ਮਹਿਰਾਜ, 3 ਸਤੰਬਰ (ਸੁਖਪਾਲ ਮਹਿਰਾਜ)- ਸਥਾਨਕ ਸਿਵਲ ਹਸਪਤਾਲ ਵਿਖੇ ਆਧੁਨਿਕ ਤਕਨੀਕ ਵਾਲੀ ਇਕ ਟੈੱਸਟ ਮਸ਼ੀਨ ਸਥਾਪਿਤ ਕੀਤੀ ਗਈ ਹੈ ਜਿਸ ਨਾਲ ਮਨੁੱਖੀ ਸਰੀਰ ਦੇ ਵੱਖ-ਵੱਖ ਟੈੱਸਟ ਜਿਵੇਂ ਕਿ ਬਲੱਡ ਪ੍ਰੈਸ਼ਰ, ਖੂਨ ਦੇ ਵੱਖ-ਵੱਖ ਟੈੱਸਟ, ਸ਼ੂਗਰ ਦੇ ਟੈੱਸਟ, ਈ.ਸੀ.ਜੀ. ਆਦਿ ਟੈੱਸਟ ਇਕੋ ਮਸ਼ੀਨ ਤੋਂ ਇੱਕੋ ਥਾਂ 'ਤੇ ਕੀਤੇ ਜਾ ਸਕਣਗੇ ਅਤੇ ਇਹ ਸਾਰੇ ਟੈੱਸਟ ਮੁਫ਼ਤ ਕੀਤੇ ਜਾਣਗੇ¢ ਇਹ ਜਾਣਕਾਰੀ ਦਿੰਦਿਆਂ ਉਕਤ ਹਸਪਤਾਲ ਦੇ ਡਾਕਟਰ ਅਮਨਦੀਪ ਕÏਰ ਨੇ ਦੱਸਿਆ ਕਿ ਨਗਰ ਵਾਸੀਆਂ ਦੀ ਸਹੂਲਤ ਲਈ ਇਹ ਮਸ਼ੀਨ ਬਹੁਤ ਸਹਾਈ ਹੋਵੇਗੀ¢ ਉਨ੍ਹਾਂ ਦੱਸਿਆ ਕਿ ਟੈੱਸਟਾਂ ਦੀ ਰਿਪੋਰਟ ਮਰੀਜ਼ ਦੇ ਮੋਬਾਇਲ ਫੋਨ 'ਤੇ ਤੁਰੰਤ ਸੰਦੇਸ਼ ਰਾਹੀਂ ਮਿਲ ਜਾਇਆ ਕਰੇਗੀ¢ ਅੱਜ ਇਸ ਮਸ਼ੀਨ ਨੂੰ ਚਾਲੂ ਕਰਨ ਉਪਰੰਤ ਟੈੱਸਟਾਂ ਦੀ ਸ਼ੁਰੂਆਤ ਵੀ ਕੀਤੀ ਗਈ¢ ਐਮ.ਵੀ.ਐਸ. ਇੰਡੀਆ ਵਲੋਂ ਅਰੋਗਿਆ ਪ੍ਰੋਜੈਕਟ ਸਰਕਾਰੀ ਮੈਡੀਕਲ ਸਿਹਤ ਸਹੂਲਤਾਂ ਤਹਿਤ ਇਹ ਮਸ਼ੀਨ ਇਥੇ ਭੇਜੀ ਗਈ ਹੈ¢ ਇਸ ਮੌਕੇ ਪਸ਼ੂਆਂ ਦੇ ਮਾਹਿਰ ਡਾਕਟਰ ਬਲਵੀਰ ਸਿੰਘ, ਸਾਬਕਾ ਐਮ.ਸੀ. ਗੁਰਚੇਤ ਸਿੰਘ ਚੇਤੀ, ਸਾਬਕਾ ਐਮ.ਸੀ. ਬਲਵੀਰ ਸਿੰਘ, ਸੇਵਾ ਮੁਕਤ ਅਧਿਆਪਕ ਹਰਚਰਨ ਸਿੰਘ, ਗੁਰਦੀਪ ਸਿੰਘ, ਹਸਪਤਾਲ ਦੇ ਸਟਾਫ਼ ਵਿਚੋਂ ਜਸਪਾਲ ਕੌਰ, ਕਰਮਜੀਤ ਕੌਰ, ਸੁਖਮਨਪ੍ਰੀਤ ਕੌਰ, ਹਰਦੀਪ ਸਿੰਘ ਜਸਵਿੰਦਰ ਸਿੰਘ ਆਦਿ ਹਾਜ਼ਰ ਸਨ¢
