ਭੁਵਨੇਸ਼ਵਰ, 28 ਦਸੰਬਰ (ਪੀ.ਟੀ.ਆਈ.)-ਮੁੱਖ ਚੋਣ ਕਮਿਸ਼ਨਰ ਗਿਆਨੇਸ਼ ਕੁਮਾਰ ਨੇ ਅਚਾਨਕ 29 ਦਸੰਬਰ ਨੂੰ ਹੋਣ ਵਾਲੀ ਓਡੀਸ਼ਾ ਦੇ ਬੂਥ ਲੈਵਲ ਅਫਸਰਾਂ (ਬੀ.ਐਲ.ਓਜ਼.) ਨਾਲ ਆਪਣੀ ਮੀਟਿੰਗ ਰੱਦ ਕਰ ਦਿੱਤੀ ਤੇ ਨਵੀਂ ਦਿੱਲੀ ਵਾਪਸ ਪਰਤ ਆਏ | ਸੂਤਰਾਂ ਨੇ ਦੱਸਿਆ ਕਿ ਗਿਆਨੇਸ਼, ਜੋ ਕਿ ਓਡੀਸ਼ਾ ਦੇ ਤਿੰਨ ਦਿਨਾਂ ਦੌਰੇ 'ਤੇ ਸਨ, ਆਪਣੇ ਪਿਤਾ ਨਾਲ ਹੋਏ ਇਕ ਵੱਡੇ ਹਾਦਸੇ ਕਾਰਨ ਵਾਪਸ ਪਰਤ ਆਏ, ਉਨ੍ਹਾਂ ਕਿਹਾ ਕਿ ਉਹ ਇੱਥੇ ਵਿਸ਼ੇਸ਼ ਤੀਬਰ ਸੋਧ (ਐਸ.ਆਈ.ਆਰ.) ਦੀ ਘੋਸ਼ਣਾ ਤੋਂ ਪਹਿਲਾਂ ਬੀ.ਐਲਓਜ਼. ਨਾਲ ਵਿਚਾਰ-ਵਟਾਂਦਰਾ ਕਰਨ ਲਈ ਰਾਜ ਵਾਪਸ ਆ ਸਕਦੇ ਹਨ | ਰਾਜ ਤੋਂ ਆਪਣੇ ਅਚਾਨਕ ਜਾਣ 'ਤੇ ਦੁੱਖ ਪ੍ਰਗਟ ਕਰਦੇ ਹੋਏ, ਗਿਆਨੇਸ਼ ਨੇ ਕਿਹਾ ਕਿ ਓਡੀਸ਼ਾ ਦੀ ਕਲਾ, ਆਰਕੀਟੈਕਚਰ, ਪਰਾਹੁਣਚਾਰੀ ਤੇ ਕੁਦਰਤੀ ਸੁੰਦਰਤਾ ਨੇ ਉਨ੍ਹਾਂ ਨੂੰ ਬਹੁਤ ਪ੍ਰਭਾਵਿਤ ਕੀਤਾ ਹੈ ਤੇ ਲੋਕਾਂ ਨੂੰ ਭਰੋਸਾ ਦਿੱਤਾ ਕਿ ਉਹ ਦੁਬਾਰਾ ਇਸ ਸਥਾਨ ਦਾ ਦÏਰਾ ਜ਼ਰੂਰ ਕਰਨਗੇ |
