ਨਗਰ ਕੌਂਸਲ ਨੇ ਨੋਟੀਫ਼ਿਕੇਸ਼ਨ ਜਾਰੀ ਹੋਣ ਤੋਂ 6ਵੇਂ ਦਿਨ ਮੰਗੇ ਇਤਰਾਜ਼ <br/>
ਅਹਿਮਦਗੜ੍ਹ ਦੀ ਨਵੀਂ ਵਾਰਡਬੰਦੀ ਦਾ ਇਤਰਾਜ਼ ਕਰਨ ਵਾਲੇ ਰਾਜਨ ਘਈ, ਹਿਮਾਂਸ਼ੂ ਗੁਪਤਾ, ਮੁਨੀਸ਼ ਸਿੰਗਲਾ, ਜਸਵਿੰਦਰ ਸਿੰਘ ਸੋਢੀ, ਰਾਕੇਸ਼ ਸ਼ਾਹੀ | ਤਸਵੀਰ: ਸੁਖਜੀਤ ਸਿੰਘ ਖੇੜਾ
<br/>
26-12-2025
ਲੋਕਾਂ ਨੇ ਆਪਣੇ ਇਤਰਾਜ਼ ਪ੍ਰਗਟ ਕੀਤੇ
ਵਾਰਡ ਨੰਬਰ 12 ਤੋਂ ਦਾਅਵੇਦਾਰ ਭਾਜਪਾ ਮੰਡਲ ਪ੍ਰਧਾਨ ਰਾਜਨ ਘਈ ਨੇ ਨਗਰ ਕੌਂਸਲ ਵਲੋਂ ਜਾਰੀ ਕੀਤੀ ਗਈ ਨਵੀਂ ਵਾਰਡ ਦੀ ਹੱਦਬੰਦੀ 'ਤੇ ਆਪਣਾ ਇਤਰਾਜ਼ ਪ੍ਰਗਟ ਕਰਦੇ ਹੋਏ ਕਿਹਾ ਕਿ ਨਗਰ ਕੌਂਸਲ ਨੇ ਸ਼ਹਿਰ ਵਿਚ ਸਹੀ ਸਰਵੇਖਣ ਨਹੀਂ ਕੀਤਾ | ਸ਼ਹਿਰ ਵਿਚ ਬਹੁਤ ਸਾਰੇ ਮੁਹੱਲੇ ਹਨ ਜਿੱਥੇ ਵਸਨੀਕ ਆਪਣੇ ਘਰਾਂ ਨੂੰ ਤਾਲੇ ਲਗਾ ਕੇ ਵਿਦੇਸ਼ ਚਲੇ ਗਏ ਹਨ, ਅਤੇ ਉਨ੍ਹਾਂ ਦੀ ਤਸਦੀਕ ਸਹੀ ਢੰਗ ਨਾਲ ਨਹੀਂ ਕੀਤੀ ਗਈ ਹੈ | ਇਸ ਤੋਂ ਇਲਾਵਾ, ਜਦੋਂ ਸ਼ਹਿਰ ਦੀ ਆਬਾਦੀ ਨਹੀਂ ਵਧੀ ਹੈ ਅਤੇ ਕੋਈ ਕੰਮ ਨਹੀਂ ਹੋਇਆ ਹੈ, ਤਾਂ ਨਵੇਂ ਵਾਰਡ ਦੀ ਹੱਦਬੰਦੀ ਦੀ ਲੋੜ ਕਿਉਂ ਹੈ?
ਕਾਨੂੰਨ ਦੀ ਘੋਰ ਉਲੰਘਣਾ-ਹਿਮਾਂਸ਼ੂ ਗੁਪਤਾ
ਵਾਰਡਨੰਬਰ 11 ਦੇ ਉਮੀਦਵਾਰ ਹਮਾਂਸ਼ੂ ਗੁਪਤਾ ਨੇ ਕਿਹਾ ਕਿ ਵਾਰਡ ਨੰਬਰ 11 ਪਹਿਲਾਂ ਅÏਰਤਾਂ ਦਾ ਵਾਰਡ ਸੀ ਅਤੇ ਹੁਣ ਇਸ ਨੰੂ ਜਾਣਬੁੱਝ ਕੇ ਫਿਰ ਤੋਂ ਅÏਰਤਾਂ ਦੇ ਵਾਰਡ ਵਿਚ ਹੀ ਬਦਲ ਦਿੱਤਾ ਗਿਆ ਹੈ | ਇਹ ਪੂਰੀ ਤਰ੍ਹਾਂ ਗ਼ਲਤ ਹੈ | ਇਹ ਕਾਨੂੰਨ ਦੀ ਘੋਰ ਉਲੰਘਣਾ ਹੈ, ਜਿਸ 'ਤੇ ਅਸੀਂ ਆਪਣਾ ਇਤਰਾਜ਼ ਵੀ ਦਰਜ ਕਰਵਾਇਆ ਹੈ |
ਸਰਕਾਰਵਲੋਂ ਆਪਣੇ ਚਹੇਤਿਆਂ ਨੂੰ ਜਿਤਾਉਣ ਲਈ ਗ਼ਲਤ ਵਾਰਡਬੰਦੀ ਕੀਤੀ-ਸੋਢੀ
