ਨੱਥੂਵਾਲਾ ਗਰਬੀ, 25 ਦਸੰਬਰ (ਨਵਦੀਪ ਸਿੰਘ)-ਅੱਜ ਨੱਥੂਵਾਲਾ ਨਵਾਂ ਪਾਸਾ ਦੇ ਗੁਰਦੁਆਰਾ ਗੁਰਮਤਿ ਪ੍ਰਕਾਸ਼ ਵਿਖੇ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਚਾਰ ਸਾਹਿਬਜ਼ਾਦਿਆਂ ਦੀ ਸ਼ਹਾਦਤ ਨੂੰ ਸਮਰਪਿਤ ਦੂਜਾ ਦਸਤਾਰ ਸਿਖਲਾਈ ਕੈਂਪ ਕੋਚ ਪਰਮਜੀਤ ਸਿੰਘ ਖ਼ਾਲਸਾ, ਤਜਿੰਦਰ ਸਿੰਘ ਫ਼ੌਜੀ ਤੇ ਸੁਖਵਿੰਦਰ ਸਿੰਘ ਦੇ ਵਿਸ਼ੇਸ਼ ਸਹਿਯੋਗ ਨਾਲ ਲਗਾਇਆ ਗਿਆ | ਇਹ ਦਸਤਾਰ ਸਿਖਲਾਈ ਕੈਂਪ 24 ਦਸੰਬਰ 2025 ਤੋਂ 1 ਜਨਵਰੀ 2026 ਤੱਕ ਲਗਾਇਆ ਜਾਵੇਗਾ | ਇਸ ਦਸਤਾਰ ਸਿਖਲਾਈ ਕੈਂਪ ਦੌਰਾਨ ਪਹਿਲੇ ਤਿੰਨ ਸਥਾਨਾਂ 'ਤੇ ਆਉਣ ਵਾਲੇ ਵੀਰਾਂ ਨੂੰ ਟਰਾਫ਼ੀ ਤੇ ਨਕਦ ਰਾਸ਼ੀ ਨਾਲ ਸਨਮਾਨਿਤ ਕੀਤਾ ਜਾਵੇਗਾ ਤੇ ਹੋਰ ਭਾਗ ਲੈਣ ਵਾਲੇ ਵੀਰਾਂ ਨੂੰ ਵੀ ਸਨਮਾਨਿਤ ਕੀਤਾ ਜਾਵੇਗਾ | ਇਸ ਸਮੇਂ ਸਰਪੰਚ ਨਿਰਵੈਰ ਸਿੰਘ ਨੱਥੂਵਾਲਾ ਨਵਾਂ ਪਾਸਾ, ਮਨਜੀਤ ਕੌਰ ਪੰਚ, ਸੁਖਦੇਵ ਸਿੰਘ ਪੰਚ, ਜਸ ਬਰਾੜ ਪੰਚ, ਜਗਜੀਤ ਸਿੰਘ ਪੰਚ, ਹਰਬੰਸ ਸਿੰਘ ਪੰਚ, ਮਾਸਟਰ ਜੇਠੂ ਸਿੰਘ ਆਦਿ ਹਾਜ਼ਰ ਸਨ |
