ਸਮਾਣਾ, 5 ਦਸੰਬਰ (ਸਾਹਿਬ ਸਿੰਘ)-ਜੀ. ਐੱਸ. ਟੀ. ਵਿਭਾਗ ਦਫ਼ਤਰ ਲੁਧਿਆਣਾ ਦੇ ਉੱਚ-ਅਧਿਕਾਰੀਆਂ ਦੀ ਟੀਮ ਵਲੋਂ ਸਮਾਣਾ ਦੇ ਦੋ ਵਪਾਰੀਆਂ ਦੇ ਘਰਾਂ ਅਤੇ ਵਪਾਰਕ ਅਦਾਰਿਆਂ 'ਚ ਤੜਕਸਾਰ ਰੇਡ ਕਰਕੇ ਉਨ੍ਹਾਂ ਦੇ ਕਾਗ਼ਜ਼ਾਂ ਦੀ ਜਾਂਚ ਕੀਤੀ ਹੈ | ਇਸ ਜਾਂਚ ਦੌਰਾਨ ਮੀਡੀਆ ਨੂੰ ਅਧਿਕਾਰੀਆਂ ਨੇ ਕੁੱਝ ਵੀ ਦੱਸਣ ਤੋਂ ਇਨਕਾਰ ਕੀਤਾ, ਪਰ ਮੀਡੀਆ ਵਲੋਂ ਭਰੋਸੇਯੋਗ ਸੂਤਰਾਂ ਤੋਂ ਲਈ ਜਾਣਕਾਰੀ ਅਨੁਸਾਰ ਉਕਤ ਵਿਭਾਗ ਨੇ ਜਲੰਧਰ ਦੀ ਕਿਸੇ ਫ਼ਰਮ 'ਤੇ ਛਾਪਾਮਾਰੀ ਕੀਤੀ ਸੀ | ਉਸ ਦੇ ਅਧਾਰ 'ਤੇ ਸਮਾਣਾ ਦੇ ਸ਼ਿਵਾ ਇੰਟਰਪ੍ਰਾਇਜ਼ਜ ਕਮਾਸਪੁਰ ਰੋਡ ਅਤੇ ਮਨੀ ਐਕਸਚੇਂਜਰ ਦੀ ਇਕ ਦੁਕਾਨ 'ਤੇ ਛਾਪਾ ਮਾਰਿਆ ਜੋ ਸ਼ਾਮ ਤੱਕ ਜਾਂਚ ਜਾਰੀ ਰਹੀ |