ਵਾਰਡ ਨੰਬਰ 10 ਤੋਂ ਅਕਾਲੀ ਦਲ ਦੇ ਕੌਂਸਲਰ ਜਸਵਿੰਦਰ ਸਿੰਘ ਸੋਢੀ ਨੇ ਇਤਰਾਜ਼ ਜਤਾਉਂਦਿਆਂ ਕਿਹਾ ਕਿ ਮੌਜੂਦਾ ਸਰਕਾਰ ਵਲੋਂ ਆਪਣੇ ਉਮੀਦਵਾਰਾਂ ਨੂੰ ਜਿਤਾਉਣ ਲਈ ਜਾਣ ਬੁੱਝ ਕੇ ਵਾਰਡਾਂ ਦੀ ਭੰਨ ਤੋੜ ਕੀਤੀ ਗਈ ਹੈ ਤਾਂ ਕਿ ਆਪਦੇ ਨੁਮਾਇੰਦਿਆਂ ਨੂੰ ਉਨ੍ਹਾਂ ਦੀਆਂ ਚਹੇਤੀਆਂ ਵੋਟਾਂ ਨਾਲ ਜੋੜ ਕੇ ਜਿਤਾਇਆ ਜਾਵੇ ਜੋ ਕਿ ਸਰਾਸਰ ਹੀ ਗ਼ਲਤ ਹੈ ਉਨ੍ਹਾਂ ਕਿਹਾ ਕਿ ਇਸ ਵਾਰਡ ਬੰਦੀ ਖ਼ਿਲਾਫ਼ ਉਹ ਇਤਰਾਜ਼ ਜਿਤਾ ਚੁੱਕੇ ਹਨ ਅਤੇ ਲੋੜ ਪਈ ਤਾਂ ਮਾਨਯੋਗ ਹਾਈਕੋਰਟ ਦਾ ਦਰਵਾਜ਼ਾ ਖੜਕਾਉਣਗੇ |
ਵਾਰਡ ਦੀ ਹੱਦਬੰਦੀ ਗ਼ਲਤ ਢੰਗ ਨਾਲ ਅਤੇ ਰਾਜਨੀਤਿਕ ਦਬਾਅ ਹੇਠ ਕੀਤੀ ਗਈ ਸੀ-ਮਨੀਸ਼ ਸਿੰਗਲਾ
ਚੋਣ ਲੜਨ ਦੇ ਦਾਅਵੇਦਾਰ ਮਨੀਸ਼ ਸਿੰਗਲਾ ਨੇ ਕਿਹਾ ਕਿ ਵਾਰਡਾਂ ਦੀ ਹੱਦਬੰਦੀ ਗ਼ਲਤ ਢੰਗ ਨਾਲ ਅਤੇ ਰਾਜਨੀਤਿਕ ਦਬਾਅ ਹੇਠ ਕੀਤੀ ਗਈ ਹੈ | ਇਹ ਵਾਰਡ ਦੀ ਹੱਦਬੰਦੀ ਨਗਰ ਨਿਗਮ ਐਕਟ ਦੀ ਉਲੰਘਣਾ ਕਰ ਕੇ ਕੀਤੀ ਗਈ ਹੈ ਅਤੇ ਅਸੀਂ ਇਤਰਾਜ਼ ਉਠਾਏ ਹਨ ਅਤੇ ਸਾਡੇ ਵਿਚਾਰ ਸੁਣੇ ਜਾਣੇ ਚਾਹੀਦੇ ਹਨ |
ਮੇਰੇ ਘਰ ਦੀਆਂ ਗਲੀਆਂ ਨੂੰ ਜਾਣਬੁੱਝ ਕੇ ਮੇਰੇ ਵਾਰਡ ਤੋਂ ਕੱਟ ਦਿੱਤਾ ਗਿਆ-ਰਾਕੇਸ਼ ਸ਼ਾਹੀ
ਵਾਰਡ ਦੀ ਹੱਦਬੰਦੀ ਬਾਰੇ ਵਾਰਡ ਨੰਬਰ 17 ਦੀ ਕਾਂਗਰਸੀ ਕੌਂਸਲਰ ਗੀਤਾ ਸ਼ਾਹੀ ਦੇ ਪਤੀ ਰਾਕੇਸ਼ ਸ਼ਾਹੀ ਨੇ ਕਿਹਾ ਕਿ ਵਾਰਡ ਦੀ ਹੱਦਬੰਦੀ ਨੂੰ ਜਾਣਬੁੱਝ ਕੇ ਮੇਰੇ ਵਾਰਡ ਤੋਂ ਕੱਟ ਕੇ ਅੱਗੇ ਵਧਾਇਆ ਗਿਆ ਹੈ | ਉਨ੍ਹਾਂ ਕਿਹਾ ਕਿ ਜੇਕਰ ਸਰਕਾਰ ਵਲੋਂ ਕੀਤੀ ਗਈ ਵਾਰਡ ਦੀ ਹੱਦਬੰਦੀ ਸਹੀ ਹੈ, ਤਾਂ ਵਾਰਡ ਵਿਚ ਕੋਈ ਬਦਲਾਅ ਨਹੀਂ ਕੀਤਾ ਜਾਣਾ ਚਾਹੀਦਾ ਅਤੇ ਨਾ ਹੀ ਪੁਰਾਣਾ ਵਾਰਡ ਕੱਟ ਵੱਢ ਕਰਨਾ ਚਾਹੀਦਾ ਹੈ |
