ਸੰਗਰੂਰ

ਦਵਾਈਆਂ ਦੀ ਦੁਕਾਨ ਵਿਚ ਨਕਦੀ ਸਮੇਤ ਦਵਾਈਆਂ ਦੀ ਕੀਤੀ ਚੋਰੀ <br/>

ਬੀ.ਕੇ. ਡਬਲਿਯੂ ਮੈਡੀਕੋਜ਼ (ਭਿੰਡਰਾਂ ਵਾਲਿਆਂ ਦੀ ਦੁਕਾਨ) ਦਵਾਈਆਂ ਦੀ ਦੁਕਾਨ ਦਾ ਦਿ੍ਸ਼ ਜਿੱਥੇ ਰਾਤੀ ਚੋਰਾਂ ਨੇ ਨਗਦੀ ਦੇ ਨਾਲ-ਨਾਲ ਦਵਾਈਆਂ ਉੱਤੇ ਹੱਥ ਸਾਫ਼ ਕੀਤਾ | ਤਸਵੀਰ: ਮੁਕੇਸ਼ ਕੁਮਾਰ <br/> 30-12-2025

ਸੰਗਰੂਰ, 29 ਦਸੰਬਰ (ਅਮਨਦੀਪ ਸਿੰਘ ਬਿੱਟਾ)-ਸਿਵਲ ਹਸਪਤਾਲ ਸੰਗਰੂਰ ਦੇ ਸਾਹਮਣੇ ਸਥਿਤ ਬੀ.ਕੇ. ਡਬਲਿਯੂ ਮੈਡੀਕੋਜ਼ ਭਿੰਡਰਾਂ ਵਾਲਿਆਂ ਦੀ ਦੁਕਾਨ (ਦਵਾਈਆਂ ਦੀ ਦੁਕਾਨ) ਉੱਤੇ ਦੇਰ ਰਾਤ ਚੋਰੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ | ਦੁਕਾਨ ਦੇ ਮਾਲਕ ਅਸ਼ੋਕ ਕੁਮਾਰ ਨੇ ਦੱਸਿਆ ਕਿ ਦੁਕਾਨ ਦੀ ਗੋਲਕ ਵਿਚੋਂ 60 ਤੋਂ 70 ਹਜ਼ਾਰ ਰੁਪਏ ਦੀ ਨਗਦੀ ਦੇ ਨਾਲ-ਨਾਲ ਕੁਝ ਦਵਾਈਆਂ ਵੀ ਚੋਰੀ ਹੋਈਆ ਹਨ | ਸੀ.ਸੀ.ਟੀ.ਵੀ. ਦੀ ਫੁਟੇਜ ਅਨੁਸਾਰ ਦੋ ਅਣਪਛਾਤੇ ਵਿਅਕਤੀ ਤੀਸਰੀ ਮੰਜ਼ਲ ਤੋਂ ਰਾਤੀ 2.15 ਵਜੇ ਦੁਕਾਨ ਵਿਚ ਦਾਖਲ ਹੋਏ | ਤੀਸਰੀ ਮੰਜ਼ਲ ਦਾ ਦਰਵਾਜ਼ਾ ਤੋੜ ਕੇ ਦਾਖਲ ਹੋਏ ਦੋਵੇਂ ਵਿਅਕਤੀ ਤਕਰੀਬਨ 2.42 ਉੱਤੇ ਦੁਕਾਨ ਵਿਚੋਂ ਬਾਹਰ ਗਏ | ਕੁਝ ਕੁ ਮਿੰਟ ਦੇ ਸਮੇਂ ਵਿਚ ਹੀ ਦੋਵੇਂ ਵਿਅਕਤੀਆਂ ਨੇ ਨਗਦੀ ਅਤੇ ਦਵਾਈਆਂ ਉੱਪਰ ਹੱਥ ਸਾਫ਼ ਕਰ ਲਿਆ | ਦੁਕਾਨ ਮਾਲਕ ਨੂੰ ਚੋਰੀ ਸਬੰਧੀ ਪਤਾ ਸਵੇਰੇ ਲੱਗਿਆ ਜਦ ਉਨ੍ਹਾਂ ਦੁਕਾਨ ਖੋਲੀ ਸੀ | ਅਸ਼ੋਕ ਕੁਮਾਰ ਨੇ ਇਸ ਸਬੰਧੀ ਥਾਣਾ ਸਿਟੀ-1 ਦੀ ਪੁਲਿਸ ਨੂੰ ਇਤਲਾਹ ਕੀਤੀ | ਐੱਸ.ਐੱਚ.ਓ. ਸਿਟੀ-1 ਇੰਸਪੈਕਟਰ ਕਸ਼ਮੀਰ ਸਿੰਘ ਨੇ ਦੱਸਿਆ ਕਿ ਪੁਲਿਸ ਗਹਿਰਾਈ ਨਾਲ ਜਾਂਚ ਕਰ ਰਹੀ ਹੈ ਅਤੇ ਦੋਸ਼ੀ ਜਲਦ ਕਾਬੂ ਕਰ ਲਏ ਜਾਣਗੇ |

ਪਿਛਲੀ ਖ਼ਬਰ ਸੰਗਰੂਰ ਜੇਲ੍ਹ ਵਿਚ ਨਵੀਂ ਬੈਰਕ ਦੀ ਉਸਾਰੀ ਨਾਲ ਜੇਲ੍ਹ ਦੀ ਸਮਰੱਥਾ ਵਿਚ ਹੋਵੇਗਾ ਵਾਧਾ <br/> ਅਗਲੀ ਖ਼ਬਰ ਸੜਕ ਹਾਦਸੇ 'ਚ ਅÏਰਤ ਦੀ ਮੌਤ

ਦਵਾਈਆਂ ਦੀ ਦੁਕਾਨ ਵਿਚ ਨਕਦੀ ਸਮੇਤ ਦਵਾਈਆਂ ਦੀ ਕੀਤੀ ਚੋਰੀ <br/>

ਸੰਬੰਧਿਤ ਖ਼ਬਰਾਂ