮਿਲ ਹੋਏ, ਜਿਨ੍ਹਾਂ ਨੇ ਸਾਇੰਸ ਫੈਸਟੀਵਲ-2025 ਕਰਟਨ ਰੇਜ਼ਰ ਦਾ ਉਦਘਾਟਨ ਕੀਤਾ | ਆਪਣੇ ਸੰਬੋਧਨ 'ਚ ਉਨ੍ਹਾਂ ਨੇ ਵਿਸ਼ਵ ਪੱਧਰੀ ਇੰਸਟਰੂਮੈਂਟੇਸ਼ਨ ਰਾਹੀਂ ਰਾਸ਼ਟਰੀ ਵਿਕਾਸ ਵਿਚ ਇਸ ਸੰਸਥਾ ਦੇ ਯੋਗਦਾਨ ਦੀ ਸ਼ਲਾਘਾ ਕੀਤੀ ਤੇ ਵਿਗਿਆਨ ਨੂੰ ਜ਼ਮੀਨੀ ਪੱਧਰ 'ਤੇ ਲਿਆਉਣ ਤੇ ਭਵਿੱਖ ਦੀਆਂ ਪੀੜ੍ਹੀਆਂ ਨੂੰ ਪ੍ਰੇਰਿਤ ਕਰਨ ਲਈ ਸਾਇੰਸ ਫ਼ੈਸਟੀਵਲ ਦੀ ਸ਼ਲਾਘਾ ਕੀਤੀ | ਪਤਵੰਤਿਆਂ ਦਾ ਸਵਾਗਤ ਕਰਦੇ ਹੋਏ ਸੀ. ਐਸ. ਆਈ. ਆਰ. ਦੇ ਡਾਇਰੈਕਟਰ, ਪ੍ਰੋ. ਸ਼ਾਂਤਨੂ ਭੱਟਾਚਾਰੀਆ ਨੇ ਰਾਸ਼ਟਰੀ ਮਿਸ਼ਨਾਂ ਲਈ ਵਿਗਿਆਨਕ ਇੰਸਟਰੂਮੈਂਟੇਸ਼ਨ ਨੂੰ ਅੱਗੇ ਵਧਾਉਣ ਤੇ ਅੰਤਰ-ਅਨੁਸ਼ਾਸਨੀ ਖੋਜ ਨੂੰ ਸਮਰੱਥ ਬਣਾਉਣ ਵਿਚ ਸੰਸਥਾ ਦੀ ਮਹੱਤਵਪੂਰਨ ਭੂਮਿਕਾ 'ਤੇ ਚਾਨਣਾ ਪਾਇਆ | ਸੀ. ਐਸ. ਆਈ. ਆਰ.-ਸੀ. ਐਸ. ਆਈ. ਓ. ਆਪਣੇ ਅਹਾਤੇ 'ਚ ਕਈ ਆਈ. ਆਈ. ਐਸ.ਐਫ-2025 ਸਮਾਗਮਾਂ ਦੀ ਮੇਜ਼ਬਾਨੀ ਕਰ ਰਿਹਾ ਹੈ, ਜਿਸ ਵਿਚ ਹੈਕਾਥਨ, ਇੰਡਸਟਰੀ-ਅਕਾਦਮਿਕ ਮੀਟ, ਵੂਮੈਨ ਇਨ ਸਾਇੰਸ ਸ਼ਾਮਿਲ ਹਨ | ਪ੍ਰਵੀਨ ਰਾਮਦਾਸ, ਨੈਸ਼ਨਲ ਜੁਆਇੰਟ ਆਰਗੇਨਾਈਜ਼ਿੰਗ ਸੈਕਟਰੀ, ਵਿਜਨਾ ਭਾਰਤੀ (ਵਿਭਾ) ਨੇ ਇਸ ਸਾਲ ਦੇ ਥੀਮ, ਯੋਜਨਾਬੱਧ ਸਮਾਗਮਾਂ ਤੇ ਆਊਟਰੀਚ ਗਤੀਵਿਧੀਆਂ ਸਾਂਝੀਆਂ ਕੀਤੀਆਂ ਜੋ ਸਮਾਜ ਦੇ ਹਰ ਖੇਤਰ ਨੂੰ ਪੂਰਾ ਕਰਨਗੀਆਂ | ਮਹਿਮਾਨ, ਪ੍ਰੋਫੈਸਰ (ਡਾ.) ਰੇਣੂ ਵਿਗ, ਵਾਈਸ-ਚਾਂਸਲਰ, ਪੰਜਾਬ ਯੂਨੀਵਰਸਿਟੀ ਨੇ ਇਕੱਠ ਨੂੰ ਸੰਬੋਧਨ ਕੀਤਾ, ਦੇਸ਼ ਵਿਚ ਉਪਲਬਧ ਨਵੀਨਤਾ ਈਕੋਸਿਸਟਮ ਦੀ ਮਹੱਤਤਾ ਨੂੰ ਰੇਖਾਂਕਿਤ ਕੀਤਾ ਅਤੇ ਵਿਦਿਆਰਥੀਆਂ ਨੂੰ ਡੂੰਘੀ ਤਕਨਾਲੋਜੀ ਉੱਦਮਤਾ 'ਚ ਕਰੀਅਰ ਦੀ ਪੜਚੋਲ ਕਰਨ ਦੀ ਅਪੀਲ ਕੀਤੀ | ਇਸ ਕਰਟਨ ਰੇਜ਼ਰ ਰਾਹੀਂ, ਸੀ. ਐਸ. ਆਈ. ਆਰ.-ਸੀ. ਐਸ. ਆਈ. ਓ. ਨੇ ਵਿਗਿਆਨਕ ਉਤਸੁਕਤਾ ਨੂੰ ਉਤਸ਼ਾਹਿਤ ਕਰਨ, ਵਿਗਿਆਨ 'ਚ ਜਨਤਕ ਸ਼ਮੂਲੀਅਤ ਨੂੰ ਸਮਰੱਥ ਬਣਾਉਣ ਤੇ ਆਈ. ਆਈ. ਐਸ. ਐਫ.-2025 ਵੱਲ ਦੇਸ਼ ਵਿਆਪੀ ਗਤੀ ਦਾ ਸਮਰਥਨ ਕਰਨ ਦੀ ਆਪਣੀ ਵਚਨਬੱਧਤਾ ਦੀ ਪੁਸ਼ਟੀ ਕੀਤੀ, ਇਕ ਤਿਉਹਾਰ ਜੋ ਭਾਰਤ ਦੀ ਨਵੀਨਤਾ, ਵਿਗਿਆਨਕ ਉੱਤਮਤਾ ਤੇ