'ਆਪ' ਆਗੂ ਡਾ. ਹਰਪਾਲ ਢਿੱਲਵਾਂ ਦਾ ਹੜ੍ਹ ਪੀੜਤਾਂ ਲਈ ਅਨੋਖਾ ਐਲਾਨ!

* ਕਿਹਾ, ਘਰ ਤੇ ਚਾਰਾ ਵਰਤ ਲਓ
ਕੋਟਕਪੂਰਾ, 3 ਸਤੰਬਰ (ਮੋਹਰ ਸਿੰਘ ਗਿੱਲ)-ਆਮ ਆਦਮੀ ਪਾਰਟੀ ਦੇ ਸੀਨੀਅਰ ਆਗੂ ਡਾ. ਹਰਪਾਲ ਸਿੰਘ ਢਿੱਲਵਾਂ, ਸਾਬਕਾ ਜ਼ਿਲ੍ਹਾ ਸਿੱਖਿਆ ਅਫ਼ਸਰ, ਮੈਂਬਰ ਪੰਜਾਬ ਸਟੇਟ ਫਾਰਮਜ਼ ਤੇ ਫ਼ਾਰਮ ਵਰਕਰ ਕਮਿਸ਼ਨ ਅਤੇ ਜ਼ਿਲ੍ਹਾ ਸਕੱਤਰ ਆਮ ਆਦਮੀ ਪਾਰਟੀ ਫ਼ਰੀਦਕੋਟ ਨੇ ਦਰਿਆਦਿਲੀ ਦਿਖਾਉਂਦਿਆਂ ਹੜ੍ਹ ਪੀੜਤਾਂ ਲਈ ਅਨੋਖਾ ਐਲਾਨ ਕੀਤਾ ਹੈ | ਉਨ੍ਹਾਂ ਕਿਹਾ ਕਿ ਉਸ ਕੋਲ 40 ਵਿੱਘੇ ਜ਼ਮੀਨ ਸੂਰਤਗੜ੍ਹ (ਰਾਜਸਥਾਨ) 'ਚ ਹੈ, ਜਿਸ ਵਿਚ ਛੋਟਾ ਜਿਹਾ ਘਰ ਹੈ | ਇਸ ਸਮੇਂ ਉੱਥੇ ਬਹੁਤ ਹੀ ਵਧੀਆ ਮੂੰਗਫ਼ਲੀ, ਮੋਠ ਅਤੇ ਗੁਆਰੇ ਦੀ ਫ਼ਸਲ ਖੜ੍ਹੀ ਹੈ |
ਜਿਹੜੇ ਵੀ ਹੜ੍ਹ ਪ੍ਰਭਾਵਿਤ ਪਰਿਵਾਰ ਹਨ, ਆਪਣੇ ਪਸ਼ੂਆਂ ਸਮੇਤ ਉੱਥੇ ਰਹਿਣਾ ਚਾਹੰੁਦੇ ਹਨ ਤਾਂ ਰਹਿ ਸਕਦੇ ਹਨ | ਜ਼ਮੀਨ 'ਚ ਖੜ੍ਹੀਆਂ ਉਕਤ ਫ਼ਸਲਾਂ ਨੂੰ ਵੱਢ ਕੇ ਆਪਣੇ ਪਸ਼ੂਆਂ ਨੂੰ ਹਰੇ ਚਾਰੇ ਵਜੋਂ ਪਾ ਸਕਦੇ ਹਨ | ਉਨ੍ਹਾਂ ਇਹ ਵੀ ਕਿਹਾ ਕਿ ਜਿਨ੍ਹਾਂ ਚਿਰ ਹੜ੍ਹਾਂ ਦੀ ਮਾਰ ਚੱਲ ਰਹੀ ਹੈ, ਓਥੇ ਰਹਿ ਸਕਦੇ ਹਨ |