ਬਠਿੰਡਾ

ਅਧਿਆਪਕਾਂ ਦੀਆਂ ਤਨਖ਼ਾਹਾਂ ਡੀ.ਸੀ. ਰੇਟ ਤੋਂ ਘੱਟ ਕਰਨ ਦੀ ਈ.ਟੀ.ਟੀ. ਅਧਿਆਪਕ ਯੂਨੀਅਨ ਵਲੋਂ ਨਿਖੇਧੀ <br/>

ਅ

ਅਜੀਤ ਡੈਸਕ 08-12-2025

ਬਠਿੰਡਾ, 7 ਦਸੰਬਰ (ਸੱਤਪਾਲ ਸਿੰਘ ਸਿਵੀਆਂ)-ਈ.ਟੀ.ਟੀ. ਅਧਿਆਪਕ ਯੂਨੀਅਨ (6635) ਪੰਜਾਬ ਨੇ ਅਧਿਆਪਕਾਂ ਦੀਆਂ ਤਨਖ਼ਾਹਾਂ ਡੀ.ਸੀ. ਰੇਟ ਤੋਂ ਘੱਟ ਕਰਨ ਦੀ ਨਿਖੇਧੀ ਕਰਦਿਆਂ ਇਸ ਨੂੰ ਮੁਲਾਜ਼ਮ ਮਾਰੂ ਕਰਵਾਈ ਦੱਸਿਆ ਹੈ | ਯੂਨੀਅਨ ਦੇ ਸੂਬਾ ਪ੍ਰਧਾਨ ਦੀਪਕ ਕੰਬੋਜ, ਵਿੱਤ ਸਕੱਤਰ ਨਿਰਮਲ ਜ਼ੀਰਾ, ਉਪ-ਪ੍ਰਧਾਨ ਕੁਲਦੀਪ ਖੋਖਰ ਤੇ ਸੂਬਾ ਕਨਵੀਨਰ ਸ਼ਲਿੰਦਰ ਕੰਬੋਜ ਨੇ ਦੱਸਿਆ ਕਿ ਸੂਬੇ ਵਿਚ ਜੁਲਾਈ 2020 ਤੋਂ ਬਾਅਦ ਭਰਤੀ ਰੈਗੂਲਰ ਅਧਿਆਪਕਾਂ ਤੇ ਮੁਲਾਜ਼ਮਾਂ ਵਲੋਂ ਪੰਜਾਬ ਪੇਅ ਸਕੇਲ ਨੂੰ ਬਹਾਲ ਕਰਵਾਉਣ ਲਈ ਲਗਾਤਾਰ ਜ਼ਮੀਨੀ ਤੇ ਕਾਨੂੰਨੀ ਲੜਾਈ ਲੜੀ ਜਾ ਰਹੀ ਸੀ, ਜਿਸ ਵਿਚ ਸੁਪਰੀਮ-ਕੋਰਟ ਤੇ ਹਾਈਕੋਰਟ ਵਲੋਂ ਪੰਜਾਬ ਸਰਕਾਰ ਨੂੰ ਸਰਵਿਸ ਨਿਯਮਾਂ ਦੇ ਆਧਾਰ ਤੇ ਪੰਜਾਬ ਸਰਕਾਰ ਨੂੰ ਪੰਜਾਬ ਸਕੇਲ ਲਾਗੂ ਕਰਨ ਦੀ ਹਦਾਇਤ ਕੀਤੀ ਗਈ ਅਤੇ ਸਰਕਾਰ ਵਲੋਂ ਪੰਜਾਬ ਸਕੇਲ ਲਾਗੂ ਕਰਨ ਲਈ ਜਿੱਥੇ ਵੱਖ-ਵੱਖ ਪੱਤਰ ਜਾਰੀ ਕੀਤੇ ਗਏ, ਉਥੇ ਹੀ 3 ਅਕਤੂਬਰ ਨੂੰ ਜਾਰੀ ਕੀਤੇ ਗਏ ਪੱਤਰ ਨੇ ਰੈਗੂਲਰ ਅਧਿਆਪਕਾਂ ਤੇ ਮੁਲਾਜ਼ਮਾਂ ਨੂੰ ਵੱਡਾ ਵਿੱਤੀ ਨੁਕਸਾਨ ਪਹੁੰਚਾਇਆ | ਸਰਕਾਰ ਨੇ 2018 ਦੇ ਸਰਵਿਸ ਨਿਯਮਾਂ ਅਨੁਸਾਰ ਪਰਖ਼ਕਾਲ ਵਿਚ ਨੌਕਰੀ ਕਰ ਰਹੇ 6635, 4161, 5994, 2364 ਅਧਿਆਪਕਾਂ 'ਤੇ 10300 ਰੁਪਏ ਦੀ ਡੀ.ਸੀ. ਰੇਟ ਤੋਂ ਵੀ ਘੱਟ ਤਨਖ਼ਾਹ ਥੋਪੀ ਜਾ ਰਹੀ ਹੈ, ਜਦਕਿ ਪਰਖ਼ਕਾਲ ਦੇ ਵਿਚ ਮੁਲਾਜ਼ਮਾਂ ਦੀ ਘੱਟੋ ਘੱਟ ਤਨਖ਼ਾਹ 40 ਹਜ਼ਾਰ ਪ੍ਰਤੀ ਮਹੀਨਾ ਤੋਂ ਉੱਪਰ ਬਣਦੀ ਹੈ | ਯੂਨੀਅਨ ਆਗੂਆਂ ਨੇ ਚਿਤਾਵਨੀ ਦਿੰਦੇ ਹੋਏ ਕਿਹਾ ਕਿ ਜੇਕਰ ਸਰਕਾਰ ਛੇਵਾਂ ਪੰਜਾਬ ਸਕੇਲ ਪੂਰਨ ਰੂਪ ਵਿਚ ਲਾਗੂ ਕਰਨ ਲਈ ਸਹਿਮਤ ਨਹੀਂ ਹੁੰਦੀ ਤਾਂ ਆਉਣ ਵਾਲੇ ਸਮੇਂ ਵਿਚ ਈ.ਟੀ.ਟੀ. ਅਧਿਆਪਕ ਯੂਨੀਅਨ ਅਤੇ ਪੰਜਾਬ ਪੇਅ ਸਕੇਲ ਬਹਾਲੀ ਸਾਂਝਾ ਫ਼ਰੰਟ ਵਲੋਂ ਸਰਕਾਰ ਖਿਲਾਫ ਤਿੱਖਾ ਸੰਘਰਸ਼ ਵਿੱਢਿਆ ਜਾਵੇਗਾ | ਇਸ ਮੌਕੇ ਯੂਨੀਅਨ ਦੇ ਸੂਬਾ ਕਮੇਟੀ ਮੈਂਬਰ ਰਾਜ ਸੁਖਵਿੰਦਰ, ਜਰਨੈਲ ਨਾਗਰਾ, ਰਵਿੰਦਰ ਕੰਬੋਜ, ਮਨਦੀਪ ਬਟਾਲਾ, ਸੁਮਿਤ ਕੰਬੋਜ, ਬੂਟਾ ਸਿੰਘ, ਜੱਗਾ ਬੋਹਾ, ਦੇਸ ਰਾਜ, ਦਾਨਿਸ਼ ਭੱਟੀ, ਪਰਮਿੰਦਰ ਸਿੰਘ ਅਤੇ ਦੀਪ ਬਨਾਰਸੀ ਆਦਿ ਮੌਜੂਦ ਸਨ |

