ਸੰਗਰੂਰ, 25 ਸਤੰਬਰ (ਧੀਰਜ ਪਸ਼ੌਰੀਆ)- ਪੰਜਾਬ 'ਚ ਦਵਾਈਆਂ ਦੀ ਦੁਕਾਨਾਂ 'ਤੇ ਡਿਸਕਾਊਾਟ ਬੋਰਡ ਲਗਾਉਣ ਵਾਲੇ ਕੈਮਿਸਟਾਂ ਨੂੰ ਪੰਜਾਬ ਫਾਰਮੇਸੀ ਕੌਂਸਲ ਵਲੋਂ ਨੋਟਿਸ ਕੱਢੇ ਗਏ ਹਨ | ਸੰਗਰੂਰ ਪੁੱਜੇ ਪੰਜਾਬ ਫਾਰਮੇਸੀ ਕੌਂਸਲ ਦੇ ਪ੍ਰਧਾਨ ਸੁਸ਼ੀਲ ਬਾਂਸਲ ਨੇ ਗੱਲਬਾਤ ਕਰਦਿਆਂ ਦੱਸਿਆ ਕਿ ਦਵਾਈਆਂ ਦੀਆਂ ਦੁਕਾਨਾਂ 'ਤੇ ਡਿਸਕਾਊਾਟ ਬੋਰਡ ਲਗਾਉਣਾ ਫਾਰਮੇਸੀ ਕੌਂਸਲ ਦੇ ਨਿਯਮਾਂ ਦੀ ਉਲੰਘਣਾ ਹੈ, ਇਸ ਲਈ ਪੰਜ ਦਰਜਨ ਤੋਂ ਵੱਧ ਕੈਮਿਸਟਾਂ ਨੂੰ ਇਸ ਸੰਬੰਧੀ ਨੋਟਿਸ ਕੱਢੇ ਜਾ ਚੁੱਕੇ ਹਨ | ਉਨ੍ਹਾਂ ਹੋਰ ਦੱਸਿਆ ਕਿ ਕੌਂਸਲ ਕੋਲ 70 ਹਜ਼ਾਰ ਦੇ ਕਰੀਬ ਫਾਰਮਾਸਿਸਟ ਰਜਿਸਟਰਡ ਹਨ | ਇਨ੍ਹਾਂ ਦੀ ਰਿਨਿਊਲ ਨੂੰ ਹੁਣ ਬਿਲਕੁਲ ਸੁਖਾਲਾ ਕਰ ਦਿੱਤਾ ਗਿਆ ਹੈ | ਉਨ੍ਹਾਂ ਇਨ੍ਹਾਂ ਫਾਰਮਾਸਿਸਟਾਂ ਨੂੰ ਕੌਂਸਲ ਦੇ ਮੁੱਖ ਦਫ਼ਤਰ ਗੇੜੇ ਲਗਾਉਣ ਦੀ ਜ਼ਰੂਰਤ ਨਹੀਂ, ਬਲਕਿ ਉਹ ਘਰ ਬੈਠਿਆ ਹੀ ਆਨਲਾਈਨ 'ਪੇਪਰਲੈਸ ਰਿਨਿਊਲ' ਕਰਵਾ ਸਕਦੇ ਹਨ | ਇਸ ਪ੍ਰੀਕਿਆ ਵਿਚ ਹੋਰ ਸੁਧਾਰ ਲਿਆਉਣ ਲਈ ਜਲਦ ਹੀ ਇਕ ਐਪ ਬਣਾਈ ਜਾ ਰਹੀ ਹੈ, ਜਿਸ ਨੂੰ ਮੋਬਾਈਲ 'ਤੇ ਲੋਡ ਕਰਕੇ ਫਾਰਮਾਸਿਸਟ ਪੰਦਰਾਂ ਮਿੰਟਾਂ ਵਿਚ ਆਪਣੀ ਰਿਨਿਊਲ ਖ਼ੁਦ ਕਰਵਾ ਸਕਦਾ ਹੈ | ਇਸ ਮੌਕੇ ਕੈਮਿਸਟ ਐਸੋਸੀਏਸ਼ਨ ਦੇ ਜ਼ਿਲ੍ਹਾ ਪ੍ਰਧਾਨ ਨਰੇਸ਼ ਜਿੰਦਲ, ਜਨਰਲ ਸਕੱਤਰ ਰਾਜੀਵ ਜੈਨ, ਸਤੀਸ਼ ਕੁਮਾਰ ਦਿੜ੍ਹਬਾ, ਬਲਵਿੰਦਰ ਬਬਲਾ (ਲੋਕਲ ਪ੍ਰਧਾਨ), ਸੱਤਪਾਲ ਸਿੰਗਲਾ, ਸੋਮਨਾਥ ਤੇ ਹੋਰ ਮੌਜੂਦ ਸਨ |
