ਸੰਗਰੂਰ

ਕੈਂਬਿ੍ਜ ਸਕੂਲ ਦੇ ਅਭੇਪ੍ਰਤਾਪ ਸਿੰਘ ਨੂੰ ਫੈਪ ਨੈਸ਼ਨਲ 'ਬੈੱਸਟ ਪਲੇਅਰ ਐਵਾਰਡ' <br/>

ਫੈਪ ਨੈਸ਼ਨਲ 'ਬੈੱਸਟ ਪਲੇਅਰ ਐਵਾਰਡ' ਨਾਲ ਸਨਮਾਨਿਤ ਕੀਤੇ ਕੈਂਬਿ੍ਜ ਇੰਟਰਨੈਸ਼ਨਲ ਸਕੂਲ ਦੇ ਖਿਡਾਰੀ ਅਭੇਪ੍ਰਤਾਪ ਸਿੰਘ ਅਤੇ ਸਕੂਲ ਸਟਾਫ਼ ਨਾਲ | ਤਸਵੀਰ: ਮੁਕੇਸ਼ ਕੁਮਾਰ <br/> 08-12-2025

ਸੰਗਰੂਰ, 7 ਦਸੰਬਰ (ਸੁਖਵਿੰਦਰ ਸਿੰਘ ਫੁੱਲ)-ਕੈਂਬਿ੍ਜ ਇੰਟਰਨੈਸ਼ਨਲ ਸਕੂਲ, ਸੰਗਰੂਰ-ਸੁਨਾਮ ਰੋਡ ਸੰਗਰੂਰ ਦੇ ਹੋਣਹਾਰ ਖਿਡਾਰੀ ਅਭੇਪ੍ਰਤਾਪ ਸਿੰਘ ਨੇ ਆਪਣੀ ਸ਼ਾਨਦਾਰ ਪ੍ਰਦਰਸ਼ਨ ਸ਼ੀਲਤਾ ਨਾਲ ਰਾਸ਼ਟਰੀ ਪੱਧਰ 'ਤੇ ਸਕੂਲ ਦਾ ਨਾਮ ਰੌਸ਼ਨ ਕੀਤਾ ਹੈ | ਉਨ੍ਹਾਂ ਨੂੰ ਫ਼ੈਪ ਨੈਸ਼ਨਲ ਐਵਾਰਡਜ਼ ਵਿਚ 'ਬੈੱਸਟ ਪਲੇਅਰ ਐਵਾਰਡ' ਨਾਲ ਸਨਮਾਨਿਤ ਕੀਤਾ ਗਿਆ | ਅਭੇਪ੍ਰਤਾਪ ਸਿੰਘ ਨੇ ਹੈਂਡਬਾਲ ਖੇਡ ਵਿਚ ਆਪਣੇ ਬੇਮਿਸਾਲ ਹੁਨਰ, ਦਿ੍ੜਨਿਸ਼ਠਾ ਅਤੇ ਸ਼ਾਨਦਾਰ ਖੇਡ ਭਾਵਨਾ ਦਾ ਪ੍ਰਦਰਸ਼ਨ ਕਰਦਿਆਂ ਨੈਸ਼ਨਲ ਚੈਂਪੀਅਨਸ਼ਿਪ ਕਰਨਾਟਕਾ ਵਿਚ ਟੀਮ ਨੂੰ 4ਵਾਂ ਸਥਾਨ ਦਿਵਾਇਆ | ਉਨ੍ਹਾਂ ਦੀ ਇਹ ਉਪਲਬਧੀ ਸਿਰਫ਼ ਸਕੂਲ ਹੀ ਨਹੀਂ, ਬਲਕਿ ਪੂਰੇ ਜ਼ਿਲੇ ਲਈ ਮਾਣ ਦੀ ਗੱਲ ਹੈ | ਪਿ੍ੰਸੀਪਲ ਮਨਦੀਪ ਛੰਨਾ ਨੇ ਅਭਿਪ੍ਰਤਾਪ ਸਿੰਘ ਨੂੰ ਵਧਾਈ ਦਿੰਦਿਆਂ ਕਿਹਾ ਅਭੇਪ੍ਰਤਾਪ ਸਿੰਘ ਨੇ ਹੈਂਡਬਾਲ ਖੇਡ ਵਿਚ ਆਪਣੀ ਬੇਮਿਸਾਲ ਲਗਨ ਅਤੇ ਅਨੁਸ਼ਾਸਨ ਨਾਲ ਸਾਡੇ ਸਕੂਲ ਦਾ ਨਾਮ ਰੌਸ਼ਨ ਕੀਤਾ ਹੈ | ਉਸ ਨੇ ਨਾ ਕੇਵਲ ਟੀਮ ਨੂੰ ਮਜ਼ਬੂਤ ਬਣਾਇਆ ਹੈ, ਸਗੋਂ ਖੇਡ ਭਾਵਨਾ ਦਾ ਸ਼ਾਨਦਾਰ ਉਦਾਹਰਨ ਵੀ ਪੇਸ਼ ਕੀਤਾ ਹੈ | ਉਸ ਨੰੂ 'ਬੈੱਸਟ ਪਲੇਅਰ ਐਵਾਰਡ' ਮਿਲਣਾ ਸਾਡੇ ਸਾਰੇ ਲਈ ਮਾਣ ਦੀ ਗੱਲ ਹੈ | ਸਕੂਲ ਚੇਅਰਮੈਨ ਇੰਜੀਨੀਅਰ ਸ਼ਿਵ ਆਰੀਆ ਨੇ ਆਪਣੀ ਖ਼ੁਸ਼ੀ ਪ੍ਰਗਟ ਕਰਦਿਆਂ ਕਿਹਾ ਅਭੇਪ੍ਰਤਾਪ ਸਿੰਘ ਦੀ ਇਹ ਜਿੱਤ ਸਾਡੇ ਸਕੂਲ ਦੇ ਮਜ਼ਬੂਤ ਖੇਡ ਢਾਂਚੇ ਅਤੇ ਕੋਚਾਂ ਦੀ ਮਿਹਨਤ ਨੂੰ ਦਰਸਾਉਂਦੀ ਹੈ | ਉਸ ਨੇ ਰਾਸ਼ਟਰੀ ਪੱਧਰ 'ਤੇ ਆਪਣੀ ਕਾਬਲੀਅਤ ਸਾਬਤ ਕਰ ਕੇ ਸਾਡੇ ਲਈ ਮਾਣ ਵਧਾਇਆ ਹੈ | ਇਹ ਐਵਾਰਡ ਉਸ ਦੀ ਲਗਨ, ਮਿਹਨਤ ਅਤੇ ਸਮਰਪਣ ਦਾ ਪਰਿਣਾਮ ਹੈ | ਸਾਨੂੰ ਯਕੀਨ ਹੈ ਕਿ ਉਹ ਭਵਿੱਖ ਵਿਚ ਹੋਰ ਵੱਡੀਆਂ ਸਫਲਤਾਵਾਂ ਹਾਸਲ ਕਰੇਗਾ | ਸਕੂਲ ਪ੍ਰੈਸੀਡੈਂਟ ਡਾਕਟਰ ਸੀਮਾ ਅਰੋੜਾ ਅਤੇ ਸੀ.ਈ.ਓ. ਭਾਵਨਾ ਪੌਲ ਨੇ ਅਭੇਪ੍ਰਤਾਪ ਸਿੰਘ ਨੂੰ ਇਸ ਵਿਸ਼ੇਸ਼ ਸਨਮਾਨ ਲਈ ਵਧਾਈ ਦਿੱਤੀ |

ਪਿਛਲੀ ਖ਼ਬਰ ਅਧਿਆਪਕਾਂ ਦੀਆਂ ਤਨਖ਼ਾਹਾਂ ਡੀ.ਸੀ. ਰੇਟ ਤੋਂ ਘੱਟ ਕਰਨ ਦੀ ਈ.ਟੀ.ਟੀ. ਅਧਿਆਪਕ ਯੂਨੀਅਨ ਵਲੋਂ ਨਿਖੇਧੀ <br/> ਅਗਲੀ ਖ਼ਬਰ ਡਾ. ਹਰਦੇਵ ਸਿੰਘ ਵਿਰਕ ਦੀ ਪੁਸਤਕ 'ਮੇਰਾ ਜੀਵਨ ਸਫ਼ਰ' ਲੋਕ ਅਰਪਣ <br/>

ਕੈਂਬਿ੍ਜ ਸਕੂਲ ਦੇ ਅਭੇਪ੍ਰਤਾਪ ਸਿੰਘ ਨੂੰ ਫੈਪ ਨੈਸ਼ਨਲ 'ਬੈੱਸਟ ਪਲੇਅਰ ਐਵਾਰਡ' <br/>

ਸੰਬੰਧਿਤ ਖ਼ਬਰਾਂ