ਪਿਛਲੀ ਖ਼ਬਰ ਭਾਕਿਯੂ ਡਕੌਂਦਾ ਨੇ ਬਿਜਲੀ ਬਿੱਲ ਅਤੇ ਸੀਡ ਬਿੱਲ ਵਿਰੁੱਧ ਕਮਰ ਕਸੀ <br/> ਅਗਲੀ ਖ਼ਬਰ ਕੈਂਬਿ੍ਜ ਸਕੂਲ ਦੇ ਅਭੇਪ੍ਰਤਾਪ ਸਿੰਘ ਨੂੰ ਫੈਪ ਨੈਸ਼ਨਲ 'ਬੈੱਸਟ ਪਲੇਅਰ ਐਵਾਰਡ' <br/>

ਅਧਿਆਪਕਾਂ ਦੀਆਂ ਤਨਖ਼ਾਹਾਂ ਡੀ.ਸੀ. ਰੇਟ ਤੋਂ ਘੱਟ ਕਰਨ ਦੀ ਈ.ਟੀ.ਟੀ. ਅਧਿਆਪਕ ਯੂਨੀਅਨ ਵਲੋਂ ਨਿਖੇਧੀ <br/>

ਸੰਬੰਧਿਤ ਖ਼ਬਰਾਂ