ਸ਼ੈਲਰ ਮਾਲਕਾਂ ਦੀ ਪਿ੍ੰਸੀਪਲ ਸਕੱਤਰ, ਡਾਇਰੈਕਟਰ ਸਮੇਤ ਹੋਰ ਅਧਿਕਾਰੀਆਂ ਨਾਲ ਮੁਲਾਕਾਤ <br/>

ਜਲੰਧਰ, 8 ਦਸੰਬਰ (ਸ਼ਿਵ ਸ਼ਰਮਾ)-ਪੰਜਾਬ ਰਾਈਸ ਮਿੱਲਰ ਐਸੋਸੀਏਸ਼ਨ ਪੰਜਾਬ ਦੇ ਪ੍ਰਧਾਨ ਗਿਆਨ ਚੰਦ ਭਾਰਦਵਾਜ ਦੀ ਅਗਵਾਈ ਵਿਚ ਸ਼ੈਲਰ ਮਾਲਕਾਂ ਦੇ ਇਕ ਵਫ਼ਦ ਨੇ ਪਿ੍ੰਸੀਪਲ ਸਕੱਤਰ ਰਾਹੁਲ ਤਿਵਾੜੀ, ਡਾਇਰੈਕਟਰ ਖ਼ੁਰਾਕ ਤੇ ਸਿਵਲ ਸਪਲਾਈ ਵਰਿੰਦਰ ਸ਼ਰਮਾ, ਜੀ. ਐਮ. ਐਫ. ਸੀ. ਆਈ. ਬੀ. ਸ੍ਰੀ ਨਿਵਾਸਨ, ਪਨਗਰੇਨ ਤੋਂ ਸੰਯੁਕਤ ਡਾਇਰੈਕਟਰ (ਰਾਈਸ) ਗੀਤਾ ਸ਼ੰਭੂ, ਐਫ. ਸੀ. ਆਈ. ਦੇ ਡੀ. ਜੀ. ਐਮ. (ਰਾਈਸ) ਸੁਭਾਸ਼ ਸਮੇਤ ਹੋਰ ਅਫ਼ਸਰਾਂ ਨਾਲ ਮੀਟਿੰਗ ਕੀਤੀ, ਜਿਸ ਵਿਚ ਸ਼ੈਲਰ ਮਾਲਕਾਂ ਨੇ ਐਫ. ਸੀ. ਆਈ. ਵਲੋਂ ਅਜੇ ਤੱਕ ਚੌਲ ਨਾ ਲੈਣ ਸਮੇਤ ਹੋਰ ਆ ਰਹੀਆਂ ਮੁਸ਼ਕਲਾਂ ਉਠਾ ਕੇ ਹੱਲ ਕਰਵਾਉਣ ਦੀ ਮੰਗ ਕੀਤੀ | ਮੀਟਿੰਗ ਵਿਚ ਗਿਆਨ ਚੰਦ ਭਾਰਦਵਾਜ ਨੇ ਅਧਿਕਾਰੀਆਂ ਨੂੰ ਦੱਸਿਆ ਕਿ ਚਾਕੀ ਚੌਲਾਂ ਦੇ ਨਾ ਲੱਗਣ ਕਰਕੇ ਸ਼ੈਲਰ ਮਾਲਕਾਂ ਦਾ ਨੁਕਸਾਨ ਹੋ ਰਿਹਾ ਹੈ | ਉਨ੍ਹਾਂ ਮੰਗ ਕੀਤੀ ਕਿ ਇਸ ਚੌਲ ਨੂੰ ਲੈਣਾ ਮਨਜ਼ੂਰ ਕੀਤਾ ਜਾਵੇ ਤਾਂ ਜੋ ਸ਼ੈਲਰ ਮਾਲਕਾਂ ਦਾ ਨੁਕਸਾਨ ਨਾ ਹੋ ਸਕੇ | ਇਸ ਮੌਕੇ ਜੈਪਾਲ ਗੋਇਲ, ਨਾਮਦੇਵ ਅਰੋੜਾ, ਅਰਵਿੰਦ ਜੁਲਕਾ, ਅਸ਼ਵਨੀ ਕੁਮਾਰ, ਬਲਵਿੰਦਰ ਸਿੰਘ ਧੂਰੀ, ਸੰਜੀਵ ਕੁਮਾਰ, ਅਮਿੱਤ ਗੋਇਲ ਰਿਸ਼ੂ, ਰਾਜੀਵ ਸ਼ੇਰੂ, ਬੰਟੀ ਧੂਰੀ, ਅਨਿਲ ਧਵਨ, ਪਵਨ ਕੁਮਾਰ, ਮਹਿੰਦਰ ਪਾਲ, ਪ੍ਰਵੀਨ ਜੈਨ, ਵਿਸ਼ਾਲ ਗੁਪਤਾ, ਸੁਰਜੀਤ ਸਿੰਘ, ਅਮਨ ਗੋਇਲ, ਮਨੀਸ਼ ਜਿੰਦਲ, ਰਿੰਕੂ ਮਨੂਕ, ਦਵਿੰਦਰ ਬਿੰਦਰਾ, ਵਿਕਾਸ ਖਰੜ ਸਮੇਤ ਹੋਰ ਹਾਜਰ ਸਨ |