ਐਚ-1ਬੀ ਪਟੀਸ਼ਨਾਂ ਦੀ ਚੋਣ ਪ੍ਰਣਾਲੀ ਬਦਲੀ <br/>

ਅ

ਅਜੀਤ ਡੈਸਕ 24-12-2025

ਨਿਊਯਾਰਕ/ਵਾਸ਼ਿੰਗਟਨ, 23 ਦਸੰਬਰ (ਪੀ.ਟੀ.ਆਈ.)-ਐਚ-1ਬੀ ਵੀਜ਼ਾ ਪ੍ਰੋਗਰਾਮ 'ਚ ਇਕ ਮਹੱਤਵਪੂਰਨ ਬਦਲਾਅ 'ਚ ਟਰੰਪ ਪ੍ਰਸ਼ਾਸਨ ਲਾਟਰੀ ਪ੍ਰਣਾਲੀ ਨੂੰ ਬਦਲ ਰਿਹਾ ਹੈ | ਹੁਣ ਤੋਂ ਵੀਜ਼ਾ ਲਾਭਪਾਤਰੀਆਂ ਦੀ ਚੋਣ ਇਕ ਅਜਿਹੀ ਪ੍ਰਕਿਰਿਆ ਨਾਲ ਹੋਵੇਗੀ, ਜੋ ਉੱਚ-ਹੁਨਰਮੰਦ ਅਤੇ ਉੱਚ-ਤਨਖਾਹ ਵਾਲੇ ਵਿਅਕਤੀਆਂ ਨੂੰ ਵੀਜ਼ਾ ਵੰਡ ਨੂੰ ਤਰਜੀਹ ਦੇਵੇਗੀ | ਅਮਰੀਕਾ 'ਚ ਕਾਰਪੋਰੇਸ਼ਨਾਂ ਵਲੋਂ ਵਿਦੇਸ਼ੀ ਪ੍ਰਤਿਭਾ ਨੂੰ ਨਿਯੁਕਤ ਕਰਨ ਲਈ ਵਰਤੇ ਜਾਂਦੇ ਕਾਨੂੰਨੀ ਤੇ ਗੈਰ-ਕਾਨੂੰਨੀ ਇਮੀਗ੍ਰੇਸ਼ਨ ਦੋਵਾਂ ਦੇ ਨਾਲ-ਨਾਲ ਐਚ-1ਬੀ ਵੀਜ਼ੇ 'ਤੇ ਤੇਜ਼ ਹੋ ਰਹੀ ਸਖ਼ਤੀ ਦੇ ਵਿਚਕਾਰ ਇਹ ਨਵਾਂ ਨਿਯਮ ਟਰੰਪ ਪ੍ਰਸ਼ਾਸਨ ਵਲੋਂ ਐਲਾਨ ਕੀਤਾ ਗਿਆ ਹੈ | ਗੌਰਤਲਬ ਹੈ ਕਿ ਭਾਰਤੀ ਪੇਸ਼ੇਵਰ ਅਮਰੀਕਾ 'ਚ ਐਚ-1ਬੀ ਵੀਜ਼ਾ ਧਾਰਕਾਂ ਦੇ ਸਭ ਤੋਂ ਵੱਡੇ ਸਮੂਹ ਵਿੱਚੋਂ ਇਕ ਹਨ | ਇਹ ਨਵਾਂ ਨਿਯਮ 27 ਫਰਵਰੀ, 2026 ਤੋਂ ਲਾਗੂ ਹੋਵੇਗਾ ਤੇ ਇਹ ਵਿੱਤੀ ਸਾਲ 2027 ਦੇ ਐਚ-1ਬੀ ਕੈਪ ਰਜਿਸਟ੍ਰੇਸ਼ਨ ਸੀਜ਼ਨ ਲਈ ਲਾਗੂ ਹੋਵੇਗਾ |
ਜੇ.ਡੀ. ਵੈਂਸ ਨੇ ਈਸਾਈ ਪਛਾਣ ਨੂੰ ਐਚ-1ਬੀ ਵੀਜ਼ਾ ਨਾਲ ਜੋੜਿਆ
ਅਮਰੀਕਾ ਦੇ ਉਪ-ਰਾਸ਼ਟਰਪਤੀ ਜੇ.ਡੀ. ਵੈਂਸ ਨੇ ਕਿਹਾ ਕਿ ਅਮਰੀਕਾ ਦੀ 'ਸੱਚੀ' ਈਸਾਈ ਪਛਾਣ ਸਿਰਫ਼ ਅਣਜੰਮੇ ਬੱਚਿਆਂ ਦੀ ਰੱਖਿਆ ਤੱਕ ਸੀਮਤ ਨਹੀਂ ਹੈ, ਸਗੋਂ ਇਹ ਸਿੱਧੇ ਤÏਰ 'ਤੇ ਅਮਰੀਕੀ ਨÏਕਰੀਆਂ ਤੇ ਐਚ-1ਬੀ ਵੀਜ਼ਾ ਨਾਲ ਵੀ ਜੁੜੀ ਹੋਈ ਹੈ | ਉਨ੍ਹਾਂ ਕਿਹਾ ਕਿ ਕੰਪਨੀਆਂ ਦਾ ਸਸਤੀ ਮਜ਼ਦੂਰੀ ਲਈ ਦੂਜੇ ਦੇਸ਼ਾਂ ਵੱਲ ਮੁੜਨਾ ਗਲਤ ਹੈ | ਵੈਂਸ ਨੇ ਕਿਹਾ ਕਿ ਅਮਰੀਕੀ ਸਰਕਾਰ ਨੇ ਐਚ-1ਬੀ ਵੀਜ਼ਾ ਨੂੰ ਸੀਮਤ ਕਰਨ ਲਈ ਕਦਮ ਚੁੱਕੇ ਹਨ ਕਿਉਂਕਿ ਇਹ ਅਮਰੀਕੀ ਕਾਮਿਆਂ ਨੂੰ ਬਾਈਪਾਸ ਕਰਕੇ ਸਸਤੀ ਵਿਦੇਸ਼ੀ ਮਜ਼ਦੂਰੀ ਨੂੰ ਉਤਸ਼ਾਹਿਤ ਕਰਦੀ ਹੈ |

ਪਿਛਲੀ ਖ਼ਬਰ ਪੰਜਾਬ ਸਰਕਾਰ ਵਲੋਂ ਸਾਉਣੀ ਮੱਕੀ ਦੀ ਕਾਸ਼ਤ ਵੱਲ ਜਾਣ ਵਾਲੇ ਕਿਸਾਨਾਂ ਦਾ ਸਨਮਾਨ <br/> ਅਗਲੀ ਖ਼ਬਰ ਲੋਕਤੰਤਰ 'ਤੇ ਹੋ ਰਹੇ ਹਮਲੇ, ਵਿਰੋਧੀ ਧਿਰਾਂ ਨੂੰ ਕਰਨਾ ਹੋਵੇਗਾ ਮੁਕਾਬਲਾ-ਰਾਹੁਲ ਗਾਂਧੀ <br/>

ਐਚ-1ਬੀ ਪਟੀਸ਼ਨਾਂ ਦੀ ਚੋਣ ਪ੍ਰਣਾਲੀ ਬਦਲੀ <br/>

ਸੰਬੰਧਿਤ ਖ਼ਬਰਾਂ