ਪਟਕੇ ਦੇ ਘੋਲ ਦੀ ਸ਼ੁਰੂਆਤ ਕਰਵਾਉਣ ਮੌਕੇ ਕੈਬਨਿਟ ਮੰਤਰੀ ਹਰਜੋਤ ਸਿੰਘ ਬੈਂਸ। (ਸੱਜੇ) ਗਿਆਨੀ ਹਰਭਜਨ ਸਿੰਘ ਬੜਾ ਪਿੰਡ ਨਾਲ ਪ੍ਰਬੰਧਕ। ਬੜਾ ਪਿੰਡ ’ ਚ 115 ਵੇਂ ਛਿੰਝ ਮੇਲੇ ਦੌਰਾਨ ਪਟਕੇ ਦੇ ਘੋਲ ’ ਚ ਮੋਂਟੀ ਗੁੱਜਰ ਜੇਤੂ ਘੋਲ, ਕਬੱਡੀ ਸਾਡੇ ਪੰਜਾਬ ਦੀ ਸ਼ਾਨ, ਨੌਜਵਾਨਾਂ ਲਈ ਸਿਰਜਿਆ ਜਾ ਰਿਹਾ ਹੈ ਸਾਰਥਿਕ ਮਾਹੌਲ-ਬੈਂਸ

ਭਰਤਗੜ੍ਹ, 13 ਸਤੰਬਰ (ਜਸਬੀਰ ਸਿੰਘ ਬਾਵਾ)-ਬੜਾ ਪਿੰਡ ਦੇ ਦਸਮੇਸ਼ ਸਟੇਡੀਅਮ ਦਰਮਿਆਨ ਸਥਾਨਕ ਪ੍ਰਬੰਧਕਾਂ ਵਲੋਂ ਦੇਸ਼-ਵਿਦੇਸ਼ ਵੱਸਦੇ ਨੌਜਵਾਨਾਂ, ਮੁਹਤਬਰਾਂ, ਵਸਨੀਕਾਂ ਦੇ ਸਹਿਯੋਗ ਨਾਲ ਅਰੰਭਿਆ 115ਵਾਂ ਛਿੰਝ ਮੇਲਾ ਸਾਮੀਂ ਸਾਢੇ ਸੱਤ ਵਜੇ ਇੱਕ ਵਰ੍ਹੇ ਲਈ ਅਮਿੱਟ ਯਾਦਾਂ ਛੱਡਕੇ ਸਮਾਪਤ ਹੋ ਗਿਆ, ਪਹਿਲੇ ਦਿਨ ਬੱਚਿਆਂ ਦੇ ਘੋਲ, ਦੂਜੇ ਅਤੇ ਤੀਜੇ ਦਿਨ ਨਾਮਵਰ ਅਖਾੜਿਆਂ ਦੇ ਨਾਮੀਂ ਪਹਿਲਵਾਨਾਂ ਦੇ ਘੋਲ, ਛਿੰਝ ਮੇਲੇ ਦੇ ਅੰਤਿਮ ਪਲਾਂ ਦੌਰਾਨ ਪਟਕੇ ਦੇ ਘੋਲ ਲਈ ਪਹਿਲਵਾਨਾਂ ਦੇ ਘੋਲ ਪ੍ਰਬੰਧਕਾਂ ਨੇ ਪੰਜਾਬ ਦੇ ਸਿੱਖਿਆ, ਸੂਚਨਾ ਅਤੇ ਲੋਕ ਸੰਪਰਕ ਮੰਤਰੀ ਹਰਜੋਤ ਸਿੰਘ ਬੈਂਸ, ਗਿਆਨੀ ਹਰਭਜਨ ਸਿੰਘ ਬੜਾ ਪਿੰਡ, ਬਲਬੀਰ ਸਿੰਘ ਸ਼ਾਹਪੁਰ, ਸਾਬਕਾ ਵਿਧਾਇਕ ਅਮਰਜੀਤ ਸਿੰਘ ਸੰਦੋਆ ਅਤੇ ਹੋਰਨਾਂ ਸ਼ਖ਼ਸੀਅਤਾਂ ਦੇ ਹੱਥੋਂ ਅਰੰਭ ਕਰਵਾਏ, ਪਟਕੇ ਦੇ ਘੋਲ ’ਚ ਪ੍ਰਿੰਸ ਕੋਹਾਲੀ ਨੂੰ ਹਰਾਕੇ ਮੋਂਟੀ ਗੁੱਜਰ ਨੇ ਜਿੱਤ ਹਾਸਲ ਕੀਤੀ। ਕੈਬਨਿਟ ਮੰਤਰੀ ਬੈਂਸ ਨੇ ਕਿਹਾ ਕਿ ਸੂਬੇ ਦੇ ਨੌਜਵਾਨਾਂ ਨੂੰ ਖੇਡਾਂ ਵੱਲ ਉਤਸ਼ਾਹਿਤ ਕਰਨ ਲਈ ਪਿੰਡਾਂ ’ਚ ਖੇਡ ਮੈਦਾਨ ਬਣਾਏ ਜਾ ਰਹੇ ਹਨ, ਨੌਜਵਾਨਾਂ ’ਤੇ ਖਿਡਾਰੀਆਂ ਲਈ ਸਾਰਥਕ ਮਾਹੌਲ ਸਿਰਜਿਆ ਜਾ ਰਿਹਾ ਹੈ ਤਾਂ ਜੋ ਉੱਚ ਕੋਟੀ ਦੇ ਨਵੇਂ ਖਿਡਾਰੀ ਪੈਦਾ ਕੀਤੇ ਜਾਣ।

Ad Position 21